కన్నులతో పలుకరించు వలపులు | Kannulatho Palukarinchu | Song Lyrics | Pelli Kanuka (1960)

కన్నులతో పలుకరించు వలపులు

చిత్రం : పెళ్లి కానుక (1960)

సంగీతం :  ఏ.ఎం. రాజ

గీతరచయిత :  ఆచార్య ఆత్రేయ

నేపధ్య గానం :  ఏ. ఎం. రాజ, సుశీల

పల్లవి:

కన్నులతో పలుకరించు వలపులు

ఎన్నటికి మరువరాని తలపులు

కన్నులతో పలుకరించు వలపులు

ఎన్నటికి మరువరాని తలపులు

రెండు ఏకమై ఒహొ... 

ప్రేమే లోకమై అహా

నా మది పాడే పరాధీనమై... 

అలాగా

కన్నులతో పలుకరించు వలపులు

ఎన్నటికి మరువరాని తలపులు

చరణం : 1

చల్లని వేళ మల్లెల నీడ 

చక్కని దొంగ దాగెనట

చల్లని వేళ మల్లెల నీడ 

చక్కని దొంగ దాగెనట

దారులకాచి.. సమయము చూచి ..

దాచిన ప్రేమ దోచెనట

మరలా వచ్చెను... మనసే ఇచ్చెను

మరలా వచ్చెను... మనసే ఇచ్చెను

అతనే నీవైతే.. ఆమే నేనట ...

నిజంగా ....

కన్నులతో పలుకరించు వలపులు

ఎన్నటికి మరువరాని తలపులు

చరణం : 2

నల్లని మేఘం మెల్లగ రాగ ...

నాట్యము నెమలి చేసినది

నల్లని మేఘం మెల్లగ రాగ... 

నాట్యము నెమలి చేసినది

వలచినవాడు సరసకు రాగ 

ఎంతో సిగ్గు వేసినది ...

తనివితీరా తనలో తానే...

తనివితీరా తనలో తానే... 

మనసే మురిసింది పరవశమొందగా... 

ఐ సీ

కన్నులతో పలుకరించు వలపులు

ఎన్నటికి మరువరాని తలపులు

రెండు ఏకమై... ప్రేమే లోకమై ...

నా మది పాడే పరాధీనమై ...

కన్నులతో పలుకరించు వలపులు ...

ఎన్నటికి మరువరాని తలపులు.. 

- పాటల ధనుస్సు 

పులకించని మది పులకించు | Pulakinchani madi pulakinchu | Song Lyrics | Pelli Kanuka (1960)

పులకించని మది పులకించు

చిత్రం : పెళ్లి కానుక (1960)

సంగీతం : ఏ.ఎం. రాజ

గీతరచయిత : ఆచార్య ఆత్రేయ

నేపధ్య గానం : జిక్కి

పల్లవి:

పులకించని మది పులకించు... 

వినిపించని కథ వినిపించు

అనిపించని ఆశల వించు... 

మనసునే మరపించు గానం 

పులకించని మది పులకించు... 

వినిపించని కథ వినిపించు

అనిపించని ఆశల వించు... 

మనసునే మరపించు గానం 

మనసునే మరపించు..

చరణం : 1

రాగమందనురాగ మొలికి 

రక్తి నొసగును గానం

రాగమందనురాగ మొలికి 

రక్తి నొసగును గానం

రేపు రేపను తీపి కలలకు 

రూపమిచ్చును గానం

చెదరిపోయే భావములను 

చేర్చికూర్చును గానం

జీవమొసగును గానం 

మది చింతబాపును గానం

చరణం : 2

వాడిపోయిన పైరులైనా 

నీరుగని నర్తించును

వాడిపోయిన పైరులైనా 

నీరుగని నర్తించును

కూలిపోయిన తీగలైనా 

కొమ్మనలికి ప్రాకును

కన్నె మనసు ఎన్నుకున్న 

తోడు దొరికిన మదిలో

దోరవలపే కురియు... 

