కొట్టేసిండు జింజర జింజర | Kottesindu Jinjara Jinjara | Song Lyrics | Magadu (1976)

కొట్టేసిండు జింజర జింజర

చిత్రం : మగాడు (1976)

సంగీతం : కె.వి. మహదేవన్

గీతరచయిత : సి.నారాయణరెడ్డి 

నేపధ్య గానం : పి.సుశీల 

పల్లవి :

కొట్టేసిండు.. జింజర.. జింజర.. 

జింజర.. జింజర

కొట్టేసిండు బంగారం లాంటి 

మనసు కొట్టేసిండు

కళ్ళు తెరచి చూసేసరికి 

కనపడకుండా చెక్కేసిండు

కొట్టేసిండు జింజర జింజర 

జింజర  జింజర కొట్టేసిండు

చరణం 1 :

ఆహహా.. ఆహహా... హహా.. ఆహహా

గాలి రెక్కలపై ఏ వేళవస్తాడో.. 

పూల రెమ్మలపై ఏ పూట నిలుస్తాడో

గాలి రెక్కలపై ఏ వేళ వస్తాడో..  

పూల రెమ్మలపై ఏ పూట నిలుస్తాడో

వాడు తుమ్మెదలంటాడు..  

ఆ తుంటరిదంటాడు

తుమ్మెదలంటాడు 

ఆ తుంటరిదంటాడు

ఒక రేకైన నలగకుండా 

దోచుకుపోయిండు.. 

తేనెలు దోచుకుపోయిండు

కొట్టేసిండు జింజర జింజర 

జింజర జింజర

కొట్టేసిండు బంగారం లాంటి 

మనసు.. కొట్టేసిండు....  కొట్టేసిండు

చరణం 2 :

ఆహహా.. ఆహహా... హహా.. ఆహహా... ఆ... 

వాని చూపుల్లో కైపారు మెరిసింది..   

వాని అడుగుల్లో సెలయేరు నిలిచింది

వాని చూపుల్లో కైపారు మెరిసింది..   

వాని అడుగుల్లో సెలయేరు నిలిచింది 

వాడు పగటి సందురూడు...  

నిశి రాతిరి సూర్యుడు 

పగటి సందురూడు...  

నిశి రాతిరి సూర్యుడు

కదిలేటి వెన్నెల్లో సెగలు రేపుతాడు . . 

భల్ సెగలు రేపుతాడు

కొట్టేసిండు జింజర జింజర 

జింజర జింజర

కొట్టేసిండు బంగారం లాంటి 

మనసు కొట్టేసిండు

కళ్ళు తెరచి చూసేసరికి 

కనపడకుండా చెక్కేసిండు

కొట్టేసిండు జింజర జింజర 

జింజర జింజర కొట్టేసిండు

జింజర జింజర జింజర జింజర

- పాటల ధనుస్సు 

ఈ రేయి కవ్వించింది | Eereyi Kavvinchindi | Song Lyrics | Manchivadu (1974)

ఈ రేయి కవ్వించింది

చిత్రం :  మంచివాడు (1974)

సంగీతం :  కె.వి. మహదేవన్

గీతరచయిత :  దాశరథి

నేపధ్య గానం : ఘంటసాల, సుశీల

పల్లవి:

ఈ రేయి కవ్వించింది.. 

నా మేను పులకించింది

ఈ రేయి కవ్వించింది.. 

నా మేను పులకించింది

రా.. నీలో దాచుకో.. 

నా పరువాలే పంచుకో

రా.. నీలో దాచుకో.. 

నా పరువాలే పంచుకో

చరణం 1:

చిలిపి మనసు నా మాట వినదు.. 

దోరవయసు ఇక ఊరుకోదు

చిలిపి మనసు నా మాట వినదు.. 

దోరవయసు ఇక ఊరుకోదు

మనసు మాటే విందాములే..

మనసు మాటే విందాములే.. 

వయసు ఆటే ఆడేములే

రా.. లోకం మరచిపో.. 

లే ముద్దులలో మురిసిపో

రా..రా లోకం మరచిపో.. 

లే ముద్దులలో మురిసిపో

చరణం 2:

నిండు వలపుల నీ కౌగిలింత.. 

ఉండిపోని జీవితమంతా

నిండు వలపుల నీ కౌగిలింత.. 

