గోవింద గోపాల గోదా ప్రియలోల | గోదాదేవి తిరుప్పావై పాట | Godadevi Tiruppavai Song | RKSS Creations

 గోదాదేవి తిరుప్పావై పాట

రచన : రామకృష్ణ దువ్వు  

 

పల్లవి:

 

గోవింద గోపాల గోదా ప్రియలోల

గోవింద గోపాల గోదా ప్రియలోల

 

నీలవర్ణుడి చరణం చేరే మార్గము

ఆండాళ్ అమర తిరుప్పావై గీతము

పుష్పమాల ధరించి చేసిన తపము

చెలులందరకూ చూపె దివ్య మార్గము

గోదాదేవిని కీర్తించగను పుణ్య ఫలము

 

గోవింద గోపాల గోదా ప్రియలోల

గోవింద గోపాల గోదా ప్రియలోల

 

చరణం 1:

 

ధనుర్మాసపు పర్వదినములలో

నిద్రలేపె గోదా చెలియ గోపికలను

కలిసొచ్చి చన్నీట స్నానమాడితే

కర్మములన్నీ సమసి హరిని చేరుగా

గోదా మాటలు తిరుప్పావై పాటలు

రంగనాధుని మెడలో పూమాలలు

 

చరణం 2:

 

నందగోకులము కనరే విల్లుపుత్తూరున

కన్నెలందరు కన్నయ్యతోటి గోపికలు

ఆలమందలవిగో గోపాలునితో చనియె

వేణుగాన మాధురి వీనుల చేరగా

గోదా భక్తికి గోవిందుడు మురిసెగా

బృందావనమే ఇటకు తరలి వచ్చెగా

- RKSS Creations...