సీతారాముల కల్యాణము | Seetha Ramula Kalyanam | Song Lyrics | Seetha Rama Kalyanam (1961)

సీతారాముల కల్యాణము

చిత్రం :  సీతారామ కల్యాణం (1961)

సంగీతం : గాలిపెంచల నరసింహారావు

గీతరచయిత :  సముద్రాల

నేపధ్య గానం :  సుశీల   

పల్లవి :

సీతారాముల కల్యాణము 

చూతము రారండి

శ్రీ సీతారాముల కల్యాణము 

చూతము రారండి

చరణం 1 :

చూచువారలకు చూడ ముచ్చటట.. 

పుణ్యపురుషులకు ధన్య భాగ్యమట

చూచువారలకు చూడ ముచ్చటట.. 

పుణ్యపురుషులకు ధన్య భాగ్యమట 

భక్తి యుక్తులకు ముక్తిప్రదమట 

ఆ...అ.ఆ..ఆ... అ.ఆ..ఆ.. అ.ఆ..అ..ఆ 

భక్తి యుక్తులకు ముక్తిప్రదమట.. 

సురలను మునులను చూడవచ్చురట

కళ్యాణము చూతము రారండి... 

చరణం 2 :

దుర్జన కోటిని దర్పమడంచగ.. 

సజ్జన కోటిని సంరక్షింపగ

దుర్జన కోటిని దర్పమడంచగ.. 

సజ్జన కోటిని సంరక్షింపగ 

ధారుణి శాంతిని స్థాపన చేయగ

ఆ..ఆ... అ.ఆ..ఆ.. అ.ఆ..అ..ఆ

ధారుణి శాంతిని స్థాపన చేయగ.. 

నరుడై పుట్టిన పురుషోత్తముని

కళ్యాణము చూతము రారండి 

చరణం 3:

దశరథ రాజు సుతుడై వెలసి 

కౌశికు యాగము రక్షణ జేసి

దశరథ రాజు సుతుడై వెలసి 

కౌశికు యాగము రక్షణ జేసి 

జనకుని సభలో హరువిల్లు విరచి

ఆ...అ.ఆ..ఆ... అ.ఆ..ఆ.. అ.ఆ..అ..ఆ

జనకుని సభలో హరువిల్లు విరచి 

జానకి మనసు గెలిచిన రాముని 

కళ్యాణము చూతము రారండి... 

శ్రీ సీతారాముల కళ్యాణము 

చూతము రారండి

కళ్యాణము చూతము రారండి.. 

శ్రీ సీతారాముల కళ్యాణము 

చూతము రారండి

చరణం 4: 

సిరి కల్యాణపు బొట్టును బెట్టి.. 

బొట్టును బెట్టి

మణిబాసికమును నుదుటను గట్టి.. 

నుదుటను గట్టి

పారాణిని పాదాలకు బెట్టి..ఆ..ఆ.. ఆ ....

పారాణిని పాదాలకు బెట్టి 

పెళ్ళికూతురై వెలసిన సీతా

కల్యాణము చూతము రారండి

శ్రీ సీతారాముల కల్యాణము 

చూతము రారండి 

చరణం 5:

సంపగి నూనెను కురులను దువ్వి.. 

కురులను దువ్వీ

సొంపుగ కస్తూరి నామము తీర్చి.. 

నామము తీర్చి

చెంపగ వాసీ చుక్కను బెట్టి.. 

ఆ.. ఆ.. ఆ....

చెంపగ వాసీ చుక్కను బెట్టి.. 

పెళ్ళి కొడుకై వెలసిన రాముని

కల్యాణము చూతము రారండి

శ్రీ సీతారాముల కల్యాణము 

చూతము రారండి

చరణం 6:

జానకి దోసిట కెంపుల ప్రోవై.. 

కెంపుల ప్రోవై

రాముని దోసిట నీలపు రాశై.. 

నీలపు రాశై

ఆణిముత్యములు తలంబ్రాలుగా...