ఉండిపోని జీవితమంతా

కెంపు సొంపుల చెంపలు నావే..

కెంపు సొంపుల చెంపలు నావే... 

మధువులూరే అధరాలు నావే

రా.. నాలో నిండిపో.. 

నా అశలనే పంచుకో

రా.. నాలో నిండిపో.. 

నా అశలనే పంచుకో

చరణం 3:

పాలవెన్నెల కురిసేటి వేళ... 

మల్లె పానుపు పిలిచేటి వేళ

పాలవెన్నెల కురిసేటి వేళ... 

మల్లె పానుపు పిలిచేటి వేళ

తనువులొకటై పెనవేసుకోనీ..

తనువులొకటై పెనవేసుకోనీ... 

కన్నులొకటై కథల్లుకోనీ

రా ఎదపై వాలిపో.. 

నా ఒడిలోనే సోలిపో

ఉం... రా ఎదపై వాలిపో.. 

నా ఒడిలోనే సోలిపో

ఈ రేయి కవ్వించింది.. 

నా మేను పులకించింది...

అహహ.. అహా.. ఆ.. ఆ..

అహహ.. అహా.. ఆ.. ఆ..

ఉముముహు.. ఉముముహు.. 

ఉ.. ఉ..

ఉముముహు.. ఉముముహు.. 

ఉ.. ఉ..  

- పాటల ధనుస్సు 

జగదభిరామా రఘుకులసోమా | Jagadabhirama Raghukula Soma | Song Lyrics | Ramayalam (1971)

జగదభిరామా రఘుకులసోమా

చిత్రం : రామాలయం (1971)

సంగీతం : ఘంటసాల

గీతరచయిత :  దాశరథి

నేపధ్య గానం : ఘంటసాల 

పల్లవి :

జగదభిరామా రఘుకులసోమా

శరణమునీయవయా....రామా

కరుణను జూపవయా....

జగదభిరామా రఘుకులసోమా

శరణమునీయవయా....రామా

కరుణను జూపవయా....

చరణం 1 :

కౌశికుయాగము కాచితివయ్యా.. 

రాతిని నాతిగ చేసితివయ్యా

కౌశికుయాగము కాచితివయ్యా.. 

రాతిని నాతిగ చేసితివయ్యా

హరివిల్లు విరిచి మురిపించి సీతను.. 

పరిణయమాడిన కళ్యాణరామా

శరణమునీయవయా....రామా... 

కరుణను జూపవయా....

చరణం 2 :

ఒకటే బాణం ఒకటే మాట.. 

ఒకటే సతియని చాటితివయ్యా

ఒకటే బాణం ఒకటే మాట.. 

ఒకటే సతియని చాటితివయ్యా 

కుజనులనణచి సుజనుల బ్రోచిన...

ఆ....ఆ...

కుజనులనణచి సుజనుల బ్రోచిన.... 

ఆదర్శమూర్తివి నీవయ్యా

శరణమునీయవయా....రామా.. 

కరుణను జూపవయ

జగదభిరామా రఘుకులసోమా.. 

శరణమునీయవయా....రామా 

కరుణను జూపవయా....

జయ జయరాం జానకిరాం.. 

జయ జయరాం జానకిరాం

పావననాం మేఘశ్యాం.. 

జయ జయరాం జానకిరాం

 జయ జయరాం జానకిరాం.. 

జయ జయరాం జానకిరాం

జయ జయరాం జానకిరాం.. 

జయ జయరాం జానకిరాం

- పాటల ధనుస్సు 

ఆకలుండదు దాహముండదు | Akalundadu Dahamundadu | Song Lyrics | Manchivadu (1973)

ఆకలుండదు దాహముండదు

చిత్రం :  మంచివాడు (1973)

సంగీతం :  కె.వి. మహదేవన్

గీతరచయిత :  ఆచార్య ఆత్రేయ

నేపధ్య గానం : ఘంటసాల, సుశీల

పల్లవి:

ఆకలుండదు దాహముండదు 

నిన్ను చూస్తుంటే

వేరే ఆశ వుండదు ధ్యాస వుండదు 

నువ్వు తోడుంటే

ఆకలుండదు దాహముండదు 

నిన్ను చూస్తుంటె

వేరే ఆశ వుండదు ధ్యాస వుండదు 

నువ్వు తోడుంటె

ఆకలుండదు దాహముండదు 

నిన్ను చూస్తుంటె....

చరణం 1:

మల్లెలుండవు వెన్నెలుండవు 

నీ నవ్వే లేకుంటే

మనసు వుండదు మమత వుండదు 

నీ మనిషిని కాకుంటే

మల్లెలుండవు వెన్నెలుండవు 

నీ నవ్వే లేకుంటే

మనసు వుండదు మమత వుండదు 

నీ మనిషిని కాకుంటే

వయసుతో ఈ పోరువుండదు 

నీ వలపే లేకుంటే...

వలపు ఇంత వెచ్చగుండదు 

నీ ఒడిలో కాకుంటే..

ఆకలుండదు దాహముండదు 

నిన్ను చూస్తుంటే

చరణం 2:

పొద్దు గడిచేపోతుంది 

నీ నడక చూస్తుంటే

ఆ నడక తడబడిపోతుంది 

నీ చూపు పడుతుంటే...

పొద్దు గడిచేపోతుంది 

నీ నడక చూస్తుంటే

ఆ నడక తడబడిపోతుంది 

నీ చూపు పడుతుంటే...

ఆకు మడుపులు అందిస్తూ 

నువ్వు వగలుపోతుంటే...

ఎంత ఎరుపో.. అంత వలపని 

నేనాశపడుతుంటే...

ఆకలుండదు దాహముండదు 

నిన్ను చూస్తుంటే

చరణం 3:

తేనెకన్న తీపికలదని 

నీ పెదవే తెలిపింది

దానికన్న తీయనైనది 

నీ ఎదలో దాగుంది..

తేనెకన్న తీపికలదని 

నీ పెదవే తెలిపింది

దానికన్న తీయనైనది 

నీ ఎదలో దాగుంది

మొదటిరేయికి తుదేలేదని 

నీ బుగ్గే కొసరింది

పొద్దు చాలని ముద్దులన్నీ 

నీ వద్దే దాచింది...

ఆ ముద్రే మిగిలింది..

ఆకలుండదు దాహముండదు 

నిన్ను చూస్తుంటే

వేరే ఆశ వుండదు ధ్యాస వుండదు 

నువ్వు తోడుంటే

ఆకలుండదు దాహముండదు 

నిన్ను చూస్తుంటే

- పాటల ధనుస్సు 

అమ్మాయే పుడుతుంది | Ammaye Puduthundi | Song Lyrics | Manchivadu (1974)

అమ్మాయే పుడుతుంది 

చిత్రం :  మంచివాడు (1974)

సంగీతం :  కె.వి. మహదేవన్

గీతరచయిత :  ఆచార్య ఆత్రేయ

నేపధ్య గానం :  ఘంటసాల, సుశీల

పల్లవి:

అమ్మాయే పుడుతుంది..  

అచ్చం అమ్మలాగే ఉంటుంది

అమ్మాయే పుడుతుంది..  

అచ్చం అమ్మలాగే ఉంటుంది

అబ్బాయే పుడతాడు..  

అచ్చం నాన్నలాగే ఉంటాడు

అబ్బాయే పుడతాడు..  

అచ్చం నాన్నలాగే ఉంటాడు

చరణం 1:

కోటేరులాంటి ముక్కు 

కోలకళ్ళు..

లేత కొబ్బరంటి చెక్కిళ్ళు ..

చిలిపి నవ్వులు

కోటేరులాంటి ముక్కు... 

కోలకళ్ళు..

లేత కొబ్బరంటి చెక్కిళ్ళు ..

చిలిపి నవ్వులు

ఆ నవ్వుల్లో వస్తాయి 

చిన్ని నొక్కులు..

ఆ నవ్వుల్లో వస్తాయి 

చిన్ని నొక్కులు

..ఆ నొక్కులే తెస్తాయి 

మనకెన్నో సిరులు

అబ్బాయే పుడతాడు..  

అచ్చం నాన్నలాగే ఉంటాడు

అమ్మాయే పుడుతుంది..  

అచ్చం అమ్మలాగే ఉంటుంది

చరణం 2:

దోబూచులాడు కళ్ళు.. 

దొంగ చూపులు...

తియ్యతియ్యని మాటలు... ...

తెలివితేటలు...

దోబూచులాడు కళ్ళు.. 

