జాబిలితో చెప్పనా | Jabilitho Cheppana | Song Lyrics | Vetagadu (1979)

జాబిలితో చెప్పనా

చిత్రం :  వేటగాడు (1979)

సంగీతం :  చక్రవర్తి

గీతరచయిత :  వేటూరి

నేపధ్య గానం :  బాలు, సుశీల  

పల్లవి :

జాబిలితో చెప్పనా..

జాబిలితో చెప్పనా..

జామురాతిరి నిదురలోన 

నీవు చేసిన అల్లరి చెప్పనా... 

రోజా

జాబిలితో చెప్పనా..

జాబిలితో చెప్పనా ..

జామురాతిరి కలలలోన 

నీవు రేపిన అలజడి చెప్పనా.. 

రాజా

చరణం 1 :

తుమ్మెదలంటని తేనెలకై .. 

తుంటరి పెదవికి దాహాలు

చుక్కలు చూడని చీకటిలో .. 

సిగ్గులు కలవని విరహాలు

చూపులలో చలి చురచురలూ ..

ఆకలి తీరని విరవిరలూ ...

అన్ని ఆవిరి పెడుతుంటే ... 

నన్నే అల్లరి పెడుతున్నావని

చెప్పనా .. ఆ .. చెప్పనా .. 

ఆ .. చెప్పనా 

జాబిలితో చెప్పనా ..

జామురాతిరి కలలలోన 

నీవు రేపిన అలజడి చెప్పనా.. 

రాజా

చరణం 2 :

గొంతులు దాచిన గుండెలలో .. 

కోయిల పాడని గీతాలు

సూర్యుడు చూడని గంగలలో .. 

అలలై పొంగిన అందాలు

కౌగిట కాముని పున్నములు ..

వెన్నెల వీణల సరిగమలు ..

పేరంటానికి రమ్మంటే ... 

పెళ్ళికి పెద్దవు నీవేలెమ్మని

చెప్పనా .. ఆ .. చెప్పనా .. 

ఆ .. చెప్పనా

జాబిలితో చెప్పనా..

జాబిలితో చెప్పనా ..

జామురాతిరి కలలలోన 

నీవు రేపిన అలజడి చెప్పనా.. 

రాజా

జాబిలితో చెప్పనా..

జాబిలితో చెప్పనా..

జామురాతిరి నిదురలోన 

నీవు చేసిన అల్లరి చెప్పనా... 

రోజా

రోజా.. రాజా... రోజా.. రాజా

రోజా.. రాజా... రోజా.. రాజా

- పాటల ధనుస్సు 

అనుకోలేదమ్మ ఇలా ఉంటుందనీ | Anukoledamma Ila Vuntundani | Song Lyrics | Trishulam (1982)

అనుకోలేదమ్మ ఇలా ఉంటుందనీ

చిత్రం: త్రిశూలం (1982) 

సంగీతం: కె.వి. మహదేవన్ 

గీతరచయిత: ఆచార్య ఆత్రేయ 

నేపధ్య గానం: బాలు, సుశీల 

పల్లవి: 

అనుకోలేదమ్మ ఇలా ఉంటుందనీ 

ఇలా అవుతుందనీ 

ఏదో మత్తుందనీ మతే పోతుందనీ 

అనుభవమైన ఇప్పటి దాకా 

అనుకోలేదమ్మా 

నేనూ అనుకోలేదమ్మ 

ఇలా ఉంటుందనీ 

ఇలా అవుతుందనీ 

ఏదో మత్తుందనీ మతే పోతుందనీ 

అనుభవమైన ఇప్పటి దాకా 

అనుకోలేదమ్మా 

అనుకోలేదమ్మ ఇలా ఉంటుందనీ 

ఇలా అవుతుందనీ 

చరణం 1: 

ఒక్క క్షణంలో నాకే తెలియక 

ఏదో జరిగింది 

సిగ్గు వచ్చి నా చెంప మీటితే 

ముద్దని తెలిసింది 

ఒక్క క్షణంలో నాకే తెలియక 

ఏదో జరిగింది 

సిగ్గు వచ్చి నా చెంప మీటితే 

ముద్దని తెలిసింది 

నిన్ను చూసుకొని అనురాగానికి 

వేగం వచ్చింది 

నిన్ను చూసుకొని అనురాగానికి 

వేగం వచ్చింది 

కన్నె పెదవిపై ముద్ర వేసి 

అది హద్దును చెరిపింది 

సిగ్గు... చెంప... పెదవీ... ముద్దు 

సిగ్గు... చెంప... పెదవీ... ముద్దు 

వలపుల తావులనీ వావీ వరసలనీ... 

