వేషము మార్చెను భాషను మార్చెను | Veshamu Marchenu | Song Lyrics | Gundamma Katha (1962)

వేషము మార్చెను భాషను మార్చెను

చిత్రం : గుండమ్మ కథ (1962)

సంగీతం : ఘంటసాల,

గీతరచయిత : పింగళి నాగేంద్రరావు  

నేపధ్య గానం : ఘంటసాల, పి లీల 

పల్లవి:

వేషము మార్చెను... హోయ్..

భాషను మార్చెను... హోయ్..

మోసము నేర్చెనూ..ఉ..ఉ....

అసలు తానే మారెను...

అయినా మనిషి మారలేదు

ఆతని మమత తీరలేదు..

మనిషి మారలేదు

ఆతని మమత తీరలేదు..

చరణం 1:

కృరమృగమ్ముల కోరలు తీసెను

ఘోరారణ్యములాక్రమించెను

కృరమృగమ్ముల కోరలు తీసెను

ఘోరారణ్యములాక్రమించెను

హిమాలయముపై జండా పాతెను

హిమాలయముపై జండా పాతెను

ఆకాశంలో షికారు చేసెను

అయినా మనిషి మారలేదు

ఆతని కాంక్ష తీరలేదు...

చరణం 2:

పిడికిలి మించని హృదయములో

కడలిని మించిన ఆశలు దాచెను

కడలిని మించిన ఆశలు దాచెను

వేదికలెక్కెను..వాదము చేసెను..

వేదికలెక్కెను..వాదము చేసెను..

త్యాగమె మేలని బోధలు చేసెను

అయినా మనిషి మారలేదు

ఆతని బాధ తీరలేదు..

చరణం 3:

వేషమూ మార్చెను.. 

భాషనూ మార్చెను,

మోసము నేర్చెను.. 

తలలే మార్చెను...

అయినా మనిషి మారలేదు... 

ఆతని మమత తీరలేదు..

ఆ...ఆహహాహాహ ఆహాహహా...

ఓ... ఓహొహోహోహో 

ఓహోహొహో...

- పాటల ధనుస్సు 

సన్నగ వీచే చల్ల గాలికి | Sannaga veeche challa galiki | Song Lyrics | Gundamma Katha (1962)

సన్నగ వీచే చల్ల గాలికి

చిత్రం : గుండమ్మ కథ (1962)

సంగీతం : ఘంటసాల,

గీతరచయిత : పింగళి నాగేంద్రరావు  

నేపధ్య గానం : సుశీల 

పల్లవి:

సన్నగ వీచే చల్ల గాలికి

కనులు మూసినా కలలాయే

తెల్లని వెన్నెల పానుపు పై ఆ......

కలలో వింతలు కననాయే

సన్నగ వీచే చల్ల గాలికి

కనులు మూసినా కలలాయే

తెల్లని వెన్నెల పానుపు పై

ఆ కలలో వింతలు కననాయే..

అవి తలచిన ఏమో సిగ్గాయే

కనులు తెరచినా నీవాయే

నే కనులు మూసినా నీవాయే

కనులు తెరచినా నీవాయే

చరణం 1:

నిదురించిన నా హృదయమునెవరో

కదిలించిన సడి విననాయే

నిదురించిన నా హృదయమునెవరో

కదిలించిన సడి విననాయే

కలవరపడి నే కనులు తెరువ

నా కంటి పాపలో నీవాయే

ఎచట చూచినా నీవాయే

కనులు తెరచినా నీవాయే

నే కనులు మూసినా నీవాయే

కనులు తెరచినా నీవాయే

చరణం 2:

మేలుకొనిన నా మదిలో యేవో

మెల్లని పిలుపులు విననాయే

మేలుకొనిన నా మదిలో యేవో

మెల్లని పిలుపులు విననాయే

ఉలికిపాటుతో కలయ వెతక

నా హృదయ ఫలకమున నీవాయే

కనులు తెరచినా నీవాయే

నే కనులు మూసినా నీవేనాయే

- పాటల ధనుస్సు 

ఎంత హాయి ఈ రేయి | Entha Hayi Eereyi | Song Lyrics | Gundamma Katha (1962)