దొంగ చూపులు...

తియ్యతియ్యని మాటలు... ...

తెలివితేటలు..

ఆ మాటలకే పడతారు 

కన్నె పిల్లలు.. 

ఆ మాటలకే పడతారు 

కన్నె పిల్లలు..

ఈ ఆత్తగారికప్పుడు 

ఎందరమ్మా కోడళ్ళు..

అమ్మాయే పుడుతుంది..  

అచ్చం అమ్మలాగే ఉంటుంది

అబ్బాయే పుడతాడు..  

అచ్చం నాన్నలాగే ఉంటాడు

చరణం 3:

నీలాంటి ఆడపిల్ల కావాలి నాకు...

ఊహు.. మీలాంటి పిల్లాడ్నే 

కంటాను నేను

అహా.. నీలాంటి ఆడపిల్ల 

కావాలి నాకు...

ఊహు.. మీలాంటి పిల్లాడ్నే 

కంటాను నేను..

ఇద్దర్ని కంటె వద్దన్నదెవరు? 

ఆ ఇద్దరు అబ్బాయిలైతేనో?

హ హా..హా..

అమ్మాయే పుడుతుంది..  

అచ్చం అమ్మలాగే ఉంటుంది

అబ్బాయే పుడతాడు..  

అచ్చం నాన్నలాగే ఉంటాడు

అహా...  అమ్మలాగే ఉంటుంది

ఊహు... నాన్నలాగే ఉంటాడు

- పాటల ధనుస్సు 

అన్నయ్య కలలే పండెను | Annayya Kalale Pandenu | Song Lyrics | Atmeeyulu (1969)

అన్నయ్య కలలే పండెను

చిత్రం: ఆత్మీయులు (1969)

సంగీతం: ఎస్. రాజేశ్వరరావు

గీతరచయిత: సి.నారాయణరెడ్డి 

నేపధ్య గానం: ఘంటసాల, సుశీల

పల్లవి:

అన్నయ్య కలలే పండెను 

చెల్లాయి మనసే నిండెను

బంగారు కాంతులేవో నేడే 

తొంగి చూసెను..

అన్నయ్య కలలే పండెను 

చెల్లాయి మనసే నిండెను

చరణం 1:

తోడునీడ నీవై లాలించే అన్నయ్యా..

తోడునీడ నీవై లాలించే అన్నయ్యా..

తల్లితండ్రి నీవై పాలించే అన్నయ్యా..

నీకన్న వేరే పెన్నిధి లేనే లేదు..

నా పూర్వ పుణ్యాల రూపమే నీవు

అన్నయ్య కలలే పండెను.. 

చెల్లాయి మనసే నిండెను

చరణం 2:

రతనాల సుగుణాల రాణివి నీవే

అన్నయ్య నయనాల ఆశవు నీవే

రతనాల సుగుణాల రాణివి నీవే

అన్నయ్య నయనాల ఆశవు నీవే

నీవు మెట్టిన ఇల్లు నిత్యము విలసిల్లు

నీ నవ్వు సిరులొల్కు ముత్యాలజల్ల

అన్నయ్య కలలే పండెను.. 

చెల్లాయి మనసే నిండెను

బంగారు కాంతులేవో నేడే 

తొంగి చూసెను.. 

అన్నయ్య కలలే పండెను.. 

చెల్లాయి మనసే నిండెను 

చరణం 3:

మా అన్నయ్య మనసె 

సిరిమల్లె పువ్వేను

మా అన్నయ్య మనసె 

సిరిమల్లె పువ్వేను

చెల్లి కంట తడివుంటే 

తల్లడిల్లెను 

నీ పూజలే నన్ను నడిపించు తల్లి

శతకోటి విజయాలు సాధించు చెల్లి

అన్నయ్య కలలే పండెను.. 

చెల్లాయి మనసే నిండెను

బంగారు కాంతులేవో నేడే 

తొంగి చూసెను..

అన్నయ్య కలలే పండెను.. 