అనుకోలేదమ్మ ఇలా ఉంటుందనీ 

ఇలా అవుతుందనీ... 

చరణం 2: 

గాలి వీచితే పరవశమంది 

తీగే ఊగిందో 

తీగ ఊగితే పరువం వచ్చి 

గాలే వీచిందో... 

గాలి వీచితే పరవశమంది 

తీగే ఊగిందో..ఓ..ఓ.. 

తీగ ఊగితే పరువం వచ్చి 

గాలే వీచిందో 

తేటి పాపకు ఆకు చాటునా 

పువ్వే విరిసిందో 

తేటి పాపకు ఆకు చాటునా 

పువ్వే విరిసిందో 

పువ్వు సొగసుకు తేటి గొంతులో 

పాటే పలికిందో 

గాలి... తీగ... పువ్వూ... తుమ్మెదా... 

గాలి... తీగ... పువ్వూ... తుమ్మెదా... 

కలిసిన జంటలనీ... కలవక ఉండవనీ 

నేను అనుకోలేదమ్మ ఇలా ఉంటుందనీ 

ఇలా అవుతుందనీ 

ఏదో మత్తుందనీ మతే పోతుందనీ 

అనుభవమైన ఇప్పటి దాకా 

అనుకోలేదమ్మా 

నేనూ అనుకోలేదమ్మ ఇలా ఉంటుందనీ 

ఇలా అవుతుందనీ 

ఏదో మత్తుందనీ మతే పోతుందనీ

- పాటల ధనుస్సు 

ముద్దంటే వద్దనకే వయ్యారి నా రత్తి | Muddante Oddanake | Song Lyrics | Bhale Krishnudu (1980)

ముద్దంటే వద్దనకే వయ్యారి నా రత్తి

చిత్రం :  భలే కృష్ణుడు (1980)

సంగీతం :  చక్రవర్తి

గీతరచయిత :  ఆచార్య ఆత్రేయ

నేపధ్య గానం :  బాలు, సుశీల

పల్లవి : 

ముద్దంటే వద్దనకే వయ్యారి నా రత్తి

ఆహా..

పొద్దున్నే జాబిల్లి పొడిచింది నువ్వొచ్చి

ఆహా..

ముద్దంటే వద్దనకే వయ్యారి నా రత్తి

పొద్దున్నే జాబిల్లి పొడిచింది నువ్వొచ్చి

సిగ్గులన్ని దాచిపెట్టు..

నిగ్గులన్ని దోచిపెట్టు..

పెట్టకుంటే పెద్దొట్టు..

వద్దంటే వినడమ్మా...

చూస్తాడు గుచ్చి గుచ్చి

పొద్దున్నే మొదలమ్మా 

పొద్దెరగని పిచ్చి..

సిగ్గులన్ని దాచుకుంట..

నిగ్గులన్ని దాచుకుంట..

పెట్టుకుంట పెద్దొట్టు

ముద్దంటే వద్దనకే వయ్యారి నా రత్తి

ఆహా..

పొద్దున్నే మొదలమ్మా పొద్దెరగనీ పిచ్చి

చరణం 1 :

కుర్ర కోరిక ఎర్ర కోకతో 

లగెత్తుకొస్తుంటే

ముక్కు పుడక ఆ మూతి విరుపుకే 

తళుక్కుమంటుంటే

చూపు వేడికే చిన్న వాడికి 

చురుక్కుమంటుంటే

ఇద్దరొక్కటై కౌగిలింతలో 

ఇరుక్కుపోతుంటే

చుక్కల ఓణి..వెన్నెల బోణీ..

పగలే చేసిపోతుంటే

కన్నుల ఎంగిలి..చేసిన వన్నెలు 

తడిసీ మొపెడవుతుంటే

చల్లారిపోనీకు ఈ  ముద్దు

తెల్లారిపోనివ్వు నా పొద్దూ..

