నీ చూపులు గారడి చేసెను | Nee Chupulu Garadi Chesenu | Song Lyrics | Amayakuralu (1971)

నీ చూపులు గారడి చేసెను

చిత్రం: అమాయకురాలు (1971)

సంగీతం: ఎస్. రాజేశ్వరరావు

గీతరచయిత: సి నారాయణ రెడ్డి 

నేపధ్య గానం: బాలు, సుశీల

పల్లవి:

నీ చూపులు గారడి చేసెను.. 

నీ నవ్వులు పూలై పూచెను

ఆ నవ్వులలో.. ఆ చూపులలో.. 

నిను కవ్వించేవాడెవ్వడో..

నా చూపులు గారడి చేసినా.. 

నా నవ్వులు పూలై పూచినా..

ఏ ఒక్కరికో అవి దక్కునులే.. 

ఆ టక్కరి దొంగవు నీవేలే

చరణం 1:

నీ మోమే ఒక చంద్రబింబం.. 

దానికి ముచ్చటైన పుట్టుమచ్చ అందం..

నీ మోమే ఒక చంద్రబింబం..

ఆ అందం చూసి.. నీ ముందుకు దూకి..

ఆ అందం చూసి.. నీ ముందుకు దూకి..

ఎందరు యువకులు తొందరపడి 

నిన్నెత్తుకుపోతారో.. నేనేమైపోతానో...

అహ..హ....

నా చూపులు గారడి చేసినా.. 

నా నవ్వులు పూలై పూచినా..

ఏ ఒక్కరికో అవి దక్కునులే.. 

ఆ టక్కరి దొంగవు నీవేలే

చరణం 2:

మగసిరిగల సొగసైన దొరవు.. 

అందుకు సరిపడు సిరులెన్నో కలవు...

మగసిరిగల సొగసైన దొరవు..

నీ పక్కన మూగి.. తమ మక్కువ చూపి

నీ పక్కన మూగి.. తమ మక్కువ చూపి

చక్కని పడుచుల.. 

చెక్కెలి తళుకుల చిక్కుకుపోతావో.. 

నీ చెలినే మరచేవో..

ఊ..హ..హ..

నీ చూపులు గారడి చేసెను.. 

నీ నవ్వులు పూలై పూచెను

ఆ నవ్వులలో ఆ చూపులలో.. 

నిను కవ్వించేవాడెవ్వడో...

చరణం 3:

చిగురించిన ఈ అనురాగం.. 

వికసించునులే కలకాలం

చిగురించిన ఈ అనురాగం..

నీ వలపే నేనై.. నా వెలుగే నీవై

కమ్మని మమతల బంగరు మేడల 

కలలే కందామా..

కలలే కందామా..

ఆహాహహా.. ఆహాహహా.. ఆహాహహా.. ఆహాహహా..

- పాటల ధనుస్సు 

మంచివాడు మా బాబాయి | Manchivadu maa Babayi | Song Lyrics | Kathanayakudu (1969)

మంచివాడు మా బాబాయి 

చిత్రం : కథానాయకుడు (1969)

సంగీతం : టి.వి. రాజు

గీతరచయిత : దాశరథి

నేపధ్య గానం : పి సుశీల, బెంగళూరు లత 

పల్లవి :

మంచివాడు మా బాబాయి

మామాటే వింటాడోయి 

కోపం మాని తాపం మాని 

మాతో వుంటాడోయి

మంచివాడు మా బాబాయి

మామాటే వింటాడోయి 

కోపం మాని తాపం మాని 

మాతో వుంటాడోయి

చరణం 1 :

రామలక్ష్మణులు మీరయ్యా

మీలో కలతలు ఏలయ్యా

నీతికి నిలబడు నీ తమ్మునిపై 

నిందలెందుకయ్యా 

మంచివాడు మా బాబాయి

మామాటే వింటాడోయి 

కోపం మాని తాపం మాని 

మాతో వుంటాడోయి

చరణం 2 :

అమ్మానాన్న వాలే చూసే 

అన్నా వదినా వున్నారు 

అన్నయ్యేదో అనగానే 

అలుక ఎందుకయ్యా 

అలుక ఎందుకయ్యా 

మంచివాడు మా బాబాయి

మామాటే వింటాడోయి 

కోపం మాని తాపం మాని 

మాతో వుంటాడోయి

చరణం 3 :

మంచి మనసుతో బాబాయి 

మనకు కానుకలు తెచ్చాడు 

మూగ నోములు విడవాలి 

ముగ్గురు కలసి నవ్వాలి 

మంచివాడు మా బాబాయి

మామాటే వింటాడోయి 

కోపం మాని తాపం మాని 

మాతో వుంటాడోయి

- పాటల ధనుస్సు