పదే పదే కన్నులివే బెదరునెందుకు | Pade Pade Kannulive | Song Lyrics | Anuragam (1963)

పదే పదే కన్నులివే బెదరునెందుకు 

చిత్రం: అనురాగం (1963) 

సంగీతం: మాస్టర్ వేణు 

గీతరచయిత: సి.నారాయణరెడ్డి 

నేపధ్య గానం: ఘంటసాల, సుశీల 

పల్లవి: 

పదే పదే కన్నులివే 

బెదరునెందుకు 

ఏదో ఏదో చక్కిలిగింత 

కలిగినందుకు 

ఆ హా ఆ హా ఓ హో ఓ హో 

ఆ హా ఆహా ఓ హో ఓ హో 

ఒదిగి ఒదిగి లేత వలపు 

ఒదిగినందుకు 

పదే పదే కన్నులివే 

బెదరునెందుకు 

ఏదో ఏదో చక్కిలిగింత 

కలిగినందుకు 

చరణం 1: 

ఆ... ఓ... ఆ... ఓ... ఆ.... ఆ...

దవ్వులలో రివ్వుమనే 

గువ్వజంటలేమనే.. 

ఏమనెనో 

ఏమనినా ఒంటరితనమింక 

చాలు చాలనే 

దవ్వులలో రివ్వుమనే 

గువ్వజంటలేమనే.. 

ఏమనెనో 

ఏమనినా ఒంటరితనమింక 

చాలు చాలనే 

ఓ ఓ ఓ ఓ ... 

పదే పదే కన్నులివే 

బెదరునెందుకు 

ఏదో ఏదో చక్కిలిగింత 

కలిగినందుకు 

చరణం 2: 

చల్లని గాలి నీవైతే .. 

కమ్మని తావీ నేనవుతా 

కొమ్మవు నీవై రమ్మంటే .. 

కోకిల నేనై కూ అంటా 

చేరువనే చేరగనే 

చెంగులాగుటెందుకు.. 

జాణవులే 

జాణవులే చూపులతో 

బాణమేసినందుకు ... 

ఓ ఓ ఓ ... 

పదే పదే కన్నులివే 

బెదరునెందుకు 

ఏదో ఏదో చక్కిలిగింత 

కలిగినందుకు 

ఆ హా ఆ హా ఓ హో ఓ హో 

ఆ హా ఆహా ఓ హో ఓ హో 

ఒదిగి ఒదిగి లేత వలపు 

ఒదిగినందుకు...

పదే పదే కన్నులివే 

బెదరునెందుకు 

ఏదో ఏదో చక్కిలిగింత 

కలిగినందుకు 

- పాటల ధనుస్సు 

ఈ పగలు రేయిగా | Ee Pagalu Reyiga | Song Lyrics | Siri Sampadalu (1962)

ఈ పగలు రేయిగా పండు వెన్నెలగ 

చిత్రం : సిరి సంపదలు (1962)

సంగీతం : మాస్టర్ వేణు

గీతరచయిత : ఆచార్య ఆత్రేయ

నేపధ్య గానం : ఘంటసాల, జానకి 

పల్లవి :

ఈ పగలు రేయిగా.. 

పండు వెన్నెలగ మారినదేమి చెలీ

ఆ కారణమేమి చెలీ...  ఆ... ఊఁ..

వింతకాదు నా చెంతనున్నది

వెండి వెన్నెల జాబిలి

నిండు పున్నమి జాబిలి... ఓ... ఓ... ఓ... 

చరణం 1 :

మనసున తొణికే చిరునవ్వెందుకు...

పెదవుల మీదికి రానీవు?

అహా... ఓహో... అహా... ఆ... ఆ...

మనసున తొణికే చిరునవ్వెందుకు... 

పెదవుల మీదికి రానీవు?

పెదవి కదిపితే మదిలో మెదిలే మాట 

తెలియునని మానేవు.. ఊఁ.... 

