ఆపద మొక్కుల వాడా ఓ శ్రీనివాసా
ఆపదమొక్కులవాడ ఓ శ్రీనివాస
చిత్రం : నిండు మనసులు (1967)
సంగీతం : టి వి రాజు
గీతరచయిత : సి నారాయణ రెడ్డి
నేపథ్య గానం : పి సుశీల,
పల్లవి :
ఆపద మొక్కుల వాడా
ఓ శ్రీనివాసా
అడుగడుగున కాపాడే
తిరుమల గిరివాసా
శ్రీనివాసా - శ్రీనివాసా
చరణం 1:
జనులందరు
నీ చల్లని కనుపాపలే
జగమంతా వెల్లివిరిసె
నీచూపులే
నిను నమ్మిన దీనుల
కన్నీటి పిలుపు వినక
కొండపై నిండుగా
కొలువై వున్నావా
చరణం 2 :
నిండు మనసు గలవారికి
నిందలు మిగిలేనా
మంచిని కోరే బ్రతుకే
మంటలపాలేనా
వెలుగు చిలికే దీపం
విలవిలలాడేనా
దేవా దేవా నీకిది న్యాయమా
చరణం 3 :
గుండెనిండా వెతలు దాచి
కుమిలిపోతిగాని
కొంగుసాచి ఎన్నడేమి
కోరలేదు స్వామి
అతని ప్రాణములను
నిలపి ఆదుకోవయ్యా
అందుకు నా ప్రాణములే
అర్పించుదునయ్యా
శ్రీనివాసా -
శ్రీనివాసా -
శ్రీనివాసా -
- పాటల ధనుస్సు
