రామకథను వినరయ్యా
చిత్రం : లవకుశ (1963)
సంగీతం : ఘంటసాల
గీతరచయిత : సముద్రాల రాఘవాచార్య
నేపధ్య గానం : లీల, సుశీల
పల్లవి :
రామకథను వినరయ్యా .....
రామకథను వినరయ్యా .....
ఇహపర సుఖములనొసగే
సీతారామకథను వినరయ్యా
రామకథను వినరయ్యా .....
అయోధ్యా నగరానికి రాజు
దశరధ మహారాజు
ఆ రాజుకు రాణులు మువ్వురు...
కౌసల్యా.. సుమిత్రా... కైకేయీ
నోము ఫలములై వారికి కలిగిరి
కొమరులు నల్వురు
రామలక్ష్మణభరతశత్రుఘ్నులు....
ఆ.. ఆ... ఆ.. ఆ...
రామకథను వినరయ్యా ...
ఇహపర సుఖములనొసగే
సీతారామకథను వినరయ్యా
చరణం 1 :
ఘడియ ఏని రఘురాముని విడచి
గడుపలేని ఆ భూజాని
కౌశిక యాగము కాచి రమ్మని...
కౌశిక యాగము కాచి రమ్మని...
పలికెను నీరదశ్యాముని
రామకథను వినరయ్యా .....
చరణం 2 :
తాటకి దునిమి జన్నము గాచి...
తపసుల దీవన తలదాల్చి
జనకుని యాగము చూచు నెపమ్మున .....
జనకుని యాగము చూచు నెపమ్మున
చనియెను మిధిలకు దాశరధి
రామకథను వినరయ్యా .....
చరణం 3 :
మదనకోటి సుకుమారుని కనుగొని
మిథిలకు మిథిలయే మురిసినది
ధరణిజ మదిలో మెరసిన మోదము...
ఆ... ఆ... ఆ... ఆ... ఆ... ఆ... ఆ....
ధరణిజ మదిలో మెరసిన మోదము...
కన్నుల వెన్నెల విరిసినది
రామకథను వినరయ్యా .....
చరణం 4 :
హరుని విల్లు రఘునాధుడు చేగొని
ఎక్కిడ ఫెళఫెళ విరిగినది
కళకళలాడే సీతారాముల...
ఆ... ఆ... ఆ... ఆ...
కళకళలాడే సీతారాముల...
ఆ... ఆ... ఆ... ఆ...
కళకళలాడే సీతారాముల...
ఆ... ఆ... ఆ... ఆ... ఆ... ఆ... ఆ... ఆ
కళకళలాడే సీతారాముల...
కన్నులు కరములు కలిసినవి
రామకథను వినరయ్యా .....
ఇహపర సుఖములనొసగే
సీతారామకథను వినరయ్యా
పాటల ధనుస్సు