హా..చల్లారిపోనీకు ఈ  ముద్దు

తెల్లారిపోనివ్వు నా పొద్దూ..

ముద్దంటే వద్దనకే 

వయ్యారి నా రత్తి.. రత్తీ

పొద్దున్నే మొదలమ్మా 

పొద్దెరగనీ పిచ్చి... పిచ్చి

చరణం 2 :

కొంగు దాటినా పడుచుపొంగులే 

కొరుక్కు తింటుంటే

నింగినంటినా గడుసు కోరికా 

కొలిక్కి రానంటే

హాయ్..

మత్తు మత్తుగా మల్లె నీడలో 

అతుక్కు పోతుంటే

కొత్త మోజులో చేతి గాజులే 

చిటుక్కుమంటుంటే

వయసె నువ్వై..వలపుల గువ్వై... 

యెదలో గూడు కడుతుంటే

పనులే పాటై..పాటే బ్రతుకై..

జతగా పాడుకుంటుంటే

చల్లారిపోనీకు నా ముద్దు

తెల్లారిపోనివ్వు నా పొద్దూ..

హా..చల్లారిపోనీకు నా ముద్దు

తెల్లారిపోనివ్వు నా పొద్దూ..

ముద్దంటే వద్దనకే వయ్యారి నా రత్తి

పొద్దున్నే జాబిల్లి పొడిచింది నువ్వొచ్చి

సిగ్గులన్ని దాచిపెట్టు..

నిగ్గులన్ని దోచిపెట్టు..

పెట్టకుంటె పెద్దొట్టు..

వద్దంటే వినడమ్మా..

చూస్తాడు గుచ్చి గుచ్చి

పొద్దున్నే మొదలమ్మా 

పొద్దెరగని పిచ్చి..

సిగ్గులన్ని దాచుకుంట..

నిగ్గులన్ని దాచుకుంట..

పెట్టుకుంట పెద్దొట్టు

హా హా హా..

ముద్దంటె వద్దనకే వయ్యారి నా రత్తి

అమ్మమ్మమ్మా..

పొదూన్నే మొదలమ్మా 

పొద్దెరగని పిచ్చి..పిచ్చి 

- పాటల ధనుస్సు 

బృందావనమొక ఆలయము | Brindavanamoka Alayamu | Song Lyrics | Bhale Krishnudu (1980)

బృందావనమొక ఆలయము

చిత్రం :  భలే కృష్ణుడు (1980)

సంగీతం :  చక్రవర్తి

గీతరచయిత :  ఆచార్య ఆత్రేయ

నేపధ్య గానం :  బాలు, సుశీల

పల్లవి : 

ఆ...ఆ...ఆ.. ఆ..

బృందావనమొక ఆలయము.. 

మాధవుడందలి దైవము

అటు ఇటు రెండు దీపాలు.. 

ఆ దేవుని ప్రేమకు రూపాలు

బృందావనమొక ఆలయము.. 

మాధవుడందలి దైవము

అటు ఇటు రెండు దీపాలు.. 

ఆ దేవుని ప్రేమకు రూపాలు

Happy birthday to you daddy.. 

Happy birthday to you daddy.. 

చరణం 1 :

ఎన్నో.. ఇంకెన్నో 

ఇలాంటి రోజులు రావాలి... 

మేం చూడాలి

మా డాడీ మాతో 

ఆడుతు పాడుతూ ఉందాలి.. 

మేం చూడాలి

అమ్మనాన్నకు అరవై ఏళ్లకు 

మళ్ళీ పెళ్ళి జరిగే రోజున

నవ్వే నిండు నవ్వే ఇంటి నిండా 

వెలుగు కావాలి...

బృందావనమొక ఆలయము.. 

మాధవుడందలి దైవము

అటు ఇటు రెండు దీపాలు.. 

ఆ దేవుని ప్రేమకు రూపాలు

Happy birthday to you daddy.. 

Happy birthday to you daddy.. 

చరణం 2 :

సిరులు.. సంపదలు.. 

చిరకాలం మీరై పెరగాలి.. 

మేం చూడాలి

మా ఆశలు మీలో 

పువ్వులుపిందెలు తొడగాలి.. 