ఎంత హాయి ఈ రేయి ఎంత మధురం ఈ హాయి

చిత్రం : గుండమ్మ కథ (1962)

సంగీతం : ఘంటసాల,

గీతరచయిత : పింగళి నాగేంద్రరావు  

నేపధ్య గానం : ఘంటసాల, సుశీల 

పల్లవి :

ఎంత హాయి

ఎంత హాయి ఈ రేయి 

ఎంత మధురం ఈ హాయి

ఎంత హాయి ఈ రేయి 

ఎంత మధురం ఈ హాయి

చందమామ చల్లగా 

మత్తు మందు చల్లగా

ఆ చందమామ చల్లగా 

పన్నీటి జల్లు చల్లగా

ఎంత హాయి

ఎంత హాయి ఈ రేయి 

ఎంత మధురం ఈ హాయి

ఎంత హాయి

చరణం 1 :

ఒకరి చూపులోకరి పైన 

విరి తూపులు విసరగా

ఒకరి చూపులోకరి పైన 

విరి తావులు వీచగా

విరి తావుల పరవడిలో 

విరహమతిశయింపగా

ఆ విరి తావుల గుమగుమలో 

మేను పరవసింపగా

ఎంత హాయి

ఎంత హాయి ఈ రేయి 

ఎంత మధురం ఈ హాయి

ఎంత హాయి

చరణం 2 :

కానరాని కోయిలలు 

మనల మేలు కొలుపగా

కానరాని కోయిలలు 

మనకు జోల పాడగా

మధుర భావ లాహిరిలో 

మనము తూలి పోవగా

ఆ మధుర భావ లహరిలో 

మనము తేలి పోవగా

ఎంత హాయి

ఎంత హాయి ఈ రేయి 

ఎంత మధురం ఈ హాయి

చందమామ చల్లగా 

మత్తు మందు చల్లగా

ఎంత హాయి.. ఈ రేయి

- పాటల ధనుస్సు 

కొలు కోలోయన్న కోలో నా సామి | Kolukoloyanna kolo na sami | Song Lyrics | Gundamma Katha (1962)

కొలు కోలోయన్న కోలో నా సామి

చిత్రం : గుండమ్మ కథ (1962)

సంగీతం : ఘంటసాల,

గీతరచయిత : పింగళి నాగేంద్రరావు  

నేపధ్య గానం : ఘంటసాల, సుశీల 

పల్లవి :

కొలు కోలోయన్న కోలో నా సామి

కొమ్మలిద్దరు మాంచి జోడు

కొలు కోలోయన్న కోలో నా సామి

కొమ్మలిద్దరు మాంచి జోడు

మేలు మేలోయన్న మేలో నారంగ

కొమ్మలకు వచ్చింది ఈడు

మేలు మేలోయన్న మేలో నారంగ

కొమ్మలకు వచ్చింది ఈడు

ఈ ముద్దు గుమ్మలకు చూడాలి జోడు

ఉఉఉ ఉఉఉ ఉఉఉ

కొలు కోలోయన్న కోలో నా సామి

కొమ్మలిద్దరు మాంచి జోడు

అహఆ...ఆఆఆ..ఆఆఆ..ఆఆఆ..ఆ

ఓహొహో..ఓఓఓ..ఓఓఓ..ఓఓఓ..ఓ

చరణం 1 :

బాల బాలోయన్న బాలో చిన్నమ్మి

అందాల గారాల బాల

బాల బాలోయన్న బాలో చిన్నమ్మి

అందాల గారాల బాల

ఓఓఓ

బేలొ బేలోయన్న బేలో పెద్దమ్మి

చిలుకలా కులికేను చాలా

బేలొ బేలోయన్న

దిద్దినకదిన దిద్దినకదిన దిద్దినకదిన దిన్

హేయ్.బేలొ బేలోయన్న బేలో పెద్దమ్మి

చిలుకలా కులికేను చాలా

ఈ బేల పలికితే ముత్యాలురాల

ఉఉఉ ఉఉఉ ఉఉఉ

కొలు కోలోయన్న కోలో నా సామి

కొమ్మలిద్దరు మాంచి జోడు

అహఆ...ఆఆఆ..ఆఆఆ..ఆఆఆ..ఆ

ఓహొహో..ఓఓఓ..ఓఓఓ..ఓఓఓ..ఓ

చరణం 2 :