చెల్లాయి మనసే నిండెను

- పాటల ధనుస్సు 

అమ్మబాబో నమ్మరాదు | Ammababoy Nammaradu | Song Lyrics | Atmeeyulu (1969)

అమ్మబాబో నమ్మరాదు

చిత్రం: ఆత్మీయులు (1969)

సంగీతం: ఎస్. రాజేశ్వరరావు

గీతరచయిత: కొసరాజు

నేపధ్య గానం: ఘంటసాల, సుశీల

పల్లవి:

అమ్మబాబో నమ్మరాదు 

ఈ రాలుగాయి అబ్బాయిల 

నమ్మరాదు

అమ్మబాబో నమ్మరాదు 

ఈ రాలుగాయి అబ్బాయిల 

నమ్మరాదు

ప్రేమించామంటారు 

పెద్దగ చెబుతుంటారు

పెళ్ళి మాట ఎత్తగానే 

చల్లగ దిగజారతారు

అమ్మబాబో నమ్మరాదు 

ఈ వగలమారి అమ్మాయిల 

నమ్మరాదు

డబ్బులున్న కుర్రవాళ్ళ 

టక్కున పట్టేస్తారు

లవ్ మ్యారేజీలంటూ 

లగ్నం పెట్టేస్తారు

అమ్మబాబో నమ్మరాదు 

ఈ వగలమారి అమ్మాయిల 

నమ్మరాదు

కట్నాలు పెరుగునని 

కాలేజీకెళతారు

కట్నాలు పెరుగునని 

కాలేజీకెళతారు

హాజరు పట్టి వేసి 

గైరు హాజరవుతారు

మార్కుల కోసం తండ్రుల 

తీర్ధయాత్ర తిప్పుతారు

ఇంజనీర్లు డాక్టర్లయి 

ఇక చూస్కోమంటారు

అమ్మబాబో నమ్మరాదు 

ఈ రాలుగాయి అబ్బాయిల 

నమ్మరాదు

చరణం 1:

వరండాలోన చేరి 

వాల్చూపులు విసురుతారు

వరండాలోన చేరి 

వాల్చూపులు విసురుతారు

సినిమాలు షికార్లంటూ 

స్నేహం పెంచేస్తారు

తళుకు బెళుకు కులుకులతో 

పైట చెంగు రాపులతో

చిటికెలోన అబ్బాయిల 

చెంగున ముడివేస్తారు

అమ్మబాబో నమ్మరాదు 

ఈ వగలమారి అమ్మాయిల 

నమ్మరాదు

చరణం 2:

ఆస్తి వున్న పిల్లయితే 

అందం జోలికి పోరు

కుంటిదైన కురూపైన 

పెళ్ళికి యస్సంటారు

పెళ్ళి అయిన మర్నాడే 

శ్రీవారిని చేతబట్టి

బయటికి అత్తామామల 

దయచేయండంటారూ

అమ్మబాబో నమ్మరాదు 

ఈ వగలమారి అమ్మాయిల 

నమ్మరాదు

చరణం 3:

దిమ్మతిరిగి ఏమిటలా 

తెల్లమొగం వేస్తావు

వలపు దాచుకొని ఎందుకు 

మాటలు దులిపేస్తావు

మనసు మనసు తెలుసుకుందాము

ఇకనైన జల్సాగా కలిసి వుందాము...

మనసు మనసు తెలుసుకుందాము

ఇకనైన జల్సాగా కలిసి వుందాము...

మనసు మనసు తెలుసుకుందాము

ఇకనైన జల్సాగా కలిసి వుందాము...

- పాటల ధనుస్సు 

ఈ రోజుల్లో పడుచువారు | Eerojullo Paduchuvaru | Song Lyrics | Atmeeyulu (1969)

ఈ రోజుల్లో పడుచువారు

చిత్రం: ఆత్మీయులు (1969)

సంగీతం: ఎస్. రాజేశ్వరరావు

గీతరచయిత: సి.నారాయణరెడ్డి 

నేపధ్య గానం: ఘంటసాల, సుశీల

పల్లవి:

ఈ రోజుల్లో పడుచువారు గడుసువారు

వీలైతే హుషారు కాకుంటే కంగారు

ఈ రోజుల్లో పడుచువారు గడుసువారు

వీలైతే హుషారు కాకుంటే కంగారు

ఈరోజుల్లో.. ఓ ఓ ఓ .....

