విఘ్నహరా వినాయకా | గణపతి భక్తి పాట | Song Lyrics | RKSS Creations | RK Duvvu

విఘ్నహరా వినాయకా

గణపతి భక్తి పాట

రచన రామకృష్ణ దువ్వు 

మరియు దివ్య సాహిత్యముల నుండి సేకరణ 

సాకి:

వక్రతుండ మహాకాయ

సూర్యకోటి సమప్రభ

నిర్విఘ్నం కురుమేదేవ

సర్వకార్యేషు సర్వదా

పల్లవి:

విఘ్నహరా వినాయకా

భక్తజన బహు ప్రియకరా

మోదకహస్త అభయకరా

మూషికవాహన కదలిరారా

మా పూజలు అందుకొనరా

గౌరీతనయా నీకుమొక్కగా

అవనిలో శాంతి ఒసగరా

గణపతి బప్పా మోరియా

మంగళమూర్తి మోరియా

చరణం 1:

గణనాయకాయ గణదైవతాయ

గణాధ్యక్షాయ ధీమహి

గుణశరీరాయ గుణమండితాయ

గుణేశానాయ ధీమహి

గుణాతీతాయ గుణధీశాయ

గుణప్రవిష్టాయ ధీమహి

ప్రతి మంత్రములో కొలువైన

మంత్రమూర్తివి నీవే దేవా

జ్ఞానమొసగి మా మనసున

చీకటుల తొలగింపుమయా

చరణం 2:

ఏకదంతాయ వక్రతుండాయ

గౌరీతనయాయ ధీమహి

గజాననాయ మూర్తయే

విఘ్నేశ్వరాయ ధీమహి

గజవదనాయ శ్రీ గణేశాయ

గుణమండితాయ ధీమహి

వేనోళ్ళ కీర్తించినా తరగదయా

తృష్ణ… నీ భజన చేయగ మా..

మనసుల నిండుగ మంచుకొండ

ప్రతిపనిలోను మాకు నీవే అండ

- RKSS Creations...

గోవింద గోపాల గోదా ప్రియలోల | గోదాదేవి తిరుప్పావై పాట | Godadevi Tiruppavai Song | RKSS Creations

 గోదాదేవి తిరుప్పావై పాట

రచన : రామకృష్ణ దువ్వు  

 

పల్లవి:

 

గోవింద గోపాల గోదా ప్రియలోల

గోవింద గోపాల గోదా ప్రియలోల

 

నీలవర్ణుడి చరణం చేరే మార్గము

ఆండాళ్ అమర తిరుప్పావై గీతము

పుష్పమాల ధరించి చేసిన తపము

చెలులందరకూ చూపె దివ్య మార్గము

గోదాదేవిని కీర్తించగను పుణ్య ఫలము

 

గోవింద గోపాల గోదా ప్రియలోల

గోవింద గోపాల గోదా ప్రియలోల

 

చరణం 1:

 

ధనుర్మాసపు పర్వదినములలో

నిద్రలేపె గోదా చెలియ గోపికలను

కలిసొచ్చి చన్నీట స్నానమాడితే

కర్మములన్నీ సమసి హరిని చేరుగా

గోదా మాటలు తిరుప్పావై పాటలు

రంగనాధుని మెడలో పూమాలలు

 

చరణం 2:

 

నందగోకులము కనరే విల్లుపుత్తూరున

కన్నెలందరు కన్నయ్యతోటి గోపికలు

ఆలమందలవిగో గోపాలునితో చనియె

వేణుగాన మాధురి వీనుల చేరగా

గోదా భక్తికి గోవిందుడు మురిసెగా

బృందావనమే ఇటకు తరలి వచ్చెగా

- RKSS Creations...

 

రామ నామము నోటిన నానిన చాలును | Ramanamamu Notina Chalunu | రామ నామ మహిమ పాట | Omkaram | RKSS Creations

 రామ నామ మహిమ పాట

 

రచన : రామకృష్ణ దువ్వు 

పల్లవి:

 

రామ నామము నోటిన నానిన చాలును

తొలగిపోవు ఇడుములు కడుదూరము

పలుకరే జనులార పావన నామము

రామ రామ రామ రామ

సీతా రామ రామ రామ

రఘురామ రామ రామ

 

చరణం 1:

 

విశ్వామిత్ర యాగ రక్షక రామ

అహల్యా శాప విమోచన రామ

మిథిలా వాసుల ఆరాధ్య రామ

జానకి వలచిన కళ్యాణ రామ

 

రామ నామము నోటిన నానిన చాలును

తొలగిపోవు ఇడుములు కడుదూరము

పలుకరే జనులార పావన నామము

రామ రామ రామ రామ

సీతా రామ రామ రామ

రఘురామ రామ రామ

 