ఆ.. ఆ ..ఆ.. ఆ ఆ ఆ ....

ఆణిముత్యములు తలంబ్రాలుగా

ఇరవుల మెరసిన సీతారాముల 

కల్యాణము చూతము రారండి

శ్రీ సీతారాముల కల్యాణము 

చూతము రారండీ

- పాటల ధనుస్సు 

అనురాగముతో నిండిన నదిలా | సీతారాముల ప్రేమ కధ | Seetharamula Prema Katha | Song Lyrics | RKSS Creations

అనురాగముతో నిండిన నదిలా

 సీతారాముల ప్రేమ కధ

రచన : రామకృష్ణ దువ్వు 

 

పల్లవి:

 

అనురాగముతో నిండిన నదిలా

కోకిల పాటల కిలకిల రావాలూ

గగనము నిండిన పన్నీటి మొయిలా

ఇలపై ప్రేమకు ఒక ఒరవడిగా

సీతా రాముల ప్రేమ కథ అమరముగా

సీతా రాముల ప్రేమ కథ అమరముగా

 

చరణం 1:

 

రాముని చూపులో వెన్నెల కాంచగా

సీత మనమున పరితపించుగా

బిడియపు మోమును చూడగా

పున్నమి జాబిలి భువిపై నిలచెనా

జానకి చెంతన రాముని భావనా

ప్రేమ వెలుగులు హృదయం నిండగా

 సీతా రాముల ప్రేమ కథ అమరముగా

 సీతా రాముల ప్రేమ కథ అమరముగా

చరణం 2:

 

కోదండమీడి రాముని చేయి మెత్తగా

కోమలి కురులు ముడివేయు ముచ్చటగా

సీతా రాముల అనుబంధం కని పర్ణశాల

తరగని తలపుల తరతరాల సాక్షిగా

జానకి రాముల ప్రేమలు కమనీయం

చైత్ర శుద్ధ నవమికి ప్రతియేటా కళ్యాణం

సీతా రాముల ప్రేమ కథ అమరముగా

సీతా రాముల ప్రేమ కథ అమరముగా

అనురాగముతో నిండిన నదిలా

కోకిల పాటల కిలకిల రావాలూ

గగనము నిండిన పన్నీటి మొయిలా

ఇలపై ప్రేమకు ఒక ఒరవడిగా

సీతా రాముల ప్రేమ కథ అమరముగా

సీతా రాముల ప్రేమ కథ అమరముగా

- RKSS Creations...

రామ నామము నోటిన నానిన చాలును | Ramanamamu Notina Chalunu | రామ నామ మహిమ పాట | Omkaram | RKSS Creations

 రామ నామ మహిమ పాట

 

రచన : రామకృష్ణ దువ్వు 

పల్లవి:

 

రామ నామము నోటిన నానిన చాలును

తొలగిపోవు ఇడుములు కడుదూరము

పలుకరే జనులార పావన నామము

రామ రామ రామ రామ

సీతా రామ రామ రామ

రఘురామ రామ రామ

 

చరణం 1:

 

విశ్వామిత్ర యాగ రక్షక రామ

అహల్యా శాప విమోచన రామ

మిథిలా వాసుల ఆరాధ్య రామ

జానకి వలచిన కళ్యాణ రామ

 

రామ నామము నోటిన నానిన చాలును

తొలగిపోవు ఇడుములు కడుదూరము

పలుకరే జనులార పావన నామము

రామ రామ రామ రామ

సీతా రామ రామ రామ

రఘురామ రామ రామ

 

చరణం 2:

 

జనస్థానమున శాంతి స్థాపన రామ

సీతా వియోగ శోకపు ప్రేమ రామ

సుగ్రీవ చెలిమితో సౌశీల్య రామ

హనుమ కొలిచే భక్త వత్సల్య రామ

 

రామ నామము నోటిన నానిన చాలును

తొలగిపోవు ఇడుములు కడుదూరము

పలుకరే జనులార పావన నామము

రామ రామ రామ రామ

సీతా రామ రామ రామ

రఘురామ రామ రామ

 

చరణం 3:

 

భక్తజన సర్వ పాప హర రామ

తులసీదాస కృత మానస రామ

మానుష దానవ సంహార రామ

శ్రీరామ నామామృత రక్షక రామ

 

రామ నామము నోటిన నానిన చాలును

తొలగిపోవు ఇడుములు కడుదూరము

పలుకరే జనులార పావన నామము

రామ రామ రామ రామ

సీతా రామ రామ రామ

రఘురామ రామ రామ

 

- RKSS Creations...