మేం పండాలి

భువిపై స్వర్గం బృందావనమై.. 

రోజూరోజు పండుగ రోజై

మీరు.. మీకు మేము.. మాకు మీరు.. 

కను విందు కావాలి 

బృందావనమొక ఆలయము.. 

మాధవుడందలి దైవము

అటు ఇటు రెండు దీపాలు.. 

ఆ దేవుని ప్రేమకు రూపాలు

- పాటల ధనుస్సు 

ఇటిక మీద ఇటికేస్తే | Itukameeda itukeste | Song Lyrics | Bhale Krishnudu (1980)

ఇటిక మీద ఇటికేస్తే

చిత్రం :  భలే కృష్ణుడు (1980)

సంగీతం :  చక్రవర్తి

గీతరచయిత :  వేటూరి

నేపధ్య గానం :  బాలు, సుశీల

పల్లవి :

అమ్మాడి అమ్మా... అబ్బాడి అబ్బా

అమ్మాడి అమ్మా... అబ్బాడి అబ్బా

ఇటిక మీద ఇటికేస్తే ఇల్లౌతాది... 

నా చిటికనేలు పట్టుకుంటే 

పెళ్ళౌతాది

ఇటిక మీద ఇటికేస్తే ఇల్లౌతాది... 

నా చిటికనేలు పట్టుకుంటే 

పెళ్ళౌతాది

అమ్మాడి అమ్మా... అబ్బాడి అబ్బా

అమ్మాడి అమ్మా... అబ్బాడి అబ్బా

ఇటిక మీద ఇటికేస్తే ఇల్లౌతాది... 

ఈ కిటుకు తెలుసుకుంటే 

మన పెళ్ళౌతాది

ఇటిక మీద ఇటికేస్తే ఇల్లౌతాది... 

ఈ కిటుకు తెలుసుకుంటే 

మన పెళ్ళౌతాది

చరణం 1 :

నిన్ను చూస్తే కన్నుకేమో 

నిదుర పట్టదు..

నీకు ముద్దులిస్తే పాడు మూతి 

ముద్ద ముట్టదు...

నువ్వు చూస్తే పూట పూటా 

పులకరిస్తది..

నువ్వు నవ్వగానే తోటకొక్క 

పువ్వు  పూస్తది

రావిపండు కొండ మీద 

రామచిలుక నేనంట

బావి గట్టు గిలక మీద 

తోటుంది రమ్మంటా

గిలకేమో తిరగాలా... 

చిలకేమో ఎగరాలా

గిలకేమో తిరగాలా... 

చిలకేమో ఎగరాలా

నువ్వెంట తగలాలా... 

పదిమందీ చూడాలా 

అమ్మాడి అమ్మా... అబ్బాడి అబ్బా

అబ్బబ్బ.. అమ్మాడి అమ్మా... 

అబ్బాడి అబ్బా

అమ్మమ్మ... అమ్మాడి అమ్మా... 

అబ్బాడి అబ్బా

అ... అ... అమ్మాడి అమ్మా... 

అబ్బాడి అబ్బా

ఇటిక మీద ఇటికేస్తే ఇల్లౌతాది... 

ఈ కిటుకు తెలుసుకుంటే 

మన పెళ్ళౌతాది

ఇటిక మీద ఇటికేస్తే ఇల్లౌతాది... 

నా చిటికనేలు పట్టుకుంటే 

పెళ్ళౌతాది

చరణం 2 :

పట్టపగలు పిట్ట గుబులు 

పుట్టుకొస్తది

అర్ధరాత్రి పైర గాలి 

ప్రాణమౌతది

నువ్వు రాకా పొద్దు పోక 

ఏడిపిస్తది

నువ్వు తాక గానే సోకు 

నాకు ఎక్కువౌతది

తాటి రేవు కుర్రదాన 

ఆకు చిలకలిమ్మంటా

సందె కాడ నీడలోన 

చాటుంది రమ్మంటా

చెయ్యి బుగ్గ వెయ్యాలా... 

చెట్టు మొగ్గలెయ్యాల

చెయ్యి బుగ్గ వెయ్యాలా... 

చెట్టు మొగ్గలెయ్యాల

అవి పూలు పుయ్యాలా... 

