పాడెద నీ నామమే గోపాలా | Padeda nee naamane | Song Lyrics | Amayakuralu (1971)

పాడెద నీ నామమే గోపాలా

చిత్రం: అమాయకురాలు (1971) 

సంగీతం: ఎస్. రాజేశ్వరరావు 

గీతరచయిత: దాశరథి 

నేపథ్య గానం: సుశీల 

పల్లవి: 

ఆ... ఆ ఆ ఆ... ఆ ఆ ఆ... ఆ... 

పాడెద నీ నామమే గోపాలా 

పాడెద నీ నామమే గోపాలా 

హృదయములోనే పదిలముగానే 

నిలిపెద నీ రూపమేరా... 

పాడెద నీ నామమే గోపాలా 

చరణం 1: 

మమతలలోనే మాలికలల్లి 

నిలిచితి నీకోసమేరా 

మమతలలోనే మాలికలల్లి 

నిలిచితి నీకోసమేరా 

ఆశలతోనే హారతి చేసి 

పదములు పూజింతు రారా 

పాడెద నీ నామమే గోపాలా 

చరణం 2: 

నీ మురళీ గానమే పిలిచెరా 

కన్నుల నీమోము కదలెనులేరా 

నీ మురళీగానమే పిలిచెరా 

పొన్నలు పూచే బృందావనిలో 

వెన్నెల కురిసే యమునాతటిపై 

ఆ..... 

పొన్నలు పూచే బృందావనిలో 

వెన్నెల కురిసే యమునాతటిపై 

నీ సన్నిధిలో జీవితమంతా ..

కానుక చేసేను రారా 

పాడెద నీ నామమే గోపాలా 

హృదయములోనే పదిలముగానే 

నిలిపెద నీ రూపమేరా... 

పాడెద నీ నామమే గోపాలా...

- పాటల ధనుస్సు 

హలో సారూ భలే వారు | Hello Saru Bhale varu | Song Lyrics | Amayakuralu (1971)

హలో సారూ భలే వారు

చిత్రం: అమాయకురాలు (1971)

సంగీతం: ఎస్. రాజేశ్వరరావు

గీతరచయిత: ఆరుద్ర

నేపధ్య గానం: ఘంటసాల, సుశీల

పల్లవి:

హలో సారూ భలే వారు 

చెలి వలపు తెలుసుకోరు

పైకెంతో చల్లని వారు.. 

తమరెంతో అల్లరివారు

నా మనసు దోచినారు

చాలు చాలు సరసాలు 

ఇక దూరంగా ఉంటేనే మేలు

లల్లలల్ల ఒహో ఒహో లలల్లల

చరణం 1:

రానిమ్ము రానిమ్ము ఏమైనకానీ.. 

నా ఇంపు నా సొంపు నీ సొమ్ము కాదా

రానిమ్ము రానిమ్ము ఏమైనకానీ.. 

నా ఇంపు నా సొంపు నీ సొమ్ము కాదా

నా తోడు నీవై.. నీ నీడ నేనై.. 

కలవాలి కరగాలి కావాలి ఒకటిగా.. ఆ..ఓ..

చాలు చాలు సరసాలు 

ఇక దూరంగా ఉంటేనే మేలు

హలో సారూ భలే వారు 

చెలి వలపు తెలుసుకోరు

చరణం 2:

రావాలి రావాలి సరియైన అదను.. 

ఆనాడు ఇవ్వాలి నీ నిండు మనసు..

రావాలి రావాలి సరియైన అదను.. 

ఆనాడు ఇవ్వాలి నీ నిండు మనసు

ఆలోగ నీవు ఆవేశ పడకు.. 

ఆకాశ సౌధాలు నిర్మించ రాదులే.. ఏ .. ఓ..

హలో సారూ భలే వారు 

చెలి వలపు తెలుసుకోరు

చాలు చాలు సరసాలు 

ఇక దూరంగా ఉంటేనే మేలు

చరణం 3:

అనురాగ బంధాలు సడలించవద్దు.. 

పెనవేయు హృదయాలు విడదీయవద్దు

అనురాగ బంధాలు సడలించవద్దు.. 

పెనవేయు హృదయాలు విడదీయవద్దు

నీ లేత వలపు ఆమోదమైన.. 

బంగారు స్వప్నాలు 

పండేది ముందెపుడో.. ఓ.. ఓ..

హలో సారూ భలే వారు 

చెలి వలపు తెలుసుకోరు

చాలు చాలు సరసాలు 

ఇక దూరంగా ఉంటేనే మేలు

- పాటల ధనుస్సు 

సన్నజాజి పువ్వులు | Sannajaji Puvvulu | Song Lyrics | Amayakuralu (1971)

సన్నజాజి పువ్వులు

చిత్రం : అమాయకురాలు (1971)

సంగీతం : ఎస్. రాజేశ్వరరావు

గీతరచయిత : ఆరుద్ర

నేపధ్య గానం : ఘంటసాల, సుశీల

పల్లవి :

సన్నజాజి పువ్వులు 

చందమామ కాంతులు.. 

చిన్నారి పాపా నవ్వులు

మా ఇంటి వెలుగు మా కంటి వెలుగు.. 

బంగారు జోతుల దీవెనలు

సన్నజాజి పువ్వులు 

చందమామ కాంతులు... 

చిన్నారి పాపా నవ్వులు

మా ఇంటి వెలుగు మా కంటి వెలుగు... 

బంగారు జోతుల దీవెనలు

చరణం 1 :

పాపాయి గెంతులు... 

తువ్వాయి చెంగులు

పాపాయి గెంతులు... 

తువ్వాయి చెంగులు

తూరీగలాగ దొరకదు.. 

పరుగులు తీస్తే పండుగ.. 

ఉరకలు వేస్తె వేడుక

మా జోతి చిందులే అందాల విందులు

సన్నజాజి పువ్వులు.. 

చందమామ కాంతులు... 

చిన్నారి పాపా నవ్వులు 

చరణం 2 :

తాతయ్య మీసాల ఉయ్యాలలూగేను.. 

అమ్మమ్మ కళ్ళతో దోబూచులాడేను

తాతయ్య మీసాల ఉయ్యాలలూగేను... 

అమ్మమ్మ కళ్ళతో దోబూచులాడేను

ఆడిన ఆట.... పాడిన పాట...

ఆడిన ఆట అల్లరి... 

పాడిన పాట పల్లవి.. 

మా జోతి మాటలే వరహాల మూటలు

సన్నజాజి పువ్వులు.. 

చందమామ కాంతులు.. 

చిన్నారి పాపా నవ్వులు

చరణం 3 :

ఆ కొంటె చేష్టలు ఆ చిలిపి చూపులు

ఆ కొంటె చేష్టలు ఆ చిలిపి చూపులు 

ఆనందమొసగే వరములు

ఇరుగుపొరుగు మెచ్చగా 

ఇంటిల్లిపాదికి నచ్చగా.. 

చిరంజీవి పెరగాలి బంగారు తల్లిగా

సన్నజాజి పువ్వులు 

చందమామ కాంతులు.. 

చిన్నారి పాపా నవ్వులు

మా ఇంటి వెలుగు మా కంటి వెలుగు.. 

బంగారు జోతుల దీవెనలు

- పాటల ధనుస్సు 

నీ చూపులు గారడి చేసెను | Nee Chupulu Garadi Chesenu | Song Lyrics | Amayakuralu (1971)

నీ చూపులు గారడి చేసెను

చిత్రం: అమాయకురాలు (1971)

సంగీతం: ఎస్. రాజేశ్వరరావు

గీతరచయిత: సి నారాయణ రెడ్డి 

నేపధ్య గానం: బాలు, సుశీల

పల్లవి:

నీ చూపులు గారడి చేసెను.. 

నీ నవ్వులు పూలై పూచెను

ఆ నవ్వులలో.. ఆ చూపులలో.. 

నిను కవ్వించేవాడెవ్వడో..

నా చూపులు గారడి చేసినా.. 

నా నవ్వులు పూలై పూచినా..

ఏ ఒక్కరికో అవి దక్కునులే.. 

ఆ టక్కరి దొంగవు నీవేలే

చరణం 1:

నీ మోమే ఒక చంద్రబింబం.. 

దానికి ముచ్చటైన పుట్టుమచ్చ అందం..

నీ మోమే ఒక చంద్రబింబం..

ఆ అందం చూసి.. నీ ముందుకు దూకి..

ఆ అందం చూసి.. నీ ముందుకు దూకి..

ఎందరు యువకులు తొందరపడి 

నిన్నెత్తుకుపోతారో.. నేనేమైపోతానో...

అహ..హ....

నా చూపులు గారడి చేసినా.. 

నా నవ్వులు పూలై పూచినా..

ఏ ఒక్కరికో అవి దక్కునులే.. 

ఆ టక్కరి దొంగవు నీవేలే

చరణం 2:

మగసిరిగల సొగసైన దొరవు.. 

అందుకు సరిపడు సిరులెన్నో కలవు...

మగసిరిగల సొగసైన దొరవు..

నీ పక్కన మూగి.. తమ మక్కువ చూపి

నీ పక్కన మూగి.. తమ మక్కువ చూపి

చక్కని పడుచుల.. 

చెక్కెలి తళుకుల చిక్కుకుపోతావో.. 

నీ చెలినే మరచేవో..

ఊ..హ..హ..

నీ చూపులు గారడి చేసెను.. 

నీ నవ్వులు పూలై పూచెను

ఆ నవ్వులలో ఆ చూపులలో.. 

నిను కవ్వించేవాడెవ్వడో...

చరణం 3:

చిగురించిన ఈ అనురాగం.. 

వికసించునులే కలకాలం

చిగురించిన ఈ అనురాగం..

నీ వలపే నేనై.. నా వెలుగే నీవై

కమ్మని మమతల బంగరు మేడల 

కలలే కందామా..

కలలే కందామా..

ఆహాహహా.. ఆహాహహా.. ఆహాహహా.. ఆహాహహా..

- పాటల ధనుస్సు 

కొంటె పిల్ల కోరుకున్న జంట దొరికింది | Kontepilla Korukunna | Song Lyrics | Amayakuralu (1971)

కొంటె పిల్ల కోరుకున్న జంట దొరికింది 

చిత్రం : అమాయకురాలు (1971)

సంగీతం : ఎస్. రాజేశ్వరరావు

గీతరచయిత : దాశరథి

నేపధ్య గానం : ఘంటసాల, సుశీల

పల్లవి :

ఓహో.. ఓ.. ఓ.. ఓ.. ఓ..

ఆహా.. ఆ.. ఆ.. ఆ.. ఆ.. 

కొంటె పిల్లా....

కొంటె పిల్ల కోరుకున్న జంట దొరికింది

వంట ఇంటి కుందేలై చేత చిక్కింది

బ్రహ్మచారీ....

బ్రహ్మచారి వంట ఇంటి బాధ తప్పింది

కళ్ళలోన పెళ్లి సొగసు గంతులేసింది 

చరణం 1 :

కవ్వించి నవ్వించు గడుసైనదానా.. 

ఈ వింత సిగ్గేల నీ మోములోన

నను చూసి నా రాజు కను సైగ చేసే 

నును సిగ్గు పరదాలు కనులందు వాలే

నీ తీపి కలలన్ని నిజమైన వేళ..

నీ తీపి కలలన్ని నిజమైన వేళ.. 

సరదాగ నాతోటి సరితూగ రావా

బ్రహ్మచారి వంట ఇంటి బాధ తప్పింది...  

కళ్ళలోన పెళ్లి సొగసు గంతులేసింది

చరణం 2 :

చెలికాని అధరాల చిరునవ్వు నేనై.. 

నిండైన ప్రణయాలు పండించుకోనా

చెలి నీలి కురులందు సిరిమల్లె నేనై.. 

పరువాల మురిపాలు విరబూయ రానా

అందాల మన ప్రేమ బంధాలలోన...

అందాల మన ప్రేమ బంధాలలోన.. 

హృదయాలు పెనవేసి విహరించుదామా

కొంటె పిల్ల కోరుకున్న జంట దొరికింది.. 

వంట ఇంటి కుందేలై చేత చిక్కింది

బ్రహ్మచారి వంట ఇంటి బాధ తప్పింది.. 

కళ్ళలోన పెళ్లి సొగసు గంతులేసింది

- పాటల ధనుస్సు