స్వరములు ఏడైనా రాగాలెన్నో | Swaramulu Yedaina Ragalenno | Song Lyrics | Toorpu Padamara (1976)

స్వరములు ఏడైనా రాగాలెన్నో

చిత్రం: తూర్పు పడమర (1976)

సంగీతం: రమేశ్ నాయుడు

గీతరచయిత: సి.నారాయణరెడ్డి 

నేపధ్య గానం: పి.సుశీల 

పల్లవి:

స్వరములు ఏడైనా..  

రాగాలెన్నో

హృదయం ఒక్కటైనా... 

భావాలెన్నో

అడుగులు రెండైనా 

నాట్యాలెన్నో

అక్షరాలు కొన్నైనా 

కావ్యాలు ఎన్నెన్నో

చరణం 1:

జననంలోన కలదు వేదన ..

మరణంలోనూ కలదు వేదనