ఏనాడు విడిపోని ముడి వేసెనే | Yenadu Vidiponi | Song Lyrics | Sri Kanakamahalakshmi Recording Dance Troop (1988)

ఏనాడు విడిపోని ముడి వేసెనే

చిత్రం : శ్రీకనక మహాలక్ష్మి రికార్డింగ్ డాన్స్ ట్రూప్ (1988)

రచన :  వేటూరి సుందరరామమూర్తి  

సంగీతం : ఇళయరాజా  

గానం : ఎస్ పి బాలు, ఎస్ జానకి 

పల్లవి :

ఏనాడు విడిపోని ముడి వేసెనే

నీ చెలిమి తోడు ఈ పసుపు తాడు

నీ చెలిమి తోడు ఈ పసుపు తాడు

ఈ మధుర యామినిని

ఏ జన్మ స్వప్నాల అనురాగమో

ఏ జన్మ స్వప్నాల అనురాగమో

పూసినది నేడు ఈ పసుపు తాడు

పూసినది నేడు ఈ పసుపు తాడు

ఈ సుచల ఆమనిని

ఏనాడు విడిపోని ముడి వేసెనే

ఏనాడు విడిపోని ముడి వేసెనే

చరణం 1:

మోహాన పారాడు వేలి కొనలో

నీ మేను కాదా చైత్ర వీణ

వేవేల స్వప్నాల వేడుకలలో

నీ చూపు కాదా పూల వాన

రాగసుధ పారే అలల శృతిలో

స్వాగతము పాడే ప్రణయము

కలకాలము కలగానమై

నిలవాలి మన కోసము ఈ మమత

ఏనాడు విడిపోని ముడి వేసెనే

ఏనాడు విడిపోని ముడి వేసెనే

చరణం 2: 

నీ మోవి మౌనాన మదన రాగం

మోహాన సాగే మదుప గానం

ఏ మోవి పూసింది చైత్ర మోదం

చిగురాకు తీసే వేణు నాదం

పాపలుగ వెలిసే పసిడి కలకు

ఊయలను వేసే క్షణమిదే

రేపన్నది ఈ పూటనే

చేరింది మన జంటకు ముచ్చటగ

ఏనాడు విడిపోని ముడి వేసెనే

ఏనాడు విడిపోని ముడి వేసెనే

నీ చెలిమి తోడు ఈ పసుపు తాడు

పూసినది నేడు ఈ పసుపు తాడు

ఈ మధుర యామినిని

ఏనాడు విడిపోని ముడి వేసెనే

ఏనాడు విడిపోని ముడి వేసెనే

- పాటల ధనుస్సు