శ్రీకృష్ణ జన్మాష్టమి పాట
జన్మాష్టమి శ్రీకృష్ణ జన్మాష్టమి
రచన : రామకృష్ణ దువ్వు
సాకి:
పరిత్రాణాయ సాధూనాం
వినాశాయ చ దుష్కృతామ్ |
ధర్మసంస్థాపనార్థాయ
సంభవామి యుగే యుగే ||
పల్లవి:
జన్మాష్టమి శ్రీకృష్ణ
జన్మాష్టమి
పాలకడలిని వీడి
నాగ శయనమీడి
మధురా నగరిలో
చెరసాల నందు
రోహిణీ నక్షత్ర
అష్టమి తిథి లోన
దేవకి దేవి
అష్టమ గర్భమందు
జన్మించెను భగవానుడు
జన్మించెను…
చరణం 1:
ధరణిలో పెరుగుతున్న
దానవకాండ
ధర్మానికి పట్టెను గదా
దమనకాండ
అవనికి తీరని
వ్యథ లే కలుగంగ
శాంతిని స్థాపన చేయగ
ఆ హరియే
శ్రీకృష్ణునిగ
జన్మించిన సుదినం…
చరణం 2:
బాలుడైనను పలు
రక్కసుల తృంచె
కాళీయ పడగలణచి
నాట్యమాడెనే
జగతికి జ్ఞానమొసగ
గీతను భోధించె
కుజనుల కూల్చధర్మ
యుద్ధము చేయించె
ధర్మ చక్రమును
స్థిరముగ ధరను నిలపె
- రామకృష్ణ దువ్వు
కామెంట్లు లేవు:
కామెంట్ను పోస్ట్ చేయండి