ఇనకుల తిలకుని పాదాలు కడుగంగ | Inakula Tilakuni Paadalu | Song Lyrics | Omkaram | RKSS Creations

 ఇనకుల తిలకుని పాదాలు కడుగంగ

భద్రాచల శ్రీరాముని భక్తి గీతం 
రచన : రామకృష్ణ దువ్వు 

పల్లవి :

ఇనకుల తిలకుని పాదాలు కడుగంగ

పావనమైనది గౌతమి…

జానకితోడ రాఘవుడు పాదము మోపగ

ధన్యమైనది భద్రగిరి…

 

చరణం 1:

 

శంఖు చక్రములు దాల్చిన రామా

పడతి తోడ కొలువు తీరిన రామా

భద్రుని బ్రోచి కోరిక తీర్చిన రామా

భక్తుల కొరకై ఇలలో నిలచిన రామా

 

చరణం 2:

 

రామ రామ రామాయనంగ

రామనామ మహిమ తోడ

కాయమందు దాగిన నారు వైరులు

అంతమౌదురు నిశాచర వినాశకరా

 

చరణం 3:

 

తనువులు తరింపగ శబరి నదియూ

కనులు పులకరించగ నీ దర్శనము

నోటినందు నెపుడు రామ నామము

మనమునందు రామమయమే జీవము

ధన్యమైనది మా జన్మములు రామా

 

-  RKSS Creations...

ఊరికే కొలను నీరు | Oorike kolanu neeru | Song Lyrics | Sampoorna Ramayanam (1971)

ఊరికే కొలను నీరు ఉలికి ఉలికి పడుతుంది

చిత్రం :  సంపూర్ణ రామాయణం (1971)

సంగీతం :  కె.వి. మహదేవన్

గీతరచయిత :  దేవులపల్లి

నేపధ్య గానం :  సుశీల

పల్లవి :

ఊరికే కొలను నీరు.. 

ఉలికి ఉలికి పడుతుంది

ఓరగా నెమలి 

పింఛమార వేసుకుంటుంది

ఎందుకో ఎందుకో ప్రతి పులుగు 

యేదో చెప్పబోతుంది

వనములో చెట్టు చెట్టు 

కనులు విప్పి చూస్తుంది

ఉండుండీ నా ఒళ్ళు 

ఊగి ఊగి పోతుంది

చరణం 1 :

అదిగో రామయ్య! ఆ అడుగులు నా తండ్రివి

ఇదుగో శబరీ! శబరీ! వస్తున్నానంటున్నవి

కదలలేదు వెర్రి శబరి ఎదురు చూడలేదని

నా కోసమే నా కోసమే నడచి నడచి నడచి

నా కన్నా నిరుపేద నా మహరాజు 

పాపం అదుగో

అసలే ఆనదు చూపు.. ఆ పై ఈ కన్నీరు

తీరా దయ చేసిన నీ రూపు తోచదయ్యయ్యో

ఏలాగో.. నా రామా.. ఏదీ.. ఏదీ.. ఏదీ..

నీల మేఘమోహనము.. 

నీ మంగళ రూపము

చరణం 2 :

కొలను నడిగి తేటనీరు.. 

కొమ్మ నడగి పూల తేరు

గట్టు నడిగి.. చెట్టు నడిగి.. 

పట్టుకొచ్చిన ఫలాలు.. 

పుట్ట తేనె రసాలు

దోరవేవో కాయలేవో ఆరముగ్గినవేవో గాని

ముందుగా రవ్వంత చూసి 

విందుగా అందీయనా...

