మందారమంటి మోముపై | Mandaramanti Momupai | Aadya Birthday song Lyrics | RKSS Creations

మందారమంటి మోముపై

రచన           : రామకృష్ణ దువ్వు, 

స్వరకల్పన : ఎస్ వేణుమాధవ్, 

గానం           : శ్రీమతి మూల శ్రీలత, 

రికార్డింగ్      : శ్రీ మాత డిజిటల్ రికార్డింగ్, 

                      విశాఖపట్నం

పల్లవి:

మందారమంటి మోముపై

బంగారమదిమిన బుగ్గలతో

తుమ్మెదలాడే కన్నులతో

అమృతమొలికే చూపులతో

సిరులను చిందే నవ్వులతో

దివినుండి వచ్చిన వేలుపు ..

మా ఇలవేలుపు …

హేపీ బర్త్ డే టూయు … ఆధ్యా …

హేపీ హేపీ బర్త్ డే … ఆధ్యా …

హేపీ బర్త్ డే టూయు … ఆధ్యా …

హేపీ హేపీ బర్త్ డే … ఆధ్యా …

హేపీ బర్త్ డే టూయు … ఆధ్యా …

చరణం 1:

వరముల నీయగ వరలక్ష్మి

స్వరముల వీణతో వాగీశ్వరి

శుభముల నొసగే శివశంకరి

మువ్వురి దీవెన కలగలసి

దువ్వు రాణి గా అవతరంచి

నవ్వులు చిందించే మోమున

పువ్వుల బాటల అరుదెంచె

చరణం 2:

కోటి తారలు ఇలను చూడగ

మేటి తార ఒకటి అవని చేరె

కోటి జన్మల పుణ్య ఫలమున

మాయింట వెలసెను ఆధ్య గ

ప్రేమలు పంచి సిరుల పెంచి

దివినుండి దేవతల దీవెనలతో

జయములు కలుగగ కలకాలం

- RKSS Creations...

నటరాజు ఆడేను తాండవం | Nataraju Adenu Tandavam | Song Lyrics | RKSS Creations

శివతాండవం - నటరాజు ఆడేను తాండవం 

గీత రచన : రామకృష్ణ దువ్వు 

స్వరకల్పన : S వేణు మాధవ్ 

గానం : మూల శ్రీలత, టి కృష్ణారావు 

రికార్డింగ్ : శ్రీమాత డిజిటల్ రికార్డింగ్, విశాఖపట్నం 

ప్రొడక్షన్ : RKSS Creations...

సాకి: 

 కైలాస శిఖరమే శివపాద స్పర్శతో కంపించి పోగా

 శిరసిడిచి గంగమ్మ తనువంటి స్వేదమై రాగా

 ఆకాశమే అదిరి ప్రద్యుమ్న హారతే ఈయగా

  మహదేవు కదలికతో వాయువిజృంభించి పోగా

పల్లవి:

నటరాజు ఆడేను తాండవం 

ఆ నటరాజు ఆడేను తాండవం

నటరాజు ఆడేను తాండవం 

 ఆ నటరాజు ఆడేను తాండవం

జటా ఝూటములు వింజామరలై

ప్రమధ గణములే భజంత్రీలై 

నాగాభరణమే నాదస్వరముగా

చంద్ర బింబమే వెలిగే దివ్వెగా

ఢమరుక ధ్వనిలో పదములు కదలగ

నటరాజు ఆడేను తాండవం 

చరణం 1:

సకల దేవగణకోటికాహ్వానం పలికి 

శేషనాగశయన బ్రహ్మాదులం గూడి

దక్షుడు తలపెట్టె మహా యజ్ఞము

శివుని పిలువక చేసె మహాపరాధము

ప్రీతితో దరికేగ సతిని ధూషించ

అవమానమగ్నిలో తానె భష్మమై పోగా

 భద్రుడై వీర భద్రుడై

 దిక్కులే పరుగు లెత్తగ

ధరణీ తలమున గిరి ఝరి తలములు 

గగన తలమున సురవర జనములు

ముల్లోకములే వెర వెర బోవగా

ముష్కర మూకల మదములు అణచగ

                                              

నటరాజు ఆడేను తాండవం 

 ఆ నటరాజు ఆడేను తాండవం

నటరాజు ఆడేను తాండవం 

ఆ నటరాజు ఆడేను తాండవం

చరణం 2:

వియోగ వ్యధ లోన పరమేష్ఠి నిలచి 

కైలాస శిఖరాన తపములో మునిగి 

లయ కారుడే మరచె విధి కార్యము 

లోకములు రక్షింప గిరి సుతను కలుపంగ 

శరముతో ఈశుని ప్రకోపించె మరుడు

 మదనాగ్ని లో తనువు మరగి పోగా

రుద్రుడై ప్రళయ రుద్రుడై 

సంద్రమే ఎగసే నింగి పై 

ఫాల నేత్రమున భగ భగ మంటలు  

కుసుమ శరుని ఫెణ ఫెణ కాల్చగ

భస్మమైన పతి కై రతి రోధించగ

పార్వతి ప్రార్ధన హృదయము మీటగ

నటరాజు ఆడేను తాండవం 

ఆ నటరాజు ఆడేను తాండవం

నటరాజు ఆడేను తాండవం 

ఆ నటరాజు ఆడేను తాండవం

- రామకృష్ణ దువ్వు

కన్నెల మనసులు దోచుకు పోయిన కన్నయ్య ఏడమ్మా | Brindavanam Song | RKSS Creations

కన్నెల మనసులు దోచుకు పోయిన కన్నయ్య ఏడమ్మా

గీత రచన : రామకృష్ణ దువ్వు 

స్వరకల్పన : కోట కృష్ణవేణి,

గానం : మూల శ్రీలత, టి కృష్ణారావు 

రికార్డింగ్ : శ్రీమాత డిజిటల్ రికార్డింగ్, విశాఖపట్నం 

ప్రొడక్షన్ : RKSS Creations

పల్లవి: 

(గోపికలు):

కన్నెల మనసులు దోచుకు పోయిన

 కన్నయ్య ఏడమ్మా

 పున్నమి జాబిలి చిన్నబోయిన

 వన్నెల కాడమ్మా

 మురళీ గానము మధురిమలో మేము

కన్నులు మూయంగా

అల్లరి కృష్ణుడు అందాల కృష్ణుడు 

చెంగున మరుగాయె

చరణం:  

కృష్ణయ్య లేని తనువులు మేము

మోయంగ లేమమ్మా

ఆతని వేణువు మాధుర్యమే మా

ఊపిరి నిలుపమ్మా

ఆ కాలి మువ్వల సవ్వడులే మాకు

చేతన మిచ్చేది

ఆతడు లేని అరక్షణమైన

జీవించ లేమమ్మా

చరణం: 

ఓ భూమాతా నీ వైన మా స్వామి జాడ

పరికించి తెలుపమ్మా

ఓ పున్నాగ, కదంబ, మారేడు, మామిడి

మీరైనా చెప్పండి

ఓ మల్లీ జాజీ సంపెంగ పూలారా

వనమంతా వెదకండి

ఓ వన మయూరమా శిఖిపింఛ మౌళిని

వెదకి తేవమ్మా

చరణం: (కృష్ణుడు...) 

ప్రతి తరవు నందు నిలిచింది నేనేగా నేనేగా…

ప్రతి పులుగు నందు చేతనము నేనేగా.. నేనేగా..

ప్రతి పూవు నందు పరిమళము నేనేగా… నేనేగా…

 భువిలోన దివిలోన ప్రతి అణువులోన నేనేగా… నేనేగా…

ఓ చెలులారా మీ హృదయాలలో

నేనెపుడూ బందీగా వుంటాను

కన్నెల మనసున నిలచి పోయిన

కన్నయ్య వీడమ్మా

పున్నమి జాబిలకీ కన్నెల సొగసుల

చందము ఏదమ్మా

- రామకృష్ణ దువ్వు

రాధా విలాపం | బృందావనం | Radha Vilapam song Lyrics | Brindavanam Album | RKSS Creations

 రాధా విలాపం : వ్రేపల్లె విడచినా గోవుల్ని మరచినా

గీత రచన : రామకృష్ణ దువ్వు 

సంగీతం : S వేణుమాధవ్ 

కీబోర్డ్ : Ch పవన్ కుమార్ 

గాత్రం : ఘట్టి శ్రీవిద్య 

రికార్డింగ్ : శ్రీ మాత డిజిటల్ స్టూడియో, విశాఖపట్నం,

ఆల్బం : బృందావనం,

ప్రొడ్యూసర్స్ : RKSS Creations.

 

పల్లవి:

వ్రేపల్లె విడచినా గోవుల్ని మరచినా

ఈ రాధ మనసు వీడలేవు మాధవా…

కన్నులు నావైనా.. చూపులు నీవిరా..

తనువే నాదైనా .. తలపులు నీవిరా..

మాధవా.. మాధవా.. మాధవా.. మాధవా..

 

చరణం:

రాధామాధవుల ప్రణయ వసంతాన

చిగురించిన తరువులు ఆనాడు

రాధ నిలా కాంచి నేడు శిశిరమై నాయి

నీ పిల్లనగ్రోవి శృతిలో గొంతు కలిపి కోయిలా

కుహు కుహు మన్నది ఆనాడు..

నీవులేని నన్ను గాంచి మూగవోయినాది..

ప్రకృతే నీవులేక మరిమరి విలపించగా..

