ఆడే పాడే పసివాడా | Adepade Pasivada | Song Lyrics | Pelli Kanuka (1960)

ఆడే పాడే పసివాడా

చిత్రం  :  పెళ్లి కానుక (1960)

సంగీతం  :  ఏ.ఎం. రాజ

గీతరచయిత  : చెరువు ఆంజనేయశాస్త్రి

నేపధ్య గానం  :  సుశీల

పల్లవి:

ఆడే పాడే పసివాడా...

ఆడేనోయీ నీ తోడా

ఆనందం పొంగేనోయి దీపావళి

ఇంటింట వెలుగు దీపాల మెరుగు

ఎనలేని వేడుకరా... 

ఎనలేని వేడుకరా...

చరణం : 1

చిరునవ్వు వెన్నెల్లు చిలికేటివాడా

అరుదైన చిరుముద్దు అరువీయరారా

చిరునవ్వు వెన్నెల్లు చిలికేటివాడా

అరుదైన చిరుముద్దు అరువీయరారా

నా మదిలో నీకు నెలవే కలదూ

నా మదిలో నీకు నెలవే కలదూ

బదులే నాకూ నీవీయవలదు

నీపై మేము నిలిపిన ఆశలు

నిజమైన చాలునురా... ఆ.. ఆ..

నిజమైన చాలునురా

చరణం : 2

చిన్నారి జయమంచు మ్రోగే పఠాసు

చిటపటమని పూలు చిమ్మే మతాబు

చిన్నారి జయమంచు మ్రోగే పఠాసు

చిటపటమని పూలు చిమ్మే మతాబు

నీ రూపమే ఇంటి దీపము బాబూ

నీ రూపమే ఇంటి దీపము బాబూ

మాలో పెరిగే మమతవు నీవు

మంచనిపించి మము మురిపించిన

మరివేరే కోరమురా... ఆ.. ఆ..

మరివేరే కోరమురా

ఆడే పాడే పసివాడా...

ఆడేనోయీ నీ తోడా

ఆనందం పొంగేనోయి దీపావళి

ఇంటింట వెలుగు దీపాల మెరుగు

ఎనలేని వేడుకరా... 

ఎనలేని వేడుకరా...

- పాటల ధనుస్సు 

వెన్నెల రోజు ఇది వెన్నెల రోజు | Vennela Roju | Song Lyrics | Ramayya Tandri (1975)

వెన్నెల రోజు ఇది వెన్నెల రోజు 

చిత్రం : రామయ్య తండ్రి (1975)

సంగీతం : సత్యం

గీతరచయిత : మల్లెమాల

నేపధ్య గానం : బాలు, సుశీల

పల్లవి :

వెన్నెల రోజు.. ఇది వెన్నెల రోజు

అమావాస్య నాడు వచ్చే పున్నమి రోజు

అమావాస్య నాడు వచ్చే పున్నమి రోజు

పెద్దలంత పిల్లలుగా మారే రోజు

పల్లేదో పట్టణమేదో తెలియని రోజు

దీపావళి రోజు... దీపావళి రోజు...

వెన్నెల రోజు ఇది వెన్నెల రోజు

అమావాస్య నాడు వచ్చే పున్నమి రోజు

ఇది వెన్నెల రోజు

పున్నమి రోజు ఇది వెన్నెల రోజు

చరణం 1 :

చంటిపాప నవ్వులకు పువ్వులు విరిసే రోజు

చంటిపాప నవ్వులకు పువ్వులు విరిసే రోజు

మింటనున్న తారకలు ఇంటింట వెలిగే రోజు

మింటనున్న తారకలు ఇంటింట వెలిగే

దీపావాళి రోజు... దీపావళి రోజు

వెన్నెల రోజు ఇది వెన్నెల రోజు

చరణం 2 :

జీవితం క్షణికమని చిచ్చుబుడ్డి చెబుతుంది

గువ్వల్లే బ్రతకాలని తారాజువ్వ చెబుతుంది

నిప్పుతోటి చెలగాటం ముప్పుతెచ్చి పెడుతుందని

నిప్పుతోటి చెలగాటం ముప్పుతెచ్చి పెడుతుందని

తానందుకు సాక్ష్యమని టపాకాయ చెబుతుంది

వెన్నెల రోజు ఇది వెన్నెల రోజు

అమావాస్య నాడు వచ్చే పున్నమి రోజు

అమావాస్య నాడు వచ్చే పున్నమి రోజు

దీపావళి రోజు... దీపావళి రోజు...

దీపావళి రోజు... దీపావళి రోజు...

పాటల ధనుస్సు