  

వెండి వెన్నెల జాబిలి ... 

నిండు పున్నమి జాబిలి... 

ఆ... ఆ...ఆ... ఆ... ఓ... ఓ... ఓ...

చరణం 2 :

కన్నులు తెలిపే కథలనెందుకు.. 

రెప్పలార్చి ఏమార్చేవు?

ఆఁ... ఆఁ... ఓ.. ఓ... ఓ...

కన్నులు తెలిపే కథలనెందుకు.. 

రెప్పలార్చి ఏమార్చేవు?

చెంపలు పూచే కెంపులు నాతో 

నిజము తెలుపునని జడిసేవు

ఓహోహో...

వెండి వెన్నెల జాబిలి ... 

నిండు పున్నమి జాబిలి... 

చరణం 3 :

అలుక చూపి అటువైపు తిరిగితే.. 

అగుపడదనుకుని నవ్వేవు

ఉహుహు..

అలుక చూపి అటువైపు తిరిగితే.. 

అగుపడదనుకుని నవ్వేవు

నల్లని జడలో మల్లెపూలు 

నీ నవ్వునకద్దము చూపేను.. ఆహా...

వెండివెన్నెల జాబిలి.. 

నిండు పున్నమి జాబిలి..

ఆహహాహా... ఆహహాహా...

ఆహహాహా... ఆహహాహా...

ఊహుహూ...

- పాటల ధనుస్సు 

నీలాల నింగిలోన పగడాల పందిరి | Neelala Ningilona | Song Lyrics | Daana Dharmalu (1976)

నీలాల నింగిలోన పగడాల పందిరి

చిత్రం : దానధర్మాలు (1976)

సంగీతం : మాస్టర్ వేణు

గీతరచయిత : కొండిశెట్టి శ్రీ రామా రావ్ 

నేపధ్య గానం : ఎస్ పి బాలు, పి.సుశీల 

 

పల్లవి :

నీలాల నింగిలోన 

పగడాల పందిరి వేసి

రతనాల రంగులతో.. 

ముత్యాల ముగ్గులు వేద్దామా

ముత్యాల ముగ్గులు వేద్దామా... 

చరణం 1 :

పుష్పరాగములతో.. 

పొదిగిన పచ్చలతో..

పుష్పరాగములతో.. 

పొదిగిన పచ్చలతో..

కెంపులతో సొంపుగనూ

వజ్రాల వంపులు తీర్చిన.. 

ఆ వయ్యారి భామవు నీవే.. 

వరసైన చినదాన  

వరసైనదానిని కాను.. 

ఆ సిసలైన దానిని నేను

సిగ్గు తెర తీసి చెప్పాను నేను 

చేసుకుంటాను నిన్నేననీ

ఒప్పుకుంటే కదా నిన్ను నేను... 

చేశారు ఈ పెళ్ళి మనకు

మూడుముళ్ళు విప్పిన కూడా 

పోలేవు ముందుకు నీవు...

పోలేవు ముందుకు నీవు... 

చరణం 2 :

మనసైన మగువతో 

మాటాడకుండ లేను...

మనసైన మగువతో 

మాటాడకుండ లేను...

నిన్ను విడిచి నిముషమైన 

నిలువలేను ఈ జగాన

ఆ.. ఆ.. ఆ.. ఆ.. ఆ..

ప్రేమగ చూస్తే చాలు 

నీ పాద పూజ చేస్తాను

జన్మజన్మలకైనా 

నిన్నే కోరుకుంటాను... 

నిన్నే కోరుకుంటాను... 

- పాటల ధనుస్సు 

పయనించే ఓ చిలుకా ఎగిరిపో | Payaninche O Chiluka | Song Lyrics | Kula Daivam (1960)

పయనించే ఓ చిలుకా ఎగిరిపో

చిత్రం: కులదైవం (1960) 

సంగీతం: పెండ్యాల నాగేశ్వరరావు

గీతరచయిత: సముద్రాల (జూ) 

నేపధ్య గానం: ఘంటసాల 

పల్లవి: 

పయనించే..ఓ..ఓ.. ఓ... చిలుకా ... 

ఆ...ఆ....ఆ....ఆ...ఆ... 

పయనించే ఓ చిలుకా...ఎగిరిపో..

పాడైపోయెను గూడు... 

పయనించే ఓ చిలుకా...ఎగిరిపో..

పాడైపోయెను గూడు... 

పయనించే ఓ చిలుకా 

ఆ...ఆ...ఆ...ఆ... 

చరణం 1: 

పుల్ల పుడక ముక్కున కరచి...

గూడును కట్టితివోయి 

పుల్ల పుడక ముక్కున కరచి...

గూడును కట్టితివోయి 

వానకు తడిసిన నీ బిగి రెక్కలు...

ఎండకు ఆరినవోయి 

ఫలించ లేదని చేసిన కష్టం..

మదిలో వేదన వలదోయి 

ఫలించ లేదని చేసిన కష్టం..

మదిలో వేదన వలదోయి 

రాదోయి సిరి నీ వెను వెంట..

త్యాగమే నీ చేదోడు 

పయనించే ఓ చిలుకా...ఎగిరిపో..

పాడైపోయెను గూడు... 

పయనించే ఓ చిలుకా 

ఆ...ఆ...ఆ...ఆ.. 

చరణం 2: 

తీరెను రోజులు నీకీ కోమ్మకు...

కోమ్మా ఈ గూడు వదలి 

తీరెను రోజులు నీకీ కోమ్మకు...

కోమ్మా ఈ గూడు వదలి 

ఎవరికి వారే ఏదోనాటికి...

ఎరుగము ఎటకో ఈ బదిలీ 

మూడు దినాల ముచ్చటయే..ఏ..ఏ..

ఈ లోకంలో మన మజిలీ 

మూడు దినాల ముచ్చటయే..ఏ..ఏ..

ఈ లోకంలో మన మజిలీ 

నిజాయితీగా ధర్మపథాన... 

నిజాయితీగా ధర్మపథాన....

ధైర్యమే నీ తోడు 

పయనించే ఓ చిలుకా...ఎగిరిపో..

పాడైపోయెను గూడు... 

పయనించే ఓ చిలుకా 

ఆ...ఆ...ఆ...ఆ.. 

చరణం 3: 

మరవాలి నీ కులుకుల నడలే...

మదిలో నయగారాలే 

మరవాలి నీ కులుకుల నడలే...

మదిలో నయగారాలే 

తీరని వేదన తీయని ముసుగే...

శిరస్సున శింగారాలే.... 

ఓర్వలేని ఈ జగతికి నీ పై...ఈ..ఈ.. 

ఓర్వలేని ఈ జగతికి నీ పై...

లేవే కనికారాలే 

కరిగి కరిగి కన్నీరై... 

కరిగి కరిగి కన్నీరై...

కడతేరుటే నీ తల వ్రాలి 

పయనించే ఓ చిలుకా...ఎగిరిపో..

పాడైపోయెను గూడు... 

పయనించే ఓ చిలుకా 

చరణం 4: 

గోడుమని విలపించేరే ...

నీ గుణము తెలిసిన వారు 

గోడుమని విలపించేరే ...

నీ గుణము తెలిసిన వారు 

జోడుగ నీతో ఆడీ పాడీ...

కూరుములాడిన వారు 

ఏరులైయే కన్నీరులతో...

మనసారా దీవించేరే 

ఎన్నడో తిరిగి ఇటు నీ రాకా...

ఎవడే తెలిసిన వారు 

పయనించే ఓ చిలుకా...ఎగిరిపో..

పాడైపోయెను గూడు... 

పయనించే ఓ చిలుకా 

ఆ...ఆ...ఆ...ఆ...

- పాటల ధనుస్సు 

ఒక్క క్షణం ఒక్క క్షణం | Okka Kshanam Okka Kshanam | Song Lyrics | Kalasina Manushulu (1968)

ఒక్క క్షణం ఒక్క క్షణం 

చిత్రం: కలిసిన మనసులు (1968)

సంగీతం: మాస్టర్ వేణు

గీతరచయిత: దేవులపల్లి

నేపధ్య గానం: ఘంటసాల, సుశీల

పల్లవి:

ఒక్క క్షణం ఒక్క క్షణం

నన్ను పలకరించకు 

నా వైపిటు చూడకు

ఒక్క క్షణం ఒక్క క్షణం

నిన్ను తలచుకోనీ 

నా కన్ను మూసుకోనీ

మోయలేని ఈ హాయిని మోయనీ

ఒక్క క్షణం ఒక్క క్షణం

ఒక్క క్షణం ఒక్క క్షణం

ఆ రెప్పలు వాల్చకూ

అటు ఇటు కదలకు

ఒక్క క్షణం ఒక్క క్షణం

చరణం 1:

ఆ కన్నులలో ఊహల 

అర్ధమేదొ అడగనీ

ఆ కొలనులలో నీడలా 

అదే పనిగ చూడనీయ్

మోయలేని ఈ హాయిని మోయనీ 

ఒక్క క్షణం ఒక్క క్షణం

చరణం 2:

ఆకులతో గాలి ఊసులాడకూడదు

ఏటిలోని అలలు పెదవి విప్పకూడదు

ఆకులతో గాలి ఊసులాడకూడదు

ఏటిలోని అలలు పెదవి విప్పకూడదు

మేను మేను తాకగా.. 

మౌనముగా గువ్వలవలే

కొమ్మ పైని మాటాడక 

కునుకు జంట పువ్వుల వలే

మోయలేని ఈ హాయిని మోయనీ 

ఒక్క క్షణం ఒక్క క్షణం

చరణం 3:

మోము పైన ముంగురులు 

ముసరవచ్చునా

మోవి చుట్టు కోరికలు 

మూగవచ్చునా

మోము పైన ముంగురులు 

ముసరవచ్చునా

మోవి చుట్టు కోరికలు 

మూగవచ్చునా

వాగులాగా ఈ సమయం 

సాగిపోవుననే భయం

నాలో నిండిన నీవే 

నాకు చాలు నేటికి

మోయలేని ఈ హాయిని మోయనీ 

ఒక్క క్షణం ఒక్క క్షణం

ఒక్క క్షణం ఆ.. ఆ

ఒక్క క్షణం..ఆ..ఆ

ఒక్క క్షణం ఆ.. ఆ

- పాటల ధనుస్సు 

ఊఁ అను ఊహూ అను | Oo anu Ohu anu | Song Lyrics | Muralikrishna (1964)

ఊఁ అను.. ఊహూ అను

చిత్రం :  మురళీకృష్ణ (1964)

సంగీతం :  మాస్టర్ వేణు

గీతరచయిత :  సినారె

నేపధ్య గానం :  ఘంటసాల, సుశీల

పల్లవి :

ఊఁ అను.. ఊహూ అను.. ఔనను ఔనౌనను

నా వలపంతా నీదని.. నీదేనని.. ఊఁ అనూ

ఊఁ అను.. ఊహూ అను..  ఔనను ఔనౌనను

నా వెలుగంతా నీవని.. నీవేనని.. ఊఁ అనూ

చరణం 1:

కలకల నవ్వే కలువకన్నులు..

కలకల నవ్వే కలువకన్నులు..

వలపులు తెలుపుటకే కాదా

పక్కన నిలిచిన చక్కని రూపము

చక్కిలిగింతలకే కాదా

చక్కిలిగింతలకే కాదా

ఊఁ అను.. ఊహూ అను.. ఔనను ఔనౌనను

చరణం 2:

పచ్చని ఆశల పందిరి నీడల 

వెచ్చగ కాపురముందామా

అహహా అహహా అహహా ఆ... ఆ... ఆ...