నువ్వు కోసిపెట్టాలా

అమ్మాడి అమ్మా... అబ్బాడి అబ్బా

అమ్మాడి అమ్మా... అబ్బాడి అబ్బా

ఇటిక మీద ఇటికేస్తే ఇల్లౌతాది... 

నా చిటికనేలు పట్టుకుంటే 

పెళ్ళౌతాది

ఇటిక మీద ఇటికేస్తే ఇల్లౌతాది... 

ఈ కిటుకు తెలుసుకుంటే 

మన పెళ్ళౌతాది

అమ్మమ్మ... అమ్మాడి అమ్మా... 

అబ్బాడి అబ్బా

అబ్బబ్బా... అమ్మాడి అమ్మా... 

అబ్బాడి అబ్బా

అమ్మమ్మ... అమ్మాడి అమ్మా... 

అబ్బాడి అబ్బా

అబ్బబ్బా... అమ్మాడి అమ్మా... 

అబ్బాడి అబ్బా 

- పాటల ధనుస్సు 

మోగాలి మోతగా డోలు సన్నాయి | Mogali Mothaga Dolu Sannayi | Song Lyrics | Bhale Krishnudu (1980)

మోగాలి మోతగా డోలు సన్నాయి

చిత్రం :  భలే కృష్ణుడు (1980)

సంగీతం :  చక్రవర్తి

గీతరచయిత :  వేటూరి

నేపధ్య గానం :  బాలు, సుశీల

పల్లవి :

స్వస్తీశ్రీ చాంద్రమాన మన్మధ సంవత్సరాన...

మాఘశుద్ధ పంచమి ఆదివారం ఉదయం...

భరణి నక్షత్రయుక్త మిథున లగ్నంలో...

మోగాలి మోతగా డోలు సన్నాయి

మోగాలి మోతగా డోలు సన్నాయి...

ఆ మోత కన్నా మోతగా 

మన జోడూ సన్నాయి

హేయ్... 

మోగాలి మోతగా డోలు సన్నాయి

మోగాలి మోతగా డోలు సన్నాయి...

మన ముద్దులే మద్దెళ్లుగా 

ఈ జోడూ సన్నాయి

ఎప్పుడబ్బాయి.. 

పెళ్ళెప్పుడబ్బాయి

హేయ్.. అప్పుడమ్మాయి... 

అయినప్పుడమ్మాయి

చరణం 1 :

చూపుల్లో చదివాను శుభలేఖలూ...  

చుక్కల్లో గడిపాను శివరాత్రులు

మాటల్లో విన్నాను నీ మనసులు... 

మనసుల్లో గడిపాను తొలిరాత్రులు

అందమంతా పొందు లేక 

అలసిసొలసి పోతుంటే

అందినంత పొందలేక 

ఎదలో రొదలే పుడుతుంటే

ఎప్పుడబ్బాయి.. 

పెళ్ళెప్పుడబ్బాయి

హహ.. అప్పుడమ్మాయి... 

అయినప్పుడమ్మాయి

మోగాలి మోతగా డోలు సన్నాయి

మోగాలి మోతగా డోలు సన్నాయి...

మన ముద్దులే మద్దెళ్లుగా 

ఈ  జోడూ సన్నాయి

ఎప్పుడబ్బాయి.. 

పెళ్ళెప్పుడబ్బాయి

హేయ్.. అప్పుడమ్మాయి... 

అయినప్పుడమ్మాయి

చరణం 2 :

మొదలెన్నో చూడాలా పొద చాటునా.. 

పొగరాని సెగలున్న అగచాటునా

దొరగార్ని చూడాలా తెర చాటునా.. 

తెర బాకు చొరవున్న మొలవాటునా

తలలు వంచి గిలిమి పెంచే...  

కలికి సొగసే చూడాలా

కదమనంటే గొడవ పెంచే 

చేతి ఉడుకే చూడాలా

ఎప్పుడమ్మాయి.. 

పెళ్ళెప్పుడమ్మాయి.. హా

అప్పుడబ్బాయి.. 

అయినప్పుడబ్బాయి

అరెరే... 

మోగాలి మోతగా డోలు సన్నాయి

మోగాలి మోతగా డోలు సన్నాయి...

