ఏ రాగమో ఇది ఏ తాళమో | Ye Ragamo idi | Song Lyrics | Amara Deepam (1977)

ఏ రాగమో ఇది ఏ తాళమో

చిత్రం :  అమర దీపం (1977)

సంగీతం :  సత్యం

గీతరచయిత :  ఆచార్య ఆత్రేయ

నేపధ్య గానం :  బాలు, సుశీల

పల్లవి :

ఏ రాగమో?.. ఇది ఏ తాళమో?..

ఏ రాగమో?.. ఇది ఏ తాళమో?

అనురాగాని కనువైన శృతి కలిపినాము

ఆఁహాఁ.. ఊఁహూఁ.. ఆఁహాఁ.. ఉఁహూఁ

ఏ రాగమో?.. ఇది ఏ తాళమో?

ఏ రాగమో?.. ఇది ఏ తాళమో?

మన కళ్యాణ శుభవేళ మోగించు మేళమో

ఏ రాగమో?.. ఇది ఏ తాళమో?..

చరణం 1 :

ఎదలో మెదిలే..  సంగతులన్నీ..

పలికెను సంగీతమై.. పలికెను సంగీతమై..

కలిసిన కన్నుల.. మెరిసేకలలే..

వెలిసెను గమకములై... 

వెలిసెను గమకములై..

హొయలైన నడకలే లయలైనవవవి..

చతురాడు నవ్వులే గతులైనవి..

సరిసరి అనగానే..  మరిమరి కొసరాడు

మురిపాలె మన జంట స్వరమైనది..

ఏ రాగమో?.. ఇది ఏ తాళమో?

మన కళ్యాణ శుభవేళ మోగించు మేళమో

ఏ రాగమో?...ఇది ఏ తాళమో?..

చరణం 2 :

విరికన్నె తనకు..  పరువమే కాదు..

పరువూ కలదన్నది... పరువు కలదన్నది..

భ్రమరము తనకు అనుభవమే కాదు..

అనుబంధమున్నది... అనుబంధమున్నది..

కోకిలమ్మ గుండెకు గొంతున్నది..

కొమ్మలో దానికి గూడున్నది..

సరిమగవానికి సగమని తలపోయు

మన జంటకే జంటసరి ఉన్నది..

ఏ రాగమో.. ఇది ఏ తాళమో

అనురాగాని కనువైన శృతి కలిపినాము

ఏ రాగమో.. ఇది ఏ తాళమో..

- పాటల ధనుస్సు