పచ్చని ఆశలపందిరి నీడల 

వెచ్చగ కాపురముందామా

కౌగిలి వీడక కాలము చూడక 

కమ్మని కలలే కందామా..

ఆఁ...

ఆఁ... కమ్మని కలలే కందామా

ఊఁ అను.. ఊహూ అను.. ఔనను ఔనౌనను

చరణం 3 :

మణిదీపాలై మదిలో వెలిగే 

అనురాగాలు మనవేలే

ఓ... ఓ... ఓ... ఓ...

మణిదీపాలై మదిలో వెలిగే 

అనురాగాలు మనవేలే

చిరునవ్వులతో చిగురులు తొడిగే 

జీవితమంటే మనదేలే

ఊఁ...

ఊఁ... జీవితమంటే మనదేలే

ఊఁ అను.. ఊహూ అను

ఔనను.. ఔనౌనను

నా వలపంతా నీదని..

నా వెలుగంతా నీవని..

ఊఁ అను.. ఊహూ అను

ఔనను.. ఔనౌనను

ఊఁ అనూ... హహహహ

పాటల ధనుస్సు  

నీ సుఖమే నే కోరుతున్నా | Nee Sukhame ne koruthunna | Song Lyrics | Muralikrishna (1964)

నీ సుఖమే నే కోరుతున్నా

చిత్రం :  మురళీకృష్ణ (1964)

సంగీతం :  మాస్టర్ వేణు

గీతరచయిత :  ఆచార్య ఆత్రేయ

నేపధ్య గానం :  ఘంటసాల

సాకి :

ఎక్కడ వున్నా ఏమైనా 

మనమెవరికి వారై వేరైనా

పల్లవి :

నీ సుఖమే నే కోరుతున్నా.. 

నిను వీడి అందుకే వెళుతున్నా

నీ సుఖమే నే కోరుతున్నా

చరణం 1 :

అనుకున్నామని జరగవు అన్నీ 

అనుకోలేదని ఆగవు కొన్నీ

జరిగేవన్నీ మంచికని 

అనుకోవడమే మనిషి పని

నీ సుఖమే నే కోరుతున్నా ..

నిను వీడి అందుకే వెళుతున్నా

నీ సుఖమే నే కోరుతున్నా..

చరణం 2 :

పసిపాపవలె ఒడి జేర్చినాను 

కనుపాప వలె కాపాడినాను

గుండెను గుడిగా చేసాను.....

గుండెను గుడిగా చేసాను.. 

నువ్వుండలేనని వెళ్ళావు

నీ సుఖమే నే కోరుతున్నా ..

నిను వీడి అందుకే వెళుతున్నా

నీ సుఖమే నే కోరుతున్నా..

చరణం 2 :

వలచుట తెలిసిన నా మనసునకు 

మరచుట మాత్రము తెలియనిదా

మనసిచ్చినదే నిజమైతే... 

మన్నించుటయే రుజువు కదా

నీ సుఖమే నే కోరుతున్నా ..

నిను వీడి అందుకే వెళుతున్నా

నీ సుఖమే నే కోరుతున్నా..

చరణం 3 :

నీ కలలే కమ్మగ పండనీ... 

నా తలపే నీలో వాడనీ

కలకాలం చల్లగ వుండాలనీ.. 

దీవిస్తున్నా నా దేవిననీ.. 

దీవిస్తున్నా నా దేవిని

ఎక్కడ వున్నా ఏమైనా 

మనమెవరికి వారై వేరైనా

నీ సుఖమే నే కోరుతున్నా ..

నిను వీడి అందుకే వెళుతున్నా

నీ సుఖమే నే కోరుతున్నా..

