రాసలీల నృత్యము | Rasaleela Song | Brindavanam | RKSS Creations

 రాసలీల నృత్యము

గీత రచన : రామకృష్ణ దువ్వు 

స్వర కల్పన : S వేణుమాధవ్,

ఆల్బం : బృందావనం 

రికార్డింగ్ : శ్రీ మాత డిజిటల్ రికార్డింగ్, విశాఖపట్నం 

పల్లవి:

శారద చంద్రికలు మరులను కురిపించే

గువ్వలన్ని గూడుచేరి రాసలీలకై వేచే

విరహంలో వేగిపోయి వేంచేసిన చెలులారా

గోవిందుని పదములకు తనువులూగిపోగా

రాసలీల నాట్యమాడ రస జగమే ఓలలాడు

 

చరణం:

నిశ్శబ్ధ నిశీధిలో జగమే సోలినది

శ్రమియించి ధరియిత్రి నిద్రలో వాలినది

పున్నమి జాబిలికై కలువ కన్నెలు

వన్నెలెన్నో విరబూసి నాట్యమే ఆడాయి

తరుణుల సోయగాలు పిల్లనగ్రోవి చేసి

మురళీధరుని వేలికొసలు మీటగా

మధురమైన గానము కంఠాన పలికింది

 

చరణం:

తమకపు తనువులు బరువుగ మారెను

ఆతని కౌగిలిలో ఎదలే పొంగెను

ఫాలము మొదలుకొని చరణాల వరకు

అణువు అణువు నల్లనయ్య స్పర్శ కోసం

పరితపించి పోయాయి.. పరవశించాయి

శ్రీకృష్ణ భావనలో తనువులు మనసులు

అర్పించే భాగ్యమే రాసలీల నృత్యము

- RKSS Creations...