విందుగా అందీయనా

పాటల ధనుస్సు 

భద్రాచల క్షేత్రమహిమ | Bhadrachala Kshetra Mahima | Song Lyrics | Andala Ramudu (1973)

భద్రాచల క్షేత్రమహిమ

చిత్రం: అందాల రాముడు (1973)

సంగీతం: కె.వి. మహదేవన్

గీతరచయిత: ఆరుద్ర

నేపథ్య  గానం: రామకృష్ణ, జె. వి. రాఘవులు

పల్లవి :

మా తల్లి గోదారి చూపంగ దారి.. 

పడవెక్కి భద్రాద్రి పోదామా

భద్రాద్రి రాముణ్ణి చూదామా.. 

భద్రగిరి మహిమలే విందామా... 

భద్రగిరి మహిమలే విందామా

ఏవిటోయ్ ఆ మహిమలు ?

శ్రీమద్రమారమణ గోవిందో హరి

భక్తులారా.. సుజనులారా... 

సీతాలక్ష్మణ సమేతుడైన శ్రీరామచంద్రుడు

అరణ్యవాస సమయంబున 

పావన గోదావరీ తీరంబున... 

ఒకానొక గిరిని పరికించి,

దానిపై సుంత విశ్రమించినంత... 

ఆ కంధరమ్మొక సుందరపురుషాకృతి దాల్చి . . .

ఏమనినాడనదా

ధన్యుడనైతిని  ఓ రామా..  

నా పుణ్యము పండెను శ్రీరామా

ధన్యుడనైతిని  ఓ రామా..  

నా పుణ్యము పండెను శ్రీరామా

మేరుగిరీంద్రుని పుత్రుడను..  

నీ రాకకు చూచే భద్రుడనూ

నారీ శిరోమణి సీతమ్మతో మీరు.. 

నా శిరసున నెలకొన వేడెదనూ

కారుణ్యాలయ కామిత మీడేర్చ..  

కలకాలము నిను కొలిచెదనూ

ధన్యుడ . . ధన్యుడ . . 

ధన్యుడనైతిని  ఓ రామా... 

నా పుణ్యము పండెను శ్రీరామా

అని భద్రుడు ప్రార్థించిన . . 

స్వామివారేమన్నరనగా . . .

వత్సా! నీ ముద్దు చెల్లించుటకు ముందు 

మా తండ్రి మాట చెల్లించవలయును

తదా ఉత్తరోత్తర కాలంబున 

పునర్దర్శనంబు ఇచ్చువాడను  . .  

అని వెడలిపోయిరి

అంతట

వెడలిన రాముడు వెలదిని బాసి... 

ఇడుములలో బడెనూ

కడలికి వారధి గట్టి... 

కఠినాత్ముడు దనుజుని గొట్టి

కలికి చెరను పోగొట్టి...  

కనువిందుగ పట్టము గట్టి

బంధుమిత్రుల తలచుట బట్టి

భక్తుని మాట మరిచాడు . . 

రాముడు పరమావతారమ్ము విడిచాడు

వైకుంఠవాసమ్ము చేరాడు...  

శ్రీమద్రమారమణ గోవిందో హరి . .

చరణం 1 :

కాని భూలొకమున భద్రుడు 

ఎన్నియుగము లైనా ఎదురు చూస్తూ

ఏ విధిముగా శోకించినాడనగా

వచ్చెదనంటివి రామయ్యా... 

వరమిచ్చెదనంటివి రామయ్యా

వచ్చెదనని శెలవిచిన పిమ్మట... 

మోసపుచ్చుట ఇచ్చట తగదయ్యా

వచ్చెనుకద నీ మాటకు మచ్చా..  

అది రానిచ్చెదనా నిను పోనిచ్చెదనా

హెచ్చరింతు నువు మెచ్చెడి తపమున...  

నిచ్చలు జపించి ఖచ్చితముగా

ఓ సచ్చరిత్రనిన్నిచ్చటకీడ్చెద... 