పాటల ధనుస్సు 

కనులు కనులు కలిసెను | Kanulu Kanulu Kalisenu | Song Lyrics | Muralikrishna (1964)

కనులు కనులు కలిసెను

చిత్రం :  మురళీకృష్ణ (1964)

సంగీతం :  మాస్టర్ వేణు

గీతరచయిత :  సినారె

నేపధ్య గానం :  ఘంటసాల

పల్లవి :

కనులు కనులు కలిసెను...  

కన్నె వయసు పిలిచెను

కనులు కనులు కలిసెను... 

కన్నె వయసు పిలిచెను

విసురులన్ని పైపైనే... 

అసలు మనసు తెలిసెను... 

అసలు మనసు తెలిసెను

చరణం 1 :

ముఖము పైన ముసురుకున్న 

ముంగురులే అందము

ముఖము పైన ముసురుకున్న 

ముంగురులే అందము

సిగ్గు చేత ఎర్రబడిన 

బుగ్గలదీ అందము

కోరిన చిన్న దాని కోర చూపే అందము 

కోర చూపే అందము

కనులు కనులు... మనసు తెలిసెను

విసురులన్ని పైపైనే... 

అసలు మనసు తెలిసెను... 

అసలు మనసు తెలిసెను

చరణం 2 :

దొండపండు వంటి పెదవి 

పిండుకొనుట ఎందుకు

దొండపండు వంటి పెదవి

పిండుకొనుట ఎందుకు

ముచ్చటైన పైటకొంగు 

ముడులు వేయుటెందుకు

పోవాలనుకొన్నా పోలేవు ముందుకు.. 

పోలేవు ముందుకు

కనులు కనులు... మనసు తెలిసెను

విసురులన్ని పైపైనే... 

అసలు మనసు తెలిసెను... 

అసలు మనసు తెలిసెను

చరణం 3 :

నడచినంత పిడికెడంత 

నడుము వణకిపోవును

నడచినంత పిడికెడంత 

నడుము వణకిపోవును

కసురుతున్న మనసులోనే 

మిసిమి వలపులూరును

కలిగిన కోపమంత కౌగిలిలో తీరును 

కౌగిలిలో తీరును

కనులు కనులు... మనసు తెలిసెను

విసురులన్ని పైపైనే... 

అసలు మనసు తెలిసెను... 

అసలు మనసు తెలిసెను...

పాటల ధనుస్సు  

ఏమని ఏమని అనుకుంటున్నది | Emani Emani anukuntunnadi | Song Lyrics | Muralikrishna (1964)

ఏమని ఏమని అనుకుంటున్నది

చిత్రం :  మురళీకృష్ణ (1964)

సంగీతం :  మాస్టర్ వేణు

గీతరచయిత :  ఆచార్య ఆత్రేయ

నేపధ్య గానం :  సుశీల 

పల్లవి :

ఏమని ఏమని అనుకుంటున్నది... 

నీ మనసేమని కలగంటున్నది

ఏమని ఏమని అనుకుంటున్నది... 

నీ మనసేమని కలగంటున్నది

విరిసిన పువ్వులు ముసిముసి నవ్వులు...  

కసిగా ఎందుకు కవ్విస్తున్నవి

ఏమని ఏమని అనుకుంటున్నది... 

నీ మనసేమని కలగంటున్నది

చరణం 1 :

ఏదో ఏదో వినపడుతున్నది... 

ఎదలో ఏదో కదులుతున్నది

ఏదో ఏదో వినపడుతున్నది... 

ఎదలో ఏదో కదులుతున్నది

తీయని తలపులు తలలెత్తి... 

తెలియని హాయిని వెదకుతున్నది

ఏమని ఏమని అనుకుంటున్నది... 

నీ మనసేమని కలగంటున్నది

చరణం 2 :

మెరమెరలాడే వయసున్నది... 

