నా జీవిత వనమున విరిసిన కుసుమము
స్నేహ గీతం (female)
Production : RKSS Creations...
రచన : రామకృష్ణ దువ్వు
పల్లవి:
నా జీవిత వనమున విరిసిన
కుసుమము నీ స్నేహమే చెలీ …
ఈ ఊపిరి వున్నంత వరకు విడువను
నిన్ను నా ప్రాణమైన నెచ్చెలి..
చరణం 1:
పూవును నేనైతే పుప్పొడి నీవు
పరిమళమే మన చెలిమి
తోటలో నావెంట తోడుగ నీవుంటే
ప్రతి తరువూ ఫలముల పంటే
ఆ దేవుడు దిగివచ్చి
వరములు నాకిస్తే
బ్రతుకంతా చెలీ
నీ స్నేహము చాలంటాను
చరణం 2:
మబ్బును నేనైతే నీరువు నీవు
కురిసే చిరుజల్లు మన స్నేహం
కిరణం నేనైతే కాంతివి వీవు
ప్రతి బింబాలు మన బంధాలు
నా నేస్తం తోడుంటే
జీవన గతిలో
ముళ్ళబాటలున్నా
పూలబాటలవును
- రామకృష్ణ దువ్వు