వచ్చెదనంటివి రామయ్యా... 

వరమిచ్చెదనంటివి రామయ్యా

అని శపథంబు చేసి 

మహోగ్ర తపస్సు నాచరించగా . .

సకల సురాసుర యక్ష గంధర్వ 

కిన్నెర కింపురుషాదులు  . .

సంక్షోభమ్మునొందిరి . . అపుడు...

 కదలెను. .  శ్రీ మహావిష్ణువు కదలెను. . 

భక్తసహిషువు

సుదతి శ్రీదేవికి సుంతయినా తెలుపక.. 

శుభ శంఖచక్రాల కరముల దాల్చక

సుదూరమౌ భూలోకమునకు...  

సుపర్ణుని భుజమైన ఏక్కకా

వడివడి కదలెను శ్రీమహావిష్ణువు  ... 

కదలెను. . భక్తసహిషువు . .

శ్రీమద్రమారమణ గోవిందో . . హారి

చరణం 2 :

గజేంద్రమోక్ష సన్నివేశంబుకై వడి . . .

స్వామి వారు ఆ విధమ్ముగాకదలగా

తన వెంటన్ సిరి.. లచ్చి వెంట 

నవరోధ వ్రాతమున్.. దానివె

న్కను బక్షీంద్రుడు.. 

వాని పొంతను ధనుః కౌమోదకీ శంఖ చ

క్రనికాయంబునూ...

హుటాహుటిని రాగా.. 

తొందరయందు అపసవ్యంబుగా 

ఆయుధములు ధరించి . . స్వామి

వారు భద్రునకు దర్శనంబీయ 

ఆ భక్త శిఖామణి ఏమన్నాడు

ఏవరివయ్య స్వామి నేను నిన్నెరుగను...  

హరిని నేనటంచు అనగనేల

నాడు నన్నుబ్రోచు నారాముడవునావు... 

నాటి రూపుచూప నమ్మగలను

అని భద్రుడుకోరగా... 

శ్రీమహావిష్ణువు  తొలినాటి 

రామావతారమ్ము ప్రదర్శించెను . .

అపసవ్యమ్ములైన ఆయుధమ్ములు... 

ఆ తీరుగనే చేతుల నెల్చెను . . .

భద్రుడు మహదానందబరితుడై

ఈ తీరుగనె ఇచ్చట వెలయుము... 

ఇనకులసోమా రామా

భూతలమున ఇది సీతారాముల 

పుణ్యక్షేత్ర లలామా . . 

శభాష్

అని విన్నవించగా స్వామివారు 

ఆ తీరు గనే వెలసిరి

ఆ భద్రుడే భద్రాద్రి అయ్యెను... 

భద్రగిరి వాసుడైన శ్రీరామచంద్రుడు

ఎండకు ఎండి వానకు తడిసి 

నీడకు తపించినవాడై . . .

చరణం 3 :

ఒకనాడు శబరి అంశమున జన్మించినదైన

పోకల దమ్మక్క అను భక్తురాలి 

స్వప్నమున సాక్షాత్కరించి ఆ వైనమ్ము తెలుపగా . . .

ఆయన భద్రగిరినంతయు గాలించగా

స్వామివారి దివ్యసుందరమూర్తి కనిపించెను

కోరి కనిపించావా కోదండరామయ్యా... 

గుడి కట్టలేని ఈ బడుగుపేదకు నీవు

కోరి కనిపించావా కోదండరామయ్యా... 

గుడి కట్టలేని ఈ బడుగుపేదకు నీవు

చక్రవర్తి కుమారుడా... 

ఇంకో చక్రవర్తికి అల్లుడా

భూచక్రమేలిన సార్వభౌమా... 

విధివక్రించి నీకే వాసమ్ముకరువా

తాటాకు పందిరే తాటకాంతక...  

నీకు భవనమయ్యా

తాటిపండ్లే ఓ మేటి రాజకుమార  

విందులయ్యా....  