చరణం 2:

 

జనస్థానమున శాంతి స్థాపన రామ

సీతా వియోగ శోకపు ప్రేమ రామ

సుగ్రీవ చెలిమితో సౌశీల్య రామ

హనుమ కొలిచే భక్త వత్సల్య రామ

 

రామ నామము నోటిన నానిన చాలును

తొలగిపోవు ఇడుములు కడుదూరము

పలుకరే జనులార పావన నామము

రామ రామ రామ రామ

సీతా రామ రామ రామ

రఘురామ రామ రామ

 

చరణం 3:

 

భక్తజన సర్వ పాప హర రామ

తులసీదాస కృత మానస రామ

మానుష దానవ సంహార రామ

శ్రీరామ నామామృత రక్షక రామ

 

రామ నామము నోటిన నానిన చాలును

తొలగిపోవు ఇడుములు కడుదూరము

పలుకరే జనులార పావన నామము

రామ రామ రామ రామ

సీతా రామ రామ రామ

రఘురామ రామ రామ

 

- RKSS Creations...

జయ జయ వినాయకా | Jaya Jaya Vinayaka | Song Lyrics | Omkaram | RKSS Creations

జయ జయ వినాయకా

రచన : రామకృష్ణ దువ్వు  

సాకి:

అనింద్య వాహనా అపర్ణ తనయా

కుడుములు గైకొని వరముల నొసగే

ఆనంద రూపా కైలాస నిలయా

ఆటంకాలను ఆవిరి చేసే గణపతి దేవా

పల్లవి:

జయ జయ వినాయకా

జయ గణ నాయకా..

విజయాలను మాకు చేరువ చేసే

మంగళ మూర్తి వినాయకా…

జయ జయ వినాయకా

 

చరణం 1:

కైలాసమీడి ప్రతి ఏడాదీ

ఆకాశ వీధిని మాకోసమొచ్చేవు

ఊరూరనిలచి మా పూజలు

గైకొని వరముల నిచ్చేవు

కుడుములతోనే సంతసించి

ఎనలేని మా కోర్కెలు తీర్చేవు

నువు నీట మునిగి నీతోనే

మా కష్టాలు నీట ముంచేవు

నీరాక కోసం మరు ఏడాది

మేము ఎదురు చూచేము

జయ జయ వినాయకా

జయ గణ నాయకా..

విజయాలను మాకు చేరువ చేసే

మంగళ మూర్తి వినాయకా…

జయ జయ వినాయకా

చరణం 2:

శ్రీ లక్ష్మీ గణపతిగ పూజలందుకొని

ప్రతినింటా సిరుల సంపదలిచ్చేవు

విద్యా గణపతివై వాడల వీధుల

మము బ్రోచి మాకెంతో జ్ఞానమిచ్చేవు

మూషిక వాహనుడై ఊరేగు వేళ

వాహన భాగ్యము అనుగ్రహించేవు

మహా గణపతిగా తోడుగ నిలచి

ఇంటింటి పెద్దవై జయములు కూర్చేవు

జయ జయ వినాయకా

జయ గణ నాయకా..

విజయాలను మాకు చేరువ చేసే

మంగళ మూర్తి వినాయకా…

జయ జయ వినాయకా 

- RKSS Creations...

ఇనకుల తిలకుని పాదాలు కడుగంగ | Inakula Tilakuni Paadalu | Song Lyrics | Omkaram | RKSS Creations

 ఇనకుల తిలకుని పాదాలు కడుగంగ

భద్రాచల శ్రీరాముని భక్తి గీతం 
రచన : రామకృష్ణ దువ్వు 

పల్లవి :

ఇనకుల తిలకుని పాదాలు కడుగంగ

పావనమైనది గౌతమి…

జానకితోడ రాఘవుడు పాదము మోపగ

ధన్యమైనది భద్రగిరి…

 

చరణం 1:

 

శంఖు చక్రములు దాల్చిన రామా

పడతి తోడ కొలువు తీరిన రామా

భద్రుని బ్రోచి కోరిక తీర్చిన రామా

భక్తుల కొరకై ఇలలో నిలచిన రామా

 

చరణం 2:

 

రామ రామ రామాయనంగ

రామనామ మహిమ తోడ

కాయమందు దాగిన నారు వైరులు

అంతమౌదురు నిశాచర వినాశకరా

 

చరణం 3:

 

తనువులు తరింపగ శబరి నదియూ

కనులు పులకరించగ నీ దర్శనము

నోటినందు నెపుడు రామ నామము

మనమునందు రామమయమే జీవము

ధన్యమైనది మా జన్మములు రామా

 

-  RKSS Creations...