ఆ మోత కన్నా మోతగా 

మన జోడూ సన్నాయి

ఎప్పుడమ్మాయి.. 

పెళ్ళెప్పుడమ్మాయి..

హా.. అప్పుడబ్బాయి.. 

అయినప్పుడబ్బాయి

- పాటల ధనుస్సు 

కృష్ణమ్మ పెన్నమ్మ పెనవేసుకున్నట్టు | Krishnamma Pennamma | Song Lyrics | Vajrayudham (1985)

కృష్ణమ్మ పెన్నమ్మ పెనవేసుకున్నట్టు 

చిత్రం : వజ్రాయుధం (1985)

సంగీతం :  చక్రవర్తి

గీతరచయిత : వేటూరి

నేపధ్య గానం : బాలు, జానకి  

పల్లవి :

కృష్ణమ్మ పెన్నమ్మ పెనవేసుకున్నట్టు 

పెదవుల్ని కలిపెయ్యనా

గోదారి కావేరి ముద్దాడుకున్నట్టు 

కొంగుల్ని ముడివెయ్యనా

అలలై చెలించనా... కళలే వరించనా

నీలో పొంగేటి అందాల సందిళ్ళలో.. ఓ.. ఓ..

గంగమ్మ యమునమ్మ కలబోసుకున్నట్టు 

కౌగిళ్లు తడిపెయ్యనా

తుంగమ్మ భద్రమ్మ  వడి చేరుకున్నట్టు 

ఒళ్ళంతా తడిమెయ్యనా

నదినై చెలించనా... మదిలో వసించనా

పాలుతేనళ్ల పరువాల పందిళ్లలో.. ఓ.. ఓ... 

చరణం 1 :

తళుకు బెళుకులొలుకు కలికిచిలుక నడకలో

కడవకైన ఎడములేని తొడిమ నడుములో

వయసు అలా.. సొగసు కళ రేగుతున్నది

మనసుపడి మరుని ఒడి చేరుతున్నది

వలపు తీరా వంశధారా పిలుపు 

వినిపించే నా గుండెలో

వాగు వంకా సాగిరాగా జరిగే ఈ సంబరం

కృష్ణమ్మ పెన్నమ్మ పెనవేసుకున్నట్టు 

పెదవుల్ని కలిపెయ్యనా

తుంగమ్మ భద్రమ్మ  వడి చేరుకున్నట్టు 

ఒళ్ళంతా తడిమెయ్యనా

చరణం 2 :

అలలు తగిలి శిలలు పలుకు శిల్పవీణలో

నదుల ఎదను నటణమాడు చిలిపిమువ్వలో

కౌగిలితో స్వాగతమే పలుకుతున్నది

కాముడితో కాపురమే అడుగుతున్నది

కిన్నెరసాని కిలకిలలన్నీ సిగను 

చేరాయి సిరిమల్లెలై

కడలినదులు కలిసే దాకా 

సాగే ఈ సంగమం 

గంగమ్మ యమునమ్మ కలబోసుకున్నట్టు 

కౌగిళ్లు తడిపెయ్యనా

గోదారి కావేరి ముద్దాడుకున్నట్టు 

కొంగుల్ని ముడివెయ్యనా

నదినై చెలించనా... మదిలో వసించనా

నీలో పొంగేటి అందాల సందిళ్ళలో.. ఓ.. ఓ..

- పాటల ధనుస్సు 

కృషి ఉంటే మనుషులు ఋషులౌతారు | Krishi Vunte | Song Lyrics | Adavi Ramudu (1977)

కృషి ఉంటే మనుషులు ఋషులౌతారు

చిత్రం: అడవి రాముడు (1977)

సంగీతం: కె.వి. మహదేవన్

గీతరచయిత: వేటూరి

నేపధ్య గానం: బాలు, సుశీల

పల్లవి:

మనిషై పుట్టినవాడు 

కారాదు మట్టిబొమ్మా...

పట్టుదలే వుంటే 

కాగలడు మరో బ్రహ్మ..

కృషి ఉంటే మనుషులు 

ఋషులౌతారు..

మహాపురుషులౌతారు...

తరతరాలకి తరగని వెలుగౌతారు..

ఇలవేలుపులౌతారు...