నీకు విందులయ్యా

అని పోకల దమ్మక్క నిత్యము 

సేవించుకొనెను... 

తదుత్తర కాలంబున రామదాసుగా 

ప్రఖ్యాతుడైన కంచెర్ల గోపన్న

ఏ విధముగా ఆలయ నిర్మాణము గావించెననగా...  

ఏవిధముగానా . .  అప్పుజేసి

తప్పు నాయనా... 

గోపన్న చరితము లోకవిఖ్యాతము

తదీయ సంస్మరణము మంగళదాయకము

రామచంద్ర్రయ జనక రాజజామనోహరాయ... 

మామకాభీష్టదాయ మహిత మంగళం

సీతా...  రామచంద్ర్రయ 

జనక రాజజామనోహరాయ... 

మామకాభీష్టదాయ మహిత మంగళం

మహిత మంగళం  మహిత మంగళం...  

మహిత మంగళం  మహిత మంగళం

జై శ్రీమద్రమారమణ గోవిందో  హరి:

పాటల ధనుస్సు 

రామకథను వినరయ్యా | Ramakathanu Vinarayya | Song Lyrics | LavaKusa (1963)

రామకథను వినరయ్యా

చిత్రం :  లవకుశ (1963)

సంగీతం :  ఘంటసాల

గీతరచయిత :  సముద్రాల రాఘవాచార్య

నేపధ్య గానం :  లీల, సుశీల 

పల్లవి :

రామకథను వినరయ్యా .....

రామకథను వినరయ్యా .....

ఇహపర సుఖములనొసగే 

సీతారామకథను వినరయ్యా

రామకథను వినరయ్యా .....

అయోధ్యా నగరానికి రాజు 

దశరధ మహారాజు

ఆ రాజుకు రాణులు మువ్వురు... 

కౌసల్యా.. సుమిత్రా... కైకేయీ

నోము ఫలములై వారికి కలిగిరి 

కొమరులు నల్వురు

రామలక్ష్మణభరతశత్రుఘ్నులు.... 

ఆ.. ఆ... ఆ.. ఆ... 

రామకథను వినరయ్యా ...

ఇహపర సుఖములనొసగే 

సీతారామకథను వినరయ్యా

చరణం 1 :

ఘడియ ఏని రఘురాముని విడచి 

గడుపలేని ఆ భూజాని

కౌశిక యాగము కాచి రమ్మని...

కౌశిక యాగము కాచి రమ్మని... 

పలికెను నీరదశ్యాముని

రామకథను వినరయ్యా .....

చరణం 2 : 

తాటకి దునిమి జన్నము గాచి... 

తపసుల దీవన తలదాల్చి

జనకుని యాగము చూచు నెపమ్మున .....

జనకుని యాగము చూచు నెపమ్మున

చనియెను మిధిలకు దాశరధి

రామకథను వినరయ్యా .....

చరణం 3 : 

మదనకోటి సుకుమారుని కనుగొని

మిథిలకు మిథిలయే మురిసినది

ధరణిజ మదిలో మెరసిన మోదము...

ఆ... ఆ... ఆ... ఆ... ఆ... ఆ... ఆ....

ధరణిజ మదిలో మెరసిన మోదము... 

కన్నుల వెన్నెల విరిసినది 

రామకథను వినరయ్యా .....

చరణం 4 :

హరుని విల్లు రఘునాధుడు చేగొని

ఎక్కిడ ఫెళఫెళ విరిగినది

కళకళలాడే సీతారాముల...

ఆ... ఆ... ఆ... ఆ...

కళకళలాడే సీతారాముల...

ఆ... ఆ... ఆ... ఆ...

కళకళలాడే సీతారాముల...

ఆ... ఆ... ఆ... ఆ... ఆ... ఆ... ఆ... ఆ

కళకళలాడే సీతారాముల... 

కన్నులు కరములు కలిసినవి

రామకథను వినరయ్యా .....

ఇహపర సుఖములనొసగే 

సీతారామకథను వినరయ్యా

పాటల ధనుస్సు