నీవే ప్రాణమైన ఈ రాధ బ్రతుకగలదా…

 

చరణం:

రాధాకృష్ణుల సరస రాసక్రీడలో..

పురివిప్పిన మయూరాలు నాడు

నీవు లేక కన్నీటి కడలి అయ్యాయి..

నీ నగుమోముతోను రాగమొలుకు చూపులతో

ముద్దుగొలుపు మాటలతో …

నా హృదయమే దొంగిలించుకెళ్ళావు..

నా అసువులను నీతోటే తీసుకెళ్ళి పోయావు

నీ రాధ ఈ వనములో ఒక తరువుగా మిగిలుంది..

 

- రామకృష్ణ దువ్వు

రాధాకృష్ణుల ప్రణయగీతం | Radhakrishna song | Brindavanam | RKSS Creations

రాధాకృష్ణుల ప్రణయగీతం:

గీత రచన : రామకృష్ణ దువ్వు, 

స్వరకల్పన : చిప్పాడ పవన్ కుమార్ (ప్రవీణ్)

గానం : T కృష్ణ రావు, మూల శ్రీలత,

ఆల్బం : బృందావనం 

రికార్డింగ్ : శ్రీ మాత డిజిటల్ రికార్డింగ్, విశాఖపట్నం.

 

పల్లవి:

రాధ:

కృష్ణా… నా ఊపిరి నీవేరా…

నా కళ్ళు చూసేది నీ రూపమే …

నీ పదముల సవ్వడికే నా హృదయం ఆడేది

కృష్ణ:

రాధికా… నా ఉనికి నీకోసమే..

నీ చూపులే నా నయనాలు..

నా హృదిలో చేతనము నీవే చెలీ..

రాధ, కృష్ణ:

నేనూ నీవూ వేరుగ లేము

జగతిన ఎపుడూ కలసుంటాము..

 

చరణం 1:

రాధ:

ప్రతి తరువూ మన ప్రేమను చూసి

పరవశించి కమ్మని ఫలముల నిచ్చాయి

కృష్ణ:

రాధాకృష్ణుల జంటగ చూసి

గువ్వలన్ని ప్రేమ పాటలే పాడాయి

రాధ:

నీ మోహనరాగపు పరవశంబున

మబ్బులు ప్రేమ చినుకులు కురిశాయి..

కృష్ణ:

పూదోటలన్నీ స్వాగతించిగ

ప్రేమ సౌరభాలు గుప్పించాయి

రాధ, కృష్ణ:

నీవూ నేనూ జతగా వుంటే

ప్రతి ఆణువణువూ ప్రేమమయం

 

చరణం 2:

రాధ:

గోపాలా నీ ప్రేమ లో నేను రసరాగిణిని..

నా తనువూ మనసూ పలికేను నీ నామమే

 

కృష్ణ:

నేనెపుడూ  నీ నామమునే స్మరింతు సఖీ..

నీ పదములు తాకిన పుడమి పులకరించును

 

రాధ:

భువిలో దివిలో ఏ యుగమైనా …

కృష్ణుని సరసన నిలుచును ఈ రాధ…

కృష్ణ:

సుమ సమమైన ప్రియ చరణములు

నా శిరసున దాల్చి తరింతు ప్రేమ మయీ ..

రాధ, కృష్ణ:

నీవూ నేనూ జతగా వుంటే

ప్రతి ఆణువణువూ ప్రేమమయం …

 

।।కృష్ణ… నా ఊపిరి।।

- RKSS Creations

రాసలీల నృత్యము | Rasaleela Song | Brindavanam | RKSS Creations

 రాసలీల నృత్యము

గీత రచన : రామకృష్ణ దువ్వు 

స్వర కల్పన : S వేణుమాధవ్,

ఆల్బం : బృందావనం 

రికార్డింగ్ : శ్రీ మాత డిజిటల్ రికార్డింగ్, విశాఖపట్నం 

పల్లవి:

శారద చంద్రికలు మరులను కురిపించే

గువ్వలన్ని గూడుచేరి రాసలీలకై వేచే

విరహంలో వేగిపోయి వేంచేసిన చెలులారా

గోవిందుని పదములకు తనువులూగిపోగా

రాసలీల నాట్యమాడ రస జగమే ఓలలాడు

 

చరణం:

నిశ్శబ్ధ నిశీధిలో జగమే సోలినది

శ్రమియించి ధరియిత్రి నిద్రలో వాలినది

పున్నమి జాబిలికై కలువ కన్నెలు

వన్నెలెన్నో విరబూసి నాట్యమే ఆడాయి

తరుణుల సోయగాలు పిల్లనగ్రోవి చేసి

మురళీధరుని వేలికొసలు మీటగా

మధురమైన గానము కంఠాన పలికింది

 

చరణం:

తమకపు తనువులు బరువుగ మారెను

ఆతని కౌగిలిలో ఎదలే పొంగెను

ఫాలము మొదలుకొని చరణాల వరకు

అణువు అణువు నల్లనయ్య స్పర్శ కోసం

పరితపించి పోయాయి.. పరవశించాయి

శ్రీకృష్ణ భావనలో తనువులు మనసులు

అర్పించే భాగ్యమే రాసలీల నృత్యము

- RKSS Creations...