మదీ దోచుకొనుమని పిలుచు

పులకించని మది పులకించు 

వినిపించని కథ వినిపించు

అనిపించని ఆశల నించు 

మనసునే మరపించు

ప్రేమా... మనసునే మరపించు

- పాటల ధనుస్సు 

వాడుక మరచెద వేల | Vaduka Marachedavela | Song Lyrics | Pelli Kanuka (1960)

వాడుక మరచెద వేల

చిత్రం :  పెళ్లి కానుక (1960)

సంగీతం :  ఏ.ఎం. రాజ

గీతరచయిత :  ఆచార్య ఆత్రేయ

నేపధ్య గానం :  ఏ. ఎం. రాజ, సుశీల

పల్లవి:

వాడుక మరచెద వేల 

నను వేడుక చేసెద వేల

నిను చూడని దినము 

నాకోక యుగము

నీకు తెలుసును నిజము 

నీకు తెలుసును నిజము

వాడుక మరువను నేను 

నిను వేడుక చెయగ లేను

నిను చూడని క్షణము 

నాకొక దినము

నీకు తెలుసును నిజము 

నీకు తెలుసును నిజము

చరణం : 1

సంధ్య రంగుల చల్లని గాలుల..

మధుర రాగము మంజుల గానము

సంధ్య రంగుల చల్లని గాలుల..

మధుర రాగము మంజుల గానము

తేనె విందుల తీయని కలలు.. 

మరచి పోయిన వేళ

ఇక మనకీ మనుగడ యేల

ఈ అందము చూపి 

డెందము వూపి..

ఆశ రేపెద వేల.. 

ఆశ రేపెద వేల

ఓ... సంధ్య రంగులు సాగినా..

చల్ల గాలులు ఆగినా

కలసి మెలసిన కన్నులలోన..

మనసు చూడగ లేవా 

మరులు తోడగ లేవా

వాడుక మరువను నేను 

నిను వేడుక చెయగ లేను

నిను చూడని క్షణము 

నాకొక దినము

నీకు తెలుసును నిజము 

నీకు తెలుసును నిజము 

చరణం :  2

కన్నులా ఇవి కలల వెన్నెలా..

చిన్నె వన్నెల చిలిపి తెన్నులా

కన్నులా ఇవి కలల వెన్నెలా..

చిన్నె వన్నెల చిలిపి తెన్నులా

మనసు తెలిసి మర్మమేల...

ఇంత తొందర యేలా.. 

ఇటు పంతాలాడుట మేలా

నాకందరి కన్నా ఆశలు వున్నా...

హద్దు కాదనగలనా.. 

హద్దు కాదనగలనా

వాడని నవ్వుల తోడ.. 

నడయాడెడు పువ్వుల జాడ

అనురాగము విరిసి 

లొకము మరచి..

ఏకమౌదము కలసీ 

ఏకమౌదము కలసి 

- పాటల ధనుస్సు 

ఆడే పాడే పసివాడా | Adepade Pasivada | Song Lyrics | Pelli Kanuka (1960)

ఆడే పాడే పసివాడా

చిత్రం  :  పెళ్లి కానుక (1960)

సంగీతం  :  ఏ.ఎం. రాజ

గీతరచయిత  : చెరువు ఆంజనేయశాస్త్రి

నేపధ్య గానం  :  సుశీల

పల్లవి:

ఆడే పాడే పసివాడా...

ఆడేనోయీ నీ తోడా

ఆనందం పొంగేనోయి దీపావళి

ఇంటింట వెలుగు దీపాల మెరుగు

ఎనలేని వేడుకరా... 

ఎనలేని వేడుకరా...

చరణం : 1

చిరునవ్వు వెన్నెల్లు చిలికేటివాడా

అరుదైన చిరుముద్దు అరువీయరారా

చిరునవ్వు వెన్నెల్లు చిలికేటివాడా

అరుదైన చిరుముద్దు అరువీయరారా

నా మదిలో నీకు నెలవే కలదూ

నా మదిలో నీకు నెలవే కలదూ

బదులే నాకూ నీవీయవలదు

నీపై మేము నిలిపిన ఆశలు

నిజమైన చాలునురా... ఆ.. ఆ..

నిజమైన చాలునురా

చరణం : 2

చిన్నారి జయమంచు మ్రోగే పఠాసు

చిటపటమని పూలు చిమ్మే మతాబు

చిన్నారి జయమంచు మ్రోగే పఠాసు

చిటపటమని పూలు చిమ్మే మతాబు

నీ రూపమే ఇంటి దీపము బాబూ

నీ రూపమే ఇంటి దీపము బాబూ

మాలో పెరిగే మమతవు నీవు

మంచనిపించి మము మురిపించిన

మరివేరే కోరమురా... ఆ.. ఆ..

మరివేరే కోరమురా

ఆడే పాడే పసివాడా...

ఆడేనోయీ నీ తోడా

ఆనందం పొంగేనోయి దీపావళి

ఇంటింట వెలుగు దీపాల మెరుగు

ఎనలేని వేడుకరా... 

ఎనలేని వేడుకరా...

- పాటల ధనుస్సు