ముక్కుపైనుంటాది కోపం చిట్టెమ్మ

మనసేమో మంచీది పాపం

ముక్కుపైనుంటాది కోపం చిట్టెమ్మ

మనసేమో మంచీది పాపం

ఓఓఓ

ఇంటికి వెలుగైన దీపం బుల్లెమ్మా

కంట చూసిన పోవు తాపం....

ఇంటికి వెలుగైన దీపం బుల్లెమ్మా

కంట చూసిన పోవు తాపం

జంటుంటే ఎందు రానీదు ఏ లోపం

ఉఉఉ ఉఉఉ ఉఉఉ

కొలు కోలోయన్న కోలో నా సామి

కొమ్మలిద్దరు మాంచి జోడు

అహఆ...ఆఆఆ..ఆఆఆ..ఆఆఆ..ఆ

ఓహొహో..ఓఓఓ..ఓఓఓ..ఓఓఓ..ఓ

- పాటల ధనుస్సు  

ప్రేమయాత్రలకు బృందావనము | Prema Yatralaku Brindavanamu | Song Lyrics | Gundamma Katha (1962)

ప్రేమయాత్రలకు బృందావనము 

చిత్రం : గుండమ్మ కథ (1962)

సంగీతం : ఘంటసాల,

గీతరచయిత : పింగళి నాగేంద్రరావు  

నేపధ్య గానం : ఘంటసాల, సుశీల 

 

పల్లవి :

ప్రేమయాత్రలకు బృందావనము 

నందనవనము యేలనో

కులుకులొలుకు చెలి చెంతనుండగా 

వేరే స్వర్గము యేలనో

కులుకులొలుకు చెలి చెంతనుండగా 

వేరే స్వర్గము యేలనో

ప్రేమయాత్రలకు బృందావనము 

నందనవనము యేలనో

తీర్థయాత్రలకు రామేశ్వరము 

కాశీప్రయాగలేలనో

ప్రేమించిన పతి ఎదుటనుండగా 

వేరే దైవము యేలనో

ప్రేమించిన పతి ఎదుటనుండగా 

వేరే దైవము యేలనో

తీర్థయాత్రలకు రామేశ్వరము 

కాశీప్రయాగలేలనో

చరణం 1 :

చెలి నగుమోమె చంద్రబింబమై 

పగలే వెన్నెల కాయగా

చెలి నగుమోమె చంద్రబింబమై 

పగలే వెన్నెల కాయగా

సఖి నెరిచూపుల చల్లదనంతో 

జగమునె ఊటీ శాయగా

సఖి నెరిచూపుల చల్లదనంతో 

జగమునె ఊటీ శాయగా

ప్రేమయాత్రలకు కొడైకెనాలు 

కాశ్మీరాలూ యేలనో

చరణం 2 :

కన్నవారినే మరువజేయుచూ 

అన్ని ముచ్చటలు తీర్చగా

కన్నవారినే మరువజేయుచూ 

అన్ని ముచ్చటలు తీర్చగా

పతి ఆదరణే సతికి మోక్షమని 

సర్వశాస్త్రములు చాటగా

పతి ఆదరణే సతికి మోక్షమని 

సర్వశాస్త్రములు చాటగా

తీర్థయాత్రలకు కైలాసాలు 

వైకుంఠాలూ యేలనో

అన్యోన్యంగా దంపతులుంటే 

భువికి స్వర్గమే దిగిరాదా

ప్రేమయాత్రలకు బృందావనము 

నందనవనము యేలనో

- పాటల ధనుస్సు  

లేచింది నిద్ర లేచింది మహిళాలోకం | Lechindi Nidra Lechindi | Song Lyrics | Gundamma Katha (1962)