అందాల కృష్ణయ్య వేణుగాన మధురిమలు | Andala krishnayya | Lord Krishna Devotional Songs | Lyrics | Brindavanam | RKSS Creations

అందాల కృష్ణయ్య వేణుగాన మధురిమలు

Lyrics : Ramakrishna Duvvu

Composing : Sivala Raghuram,

Singer : Moola Srilatha,

Audio Digital Recording : Sri Matha Digital Recording Studio,

Visakhapatnam.

సాకి: శ్రీ కృష్ణా యదుకుల మణిదీపమా

నంద కిషోరా యశోద బహిప్రాణమా

విషపూతన సంహారీ. గోవర్ధన గిరి ధారీ

గోపీ మానస హారీ, బృందావన సంచారీ

చిత్రము గాదే వెదురే మారెను

దివ్య వేణువుగ

నీ మురళీ రాగాలాపన లో

తన్మయమందెను భువనాలు

పల్లవి: అందాల కృష్ణయ్య వేణుగాన మధురిమలు

ఆ దివ్య గానాలతో పరవశించు భువనాలు

వికసించే పువ్వులపై వాలేటి తుమ్మెదలు

పచ్చని కోనలతో చక్కటి సెలయేళ్ళతో

అవనిలోన అందమైన ఈ బృందావనము

చరణం: పరవశించి పవనుడు భాగవతునిగా మారి

వేణుగాన మాధుర్యము పలుదెశలా మోయగా

పరిభ్రమిస్తు భానుడు వీనుల పరికించగా

నీలమేఘశ్యామునికి నీరదములు గొడుగు పట్టగా

పులకించి భూదేవి పచ్చని చీర కట్టింది

గోపికల ఆనందం ఆకాశం నిండింది

చరణం: గోవులు చెవులతో సుధలే గ్రోలెనా

పికములు కొమ్మలపై మౌనంగా నిలచెనా

మయూరాలు మైమరచి పింఛముగ మారెనా

శిశువులు, ప్రాణులు నిలిచిన శిల్పాలా

అచరపు తరువులు పరవశించి నాట్యమా

గోపాలుని పిల్లనగ్రోవి పులకరింతలే...

- RKSS Creations...

This song is from the Album Brindavanam created by RKSS Creations.

నమ్మ జాలరే యశోదా తనయుని | Nammajalare Yashoda | Song Lyrics | Brindavanam | RKSS Creations

 నమ్మ జాలరే యశోదా తనయుని

రచన : రామకృష్ణ దువ్వు,

కంపోజింగ్ : Dr Y బాల గణేష్,

గానం : మూల శ్రీలత,

రికార్డింగ్ : శ్రీ మాత డిజిటల్ రికార్డింగ్, విశాఖపట్నం. 

ప్రొడ్యూసర్స్ : RKSS Creations 

పల్లవి:  

నమ్మ జాలరే యశోదా తనయుని

మహిమలెన్నని అచ్చెరవొందగ

    నిక్కమదియె జగతి నందు

    ఇతని సాటి  లేనే లేరు

 

చరణం 1: 

పాలు త్రాగే ప్రాయము లో  రక్కసి పూతను చంపే

బుడి బుడి అడుగులు వేస్తూ బండి చక్రమందు

ఆ అసురుని నరకముకే సాగనంపే

  వ్రేపల్లె నందు వెలుగు నింపే

 

చరణం2: 

మన్ను తిన్న నోటి తోనె తల్లికి జగములు జూపె

వెన్న దొంగను అదుపు చేయగా రోటికీ కట్టగా

శాపవిమోచనము చేసే చెట్లను కూల్చీ

విస్మయ పరచే గోకులమంతా ..

 

చరణం 3:

సుడిగాలై కమ్ముకు వచ్చిన తృణావర్తుని

ప్రాణములను అవలీలగ హరించినాడే

యమునా నదిలో విషమును చిమ్మే

కాళీయుని పడగలు మర్ధించి నటించి నాడే

బృందావనమున కనువిందు వాడే

 

చరణం 5:

దిక్కుల పాలించే వాడి దర్పమణచగ 

వేలి కొనతో గోవర్ధన గిరినెత్తినాడే

  జీవులందరిని తానై కాచినాడే

      బాలుడీతడు నందుని ఇంట

      వెలసియున్న హరి.. గోవిందుడు..

 

- రామకృష్ణ దువ్వు

RKSS Creations...