చరణం 1:

తాజా తాజా మోజుల కోసం 

తహతహలాడుతు ఉంటారు

తాజా తాజా మోజుల కోసం 

తహతహలాడుతు ఉంటారు

పొట్టి షర్ట్లతో టైటు ప్యాంట్లతో 

లొట్టి పిట్టలవుతుంటారు

మెప్పులు కోసం.. అప్పులు చేసి

మెప్పులు కోసం అప్పులు చేసి 

తిప్పలపాలవుతుంతారు

ఈరోజుల్లో.. ఓ ఓ ఓ .....

చరణం 2:

రోడ్డు సైడున రోమియోలలా 

రోజంతా బీటేస్తారు

రోడ్డు సైడున రోమియోలలా 

రోజంతా బీటేస్తారు

సొగసరి చిన్నది కంటపడిందా 

చూపులతో మింగేస్తారు

ఆ చిన్న కాస్తా.. చెయ్యి విసిరితే

ఆ చిన్నది కాస్త చెయ్యి విసిరితే 

చెప్పకుండా చెక్కేస్తారు

ఈ రోజుల్లో పడుచువారు గడుసువారు

వీలైతే హుషారు కాకుంటే కంగారు

ఈరోజుల్లో.. ఓ ఓ ఓ .....

చరణం 3:

పాఠాలకు ఎగనామం పెట్టి 

మ్యాటిని షోలకు తయ్యారు

పాఠాలకు ఎగనామం పెట్టి 

మ్యాటిని షోలకు తయ్యారు

పార్టీలంటూ పికినికులంటూ 

పుణ్యకాలము గడిపేరు

పరీక్ష రోజులు.. ముంచుకురాగా

పరీక్ష రోజులు ముంచుకురాగా 

తిరుపతి ముడుపులు కడతారు

ఈరోజుల్లో ... 

పడుచువారు గడుసువారు

సహనంలో కిసానులు 

సమరంలో జవానులు

ఈరోజుల్లో.. ఓ ఓ ....

ఆడపిల్లలను గౌరవించితే 

ఆత్మ గౌరవం పెరిగేను

సమరసభావం కలిగిన నాడే 

చదువుల విలువలు పెరిగేను

దేశానికి వెన్నెముకలు మీరు 

దివాళ కోరులు కావద్దు

భవితవ్యానికి బాటలు వేసే 

భారం మనదని మరవద్దు

ఆ భారం మనదని మరవద్దు... 

మనదని మరవొద్దు

- పాటల ధనుస్సు 

నీలకంధరా దేవా దీన బాంధవా రారా | Neelakandhara Deva | Song Lyrics | BhuKailash (1958)

నీలకంధరా దేవా దీన బాంధవా రారా 

చిత్రం:  భూకైలాస్ (1958)

సంగీతం:  ఆర్. సుదర్శన్

గీతరచయిత:  సముద్రాల (సీనియర్)

నేపధ్య గానం:  ఘంటసాల

పల్లవి:

జయ జయ మహాదేవా...

శంభో... సదాశివా...

ఆశ్రిత మందారా...

శృతి శిఖర సంచారా...

నీలకంధరా దేవా... 

దీన బాంధవా రారా... 

నన్ను గావరా...

నీలకంధరా దేవా... 

దీన బాంధవా రారా... 

నన్ను గావరా

సత్య సుందరా స్వామీ... 

నిత్య నిర్మలా పాహీ...

సత్య సుందరా స్వామీ... 

నిత్య నిర్మలా పాహీ...

నీలకంధరా దేవా... 

దీనబాంధవా రారా... 

నన్ను గావరా...

చరణం 1:

అన్య దైవమూ గొలువా... ఆ... ఆ...

అన్య దైవమూ గొలువా... 

నీదు పాదమూ విడువా..

అన్య దైవమూ గొలువా... 

నీదు పాదమూ విడువా

దర్శనమ్ము నీరా... 

మంగళాంగా గంగాధరా..

దర్శనమ్ము నీరా... 

మంగళాంగా గంగాధరా

నీలకంధరా దేవా... 

దీన బాంధవా రారా... 

నన్ను గావరా...

చరణం 2:

దేహి అన వరములిడు 

దాన గుణసీమా...

పాహి అన్నను ముక్తినిడు 

పరంధామ....

నీమమున నీ దివ్య 

నామ సంస్మరణ...

ఏమరక చేయదును 

భవ తాపహరణ....

నీ దయామయ దృష్టి 

దురితమ్ము లారా...

వరసుధా వృష్టినా 

వాంఛలీడేరా...

కరుణించు పరమేశ 

దరహాస భాసా...

హర హర మహాదేవ... 

కైలాస వాసా... కైలాస వాసా...

చరణం 3:

ఫాలలోచన నాదు మొరవిని 

జాలిని పూనవయా...

నాగభూషణ నన్ను కావగ 

జాగును సేయకయా...

ఫాలలోచన నాదు మొరవిని 

జాలిని పూనవయా...

నాగభూషణ నన్ను కావగ 

జాగును సేయకయా...

కన్నుల విందుగ భక్తవత్సల 

కానగరావయ్యా...

కన్నుల విందుగ భక్తవత్సల 

కానగరావయ్యా...

ప్రేమ మీరా నీదు భక్తుని 

మాటను నిల్పవయా...

ప్రేమ మీరా నీదు భక్తుని 

మాటను నిల్పవయా

ఫాలలోచన నాదు మొరవిని 

జాలిని పూనవయా...

నాగభూషణ నన్ను కావగ 

జాగును సేయకయా...

శంకరా శివ శంకరా 

అభయంకరా విజయంకరా...

శంకరా శివ శంకరా 

అభయంకరా విజయంకరా...

శంకరా శివ శంకరా 

అభయంకరా విజయంకరా...

- పాటల ధనుస్సు 

దేవదేవ ధవళాచల మందిర | Devadeva Dhavalachala Mandira | Song Lyrics | BhuKailash (1958)

దేవదేవ ధవళాచల మందిర

చిత్రం :  భూకైలాస్ (1958)

సంగీతం :  ఆర్. సుదర్శన్

గీతరచయిత : సముద్రాల (సీనియర్)

నేపధ్య గానం :  ఘంటసాల

పల్లవి:

దేవదేవ ధవళాచల మందిర 

గంగాధర హర నమోనమో

దైవతలోక సుధాంబుధి హిమకర 

లోకశుభంకర నమోనమో

దేవదేవ ధవళాచల మందిర 

గంగాధర హర నమోనమో

దైవతలోక సుధాంబుధి హిమకర 

లోకశుభంకర నమోనమో

చరణం 1:

పాలిత కింకర భవనాశంకర 

శంకర పురహర నమోనమో

పాలిత కింకర భవనాశంకర 

శంకర పురహర నమోనమో

హాలాహలధర శూలాయుధకర 

శైల సుతావర నమోనమో

హాలాహలధర శూలాయుధకర 

శైల సుతావర నమోనమో

దేవదేవ ధవళాచల మందిర 

గంగాధర హర నమోనమో

దైవతలోక సుధాంబుధి హిమకర 

లోకశుభంకర నమోనమో

చరణం 2:

దురిత విమోచనా.. ఆ ఆ ఆ....

దురిత విమోచన ఫాలవిలోచన 

పరమ దయాకర నమోనమో

కరిచర్మాంబర చంద్రకళాధర 

సాంబ దిగంబర నమోనమో

కరిచర్మాంబర చంద్రకళాధర 

సాంబ దిగంబర నమోనమో 

దేవదేవ ధవళాచల మందిర 

గంగాధర హర నమోనమో

దైవతలోక సుధాంబుధి హిమకర 

లోకశుభంకర నమోనమో

చరణం 3:

నమోనమో నమోనమో... 

నమోనమో నమోనమో

నమోనమో నమోనమో... 

నమోనమో నమోనమో

నమోనమో నమోనమో... 

నమోనమో నమోనమో

నారాయణ హరి నమోనమో... 

నారాయణ హరి నమోనమో

నారాయణ హరి నమోనమో... 

నారాయణ హరి నమోనమో

నారద హృదయ విహారీ నమోనమో...

నారద హృదయ విహారీ నమోనమో...

నారాయణ హరి నమోనమో...

నారాయణ హరి నమోనమో...

పంకజ నయన పన్నగ శయన .. ఆ ఆ ఆ...

పంకజ నయన పన్నగ శయన

పంకజ నయన పన్నగ శయన

శంకర వినుత నమో నమో...

శంకర వినుత నమో నమో...

నారాయణ హరి నమోనమో

నారాయణ హరి నమోనమో

నారాయణ హరి.. నారాయణ హరి... 

నమో నమో

- పాటల ధనుస్సు