అది బిరబిర చరచర పరుగెడుతున్నది

మెరమెరలాడే వయసున్నది...  

బిరబిర చరచర పరుగెడుతున్నది

మిసమిసలాడే సొగసున్నది...  

అది గుసగుసలెన్నో చెబుతూ వున్నది

ఏమని ఏమని అనుకుంటున్నది... 

నీ మనసేమని కలగంటున్నది

చరణం 3 :

ఆడమన్నది పాడమన్నది.... ఓ...ఓ...ఓ...

ఆనందానికి ఎరవేయమన్నది

ఊరించే నను ఉడికించి....  

ఒంటరితనము ఓపనన్నది

ఒంటరి తనము ఓపనన్నది

ఏమని ఏమని అనుకుంటున్నది... 

నీ మనసేమని కలగంటున్నది

ఏమని ఏమని అనుకుంటున్నది... 

నీ మనసేమని కలగంటున్నది

పాటల ధనుస్సు 

మ్రోగునా ఈ వీణ | Mroguna ee veena | Song Lyrics | Muralikrishna (1964)

మ్రోగునా ఈ వీణ

చిత్రం :  మురళీకృష్ణ (1964)

సంగీతం :  మాస్టర్ వేణు

గీతరచయిత :  ఆచార్య ఆత్రేయ

నేపధ్య గానం :  జానకి  

పల్లవి :

 మ్రోగునా....  ఈ వీణ...

మ్రోగునా ఈ వీణ... మ్రోగునా ఈ వీణ

మూగవోయిన రాగహీనా...  

అనురాగహీనా

మ్రోగునా ఈ వీణ... 

మూగవోయిన రాగహీనా అనురాగహీనా

మ్రోగునా ఈ వీణ... 

మూగవోయిన రాగహీనా అనురాగహీనా

మ్రోగునా ఈ వీణ

చరణం 1 :

పాటలెన్నో నేర్చినది... 

ప్రభువు రాకకై వేచినది

పాటలెన్నో నేర్చినది... 

ప్రభువు రాకకై వేచినది

వచ్చిన ప్రభువు... విని మెచ్చకనే...

వెడలిపోయేను... బ్రతుకే... 

వెలితి చేసెను..

బ్రతుకే... వెలితి చేసెను..

మ్రోగునా మధుర వీణ

చరణం 2 :

ఆదిలోనే అపశ్రుతి పలికెను...  

నాదమంతా ఖేదమాయెను

ఆ.. ఆ.. ఆ.. ఆ.. ఆ.. ఆ..

ఆదిలోనే అపశ్రుతి పలికెను...  

నాదమంతా ఖేదమాయెను

స్వరములు ఏడు సముద్రాలై...

స్వరములు ఏడు సముద్రాలై

ముంచి వేసెను... 

తంత్రులు త్రెంచి వేసెను

తంత్రులు త్రెంచి వేసెను

మ్రోగునా మధుర వీణ

చరణం 3 :

దేవుడులేని కోవెలలా... 

జీవితమంతా శిథిలము కాగా

దేవుడులేని కోవెలలా... 

జీవితమంతా శిథిలము కాగా

ప్రభువు నడిచే అడుగుజాడలె... 

వెతుకుచుంటిని శూన్యంలో

ప్రభువు నడిచే అడుగుజాడలె... 

వెతుకుచుంటిని శూన్యంలో

వెతుకుచుంటిని శూన్యంలో... 

శూన్యంలో... 

మ్రోగునా మధుర వీణ... 

మూగవోయిన రాగహీనా... 

అనురాగహీనా

మ్రోగునా మధుర వీణ...

పాటల ధనుస్సు  

వస్తాడమ్మా నీ దైవమూ | Vastadamma Nee Daivamu | Song Lyrics | Muralikrishna (1964)

వస్తాడమ్మా నీ దైవమూ

చిత్రం :  మురళీకృష్ణ (1964)

సంగీతం :  మాస్టర్ వేణు

గీతరచయిత :  ఆచార్య ఆత్రేయ

నేపధ్య గానం :  సుశీల

పల్లవి :

వస్తాడమ్మా నీ దైవమూ.. 

వస్తుందమ్మా వసంతమూ

వస్తాడమ్మా నీ దైవమూ.. 

వస్తుందమ్మా వసంతమూ

కలలే నిజమై వలపే వరమై

కళ కళ లాడును జీవితము

వస్తాడమ్మా నీ దైవమూ 

వస్తుందమ్మా వసంతమూ

చరణం 1 :

పేరే కాదు ప్రేమకు కూడా 

శ్రీకృష్ణుడమ్మా నీ ప్రియుడు

పేరే కాదు ప్రేమకు కూడా 

శ్రీకృష్ణుడమ్మా నీ ప్రియుడు

తన ముద్దుల మురళిగ నిను మార్చి

తన ముద్దుల మురళిగ నిను మార్చి

మోహనరాగం ఆలపించును

వస్తాడమ్మా నీ దైవమూ 

వస్తుందమ్మా వసంతమూ

చరణం 2 :

పసిపాపవలే నిను ఒడి చేర్చి 

కనుపాపవలే కాపాడును

పసిపాపవలే నిను ఒడి చేర్చి 

కనుపాపవలే కాపాడును

నీ మనసే మందిరముగ చేసీ.. ఈ ...

నీ మనసే మందిరముగ చేసి 

దైవం తానై వరములిచ్చును

వస్తాడమ్మా నీ దైవమూ 

వస్తుందమ్మా వసంతమూ

చరణం 3 :

ఎక్కడివాడో ఇక్కడి వాడై 

దక్కినాడు నీ తపసు ఫలించి

ఎక్కడివాడో ఇక్కడి వాడై 

దక్కినాడు నీ తపసు ఫలించి

నాడొక చెట్టును మోడు చేసినా ఆ 

వాడే మోడుకు చిగురు పూర్చును

వస్తాడమ్మా నీ దైవమూ 

వస్తుందమ్మా వసంతమూ

పాటల ధనుస్సు  

కనరాని నీవే కనిపించినావే | Kanarani Neeve | Song Lyrics | Melukolupu (1978)

కనరాని నీవే కనిపించినావే

చిత్రం :  మేలుకొలుపు (1978)

సంగీతం :  మాస్టర్ వేణు

గీతరచయిత :  దాశరథి

నేపథ్య గానం :  బాలు, సుశీల

పల్లవి :

కనరాని నీవే కనిపించినావే...

అనురాగ వీణ పలికించినావే

కనరాని నీవే..అహా..  

కనిపించినావే...ఆహా..

అనురాగ వీణ..ఆ.. 

పలికించినావే.... ఆ

చరణం 1 :

కలలన్ని నేడు నిజమాయె చూడు....

కలలన్ని నేడు నిజమాయె చూడు

ఏనాటికైనా విడిపోదు తోడూ.... 

ఇన్నాళ్ళు నీకై వేచాను నేను...

ఇనాళ్ళు నీకై వేచాను నేను...

ఎడబాటు దాటి చేరాను నిన్ను.. చేరాను నిన్ను

ఉందాము మనము...  ఒక గూటిలోనే

నడిచేము మనము...  ఒక బాటలోనే

చరణం 2 :

మ్రోగింది అందె..నా రాజు కోసం

వేసింది చిందు.. నా మూగ హృదయం

హృదయాలు రెండు ఉయ్యాలలూగే

హృదయాలు రెండు ఉయ్యాలలూగే

జత చేరి నేడు సైయ్యాటలాడే

కనుపాపలాగా...  నిను చూసుకోనా

పసిపాపలాగా... నిను దాచుకోనా

కనరాని నీవే కనిపించినావే... 

అనురాగ వీణ పలికించినావే

పాటల ధనుస్సు