చరణం 1:

అడుగో అతడే వాల్మీకీ.. 

బ్రతకు వేట అతనికి..

అతిభయంకరుడు యమకింకరుడు.. 

అడవి జంతువుల పాలిటి..

అడుగో అతడే వాల్మీకీ

పాల పిట్టల జంట 

వలపు తేనెల పంట 

పండించుకొని పరవశించి పోయేవేళా..

ఆ పక్షుల జంటకు గురిపెట్టాడు..

ఒక పక్షిని నేల కూల్చాడు..

జంట బాసిన పక్షి 

కంటపొంగిన గంగ 

తన కంటిలో పొంగ...

మనసు కరగంగ...

ఆ శోకంలో ఒక శ్లోకం పలికే..

ఆ చీకటి ఎదలో దీపం వెలిగే...

కరకు బోయడే అంతరించగా.. 

కవిగా ఆతడు అవతరించగా...

మనిషి అతనిలో మేల్కొన్నాడు.. 

కడకు మహర్షే అయినాడు..

నవరసభరితం రాముని చరితం.. 

జగతికి ఆతడు పంచిన అమృతం

ఆ వాల్మీకి మీవాడూ... 

మీలోనే వున్నాడు...

అక్షరమై మీ మనసు వెలిగితే... 

మీలోనే వుంటాడు..

అందుకే.... 

కృషి ఉంటే మనుషులు 

ఋషులౌతారు

మహాపురుషులౌతారు...

చరణం 2:

ఏకలవ్యుడంటేనే 

ఎదురులేని బాణం..

తిరుగులేని దీక్షకు 

అతడే ప్రాణం..

కులం తక్కువని విద్య నేర్పని 

గురువు బొమ్మగా మిగిలాడు..

బొమ్మ గురుతుగా చేసుకొని 

బాణవిద్యలో పెరిగాడు

హుటాహుటిని ద్రోణుడపుడు 

తటాలుమని తరలి వచ్చి 

పక్షపాత బుద్దితో దక్షిణ ఇమ్మన్నాడు..

ఎదుట నిలిచిన గురుని పదమంటి...

ఏమివ్వ గలవాడననే ఏకలవ్యుడు..

బొటనవేలిమ్మని కపటి ఆ ద్రోణుడు..

వల్లెయని శిష్యుడు... 

చెల్లె ద్రోణుని ముడుపు..

ఎరుకలవాడు అయితేనేమి 

గురికలవాడే మొనగాడు..

వేలునిచ్చి తన విల్లును విడిచి 

ఇలవేలుపుగా ఇల వెలిగాడు..

అందుకే.... 

కృషి ఉంటే మనుషులు 

ఋషులౌతారు

మహాపురుషులౌతారు...

చరణం 3:

శబరి...

ఇంతకాలము వేచినది 

ఈ పిలుపుకే శబరి..

ఆశ పరుగిడి అడుగు తడబడి 

రామ పాదము కన్నది...

వంగిపోయిన నడుముతో 

నగుమోము చూడగలేక అపుడు..

కనుల నీరిడీ... 

ఆ రామ పాదము కడిగినది శబరి...

పదముల ఒరిగినది శబరి

ప్రేమ మీరగ రాముడప్పుడు 

శబరి తల్లి కనులు తుడిచి..

కోరి కోరి శబరి కొరికిన 

దోర పండ్లను ఆరగించే..

ఆమె ఎంగిలి గంగ కన్న 

మిన్నగా భావించిన 

రఘురాముండెంతటి ధన్యుడో...

ఆ శబరి దెంతటి పుణ్యమో..

ఆమె ఎవ్వరో కాదు సుమా.. 

ఆడపడుచు మీ జాతికి...

జాతిరత్నములు ఎందరెందరో 

మీలో కలరీనాటికి...

అడవిని పుట్టి పెరిగిన కథలే 

అఖిల భారతికి హారతులు..

నాగరికతలో సాగు చరితలో 

మీరే మాకు సారథులూ...

అందుకే.... 

కృషి ఉంటే మనుషులు 

ఋషులౌతారు..

మహాపురుషులౌతారు...

- పాటల ధనుస్సు 

అమ్మతోడు అబ్బతోడు | Ammathodu Abbathodu | Song Lyrics | Adavi Ramudu (1977)

అమ్మతోడు అబ్బతోడు నా తోడు నీ తోడు

చిత్రం: అడవి రాముడు (1977)

సంగీతం: కె.వి. మహదేవన్

గీతరచయిత: వేటూరి

నేపధ్య గానం: బాలు, సుశీల, జానకి

పల్లవి:

అమ్మతోడు అబ్బతోడు 

నా తోడు నీ తోడు

అన్నిటికి నువ్వే నా తోడు...

ఇంకెన్నటికి నేనే నీ తోడు

అమ్మతోడు...అబ్బతోడు..

నా తోడు...నీ తోడు

అన్నిటికి నువ్వే నా తోడు...

ఇంకెన్నటికి నేనే నీ తోడు

చరణం 1:

ఆకలన్నదే లేదు.. హర హరా..

రామ రామా

అన్నమే రుచికాదు ...శివ శివా..

కృష్ణ కృష్ణా..

ఆకలన్నదే లేదు.. హర హరా...

అన్నమే రుచికాదు... శివ శివా...

వెన్నెలలొస్తె వేడిరా నా దొరా... 

ఆ వేడిలోనే చలేసింది రా

ఆకలన్నదే నీకు లేకపోతే... 

ఈ కేకలెందుకే రాకపోకలెందుకే

ఒట్టిమాటలింక నీవు కట్టిపెట్టు... 

నీ ఒట్టు తీసి గట్టుమీద అట్టిపెట్టు

అమ్మతోడు...అబ్బతోడు..

నా తోడు...నీ తోడు

అన్నిటికి నువ్వే నా తోడు... 

ఇంకెన్నటికి నేనే నీ తోడు

చరణం 2:

కళ్ళు కాయలు కాచే హర హరా.... 

ఈశ్వరా

నిన్ను చూడకమాకు శివ శివా.... 

శ్రీహర

కళ్ళు కాయలు కాచే ... హర హరా

నిన్ను చూడకమాకు ... శివ శివా

పొద్దె గడవదు మాకు ఓ దొరా...

నిద్దరన్నదే లేదు రా

నిద్దరన్నదే నీకు లేకపోతే... 

ఈ పిలుపులెందుకే .. 

ఆ కులుకులెందుకే

గుట్టు బయట పెట్టకుంటే ... 

పెద్ద ఒట్టు

గట్టు మీద చిలక వింటే 

గుట్టు రట్టు...

అమ్మతోడు... అబ్బతోడు..

నా తోడు...నీ తోడు

అన్నిటికి నువ్వే నా తోడు...

ఇంకెన్నటికి నేనే నీ తోడు

చరణం 3:

ఆ శివుడే వరమిచ్చాడే ...

అదిరిపడకే ఆడవి జింకా

అంబ పలికే జగదంబ పలికెనే... 

ఆశవదులుకో నీవింకా

ఆహాఁ భోలా శంకరుడయినా 

నిన్ను బొల్తాకొట్టించాడమ్మా

చిత్తైపోయావమ్మో... 

ఓ సిగ్గులదొరసానమ్మా

తెల్లారే తల్లో పూలు 

పెట్టుకురమ్మన్నాడు

తేల్లారకనే తలస్నానం 

చేసి రమ్మన్నాడు

చిటికెడు విబూది ఇచ్చాడు..

పిడికెడు నాకు ఇచ్చాడు..

అమ్మతోడు అందాల రాముడు... 

నా వాడన్నాడు

నా అన్నవాడు అడవి రాముడు ...

నా తోడన్నాడు

అందుకే వాడు నా వాడు...

కాడు కాడు ...కాలేడు....

అబ్బ.. అమ్మా...

అమ్మ తోడు అబ్బ తోడు 

నా తోడు నీ తోడు

అన్నిటికి మీరే నా తోడు... 

ఇంకెన్నటికి నేనే మీ తోడు

అమ్మ తోడు అబ్బ తోడు 

నా తోడు నీ తోడు

అన్నిటికి మీరే నా తోడు... 

ఇంకెన్నటికి నేనే మీ తోడు

ఇంతటితో ఆపండి... మీగోడు

- పాటల ధనుస్సు