లేచింది నిద్ర లేచింది మహిళాలోకం

చిత్రం : గుండమ్మ కథ (1962)

సంగీతం : ఘంటసాల,

గీతరచయిత : పింగళి నాగేంద్రరావు  

నేపధ్య గానం : ఘంటసాల,

 

పల్లవి :

లేచింది, నిద్ర లేచింది మహిళాలోకం

దద్దరిల్లింది పురుషప్రపంచం

లేచింది మహిళాలోకం

చరణం 1 :

ఎపుడో చెప్పెను వేమనగారు

అపుడే చెప్పెను బ్రహ్మంగారు

ఎపుడో చెప్పెను వేమనగారు

అపుడే చెప్పెను బ్రహ్మంగారు

ఇపుడే చెబుతా ఇనుకో బుల్లెమ్మా...

ఇపుడే చెబుతా ఇనుకో బుల్లెమ్మా

విస్సన్న చెప్పిన వేదం కూడా

లేచింది, నిద్ర లేచింది మహిళాలోకం

చరణం 2:

పల్లెటూళ్ళలో పంచాయితీలు

పట్టణాలలో ఉద్యోగాలు

పల్లెటూళ్ళలో పంచాయితీలు

పట్టణాలలో ఉద్యోగాలు

అది యిది యేమని అన్ని రంగముల...

అది యిది యేమని అన్ని రంగముల

మగధీరులనెదిరించారు

నిరుద్యోగులను పెంచారు

లేచింది, నిద్ర లేచింది మహిళాలోకం

చరణం 3:

చట్టసభలలో సీట్ల కోసం

భర్తల తోనే పోటీ చేసి

చట్టసభలలో సీట్ల కోసం

భర్తల తోనే పోటీ చేసి

డిల్లి సభలో పీఠం వేసి...

డిల్లి సభలో పీఠం వేసి

లెక్చర్ లెన్నో దంచారు

విడాకు చట్టం తెచ్చారు

లేచింది, నిద్ర లేచింది మహిళాలోకం

దద్దరిల్లింది పురుషప్రపంచం

లేచింది, నిద్ర లేచింది

నిద్ర లేచింది మహిళాలోకం

- పాటల ధనుస్సు  

అలిగిన వేళనే చూడాలి | Aligina Velane chudali | Song Lyrics | Gundamma Katha (1962)

అలిగిన వేళనే చూడాలి 

చిత్రం : గుండమ్మ కథ (1962)

సంగీతం : ఘంటసాల,

గీతరచయిత : పింగళి నాగేంద్రరావు  

నేపధ్య గానం : పి సుశీల, 

పల్లవి :

అలిగిన వేళనె చూడాలి

గోకుల కృష్ణుని అందాలు

అలిగిన వేళనె చూడాలి

రుసరుసలాడే చూపులలోనే

రుసరుసలాడే చూపులలోనే

ముసిముసి నవ్వుల చందాలు

అలిగిన వేళనె చూడాలి

చరణం 1 :

అల్లన మెల్లన నల్ల పిల్లి వలె

వెన్నను దొంగిల గజ్జెలు ఘల్లన

అల్లన మెల్లన నల్ల పిల్లి వలె

వెన్నను దొంగిల గజ్జెలు ఘల్లన

తల్లి మేలుకొని దొంగను చూసి

తల్లి మేలుకొని దొంగను చూసి

అల్లరిదేమని అడిగినందుకే

అలిగిన వేళనె చూడాలి

గోకుల కృష్ణుని అందాలు

అలిగిన వేళనె చూడాలి

చరణం 2:

మోహన మురళీ గానము వినగా

తహతహలాడుచు తరుణులు రాగా

మోహన మురళీ గానము వినగా

తహతహలాడుచు తరుణులు రాగా

దృష్టి తగులునని జడిసి యశోద

దృష్టి తగులునని జడిసి యశోద

తనను చాటుగా దాచినందుకే

అలిగిన వేళనె చూడాలి

గోకుల కృష్ణుని అందాలు

అలిగిన వేళనె చూడాలి

- పాటల ధనుస్సు