కనులు మూసినా అదేమిటో..
ప్రేమ గీతం
Production : RKSS Creations...
రచన : రామకృష్ణ దువ్వు
పల్లవి:
కనులు మూసిన అదేమిటో
ఆమె రూపం మరుగున పడకుంది
ఒళ్ళంతా మైకం కమ్మి
మధురంగా వుంది
నా కళ్ళూ మనసూ చిత్రంగా
మాట వినకుంది …
ఇదేమిటి అని తలపోస్తే
అదే ప్రేమని తెలిసింది
ప్రేమని తెలిసింది…
చరణం 1:
రోజూ వీచే గాలైనా
ఈరోజేంటో వింతగ వుంది
ఈలలు వేసి సైగలు చేస్తుంది
తోటలో పూచిన గులాబీ
మరింత మెరిసింది
ఆమెను గురుతుకు తెచ్చింది
ప్రేమజల్లులో మనసే తడిసింది
చిందులు వేస్తూ ప్రియా
ప్రియా నీకై వెదకింది …
చరణం 2:
ఎండలో వేడి ఎంతున్నా
ఆమె తలపులు వెన్నలలాగ వుంది
కురిసే ప్రతి చినుకూ
ఇరువురి పైనా చిలికింది
సరిగంగ తానాలు చేసింది
చలిగాలి తాకిన వణకిన మేను
చెలికై వెచ్చని గుండెను చూపింది
చెలీ నీకై వేచింది…
- రామకృష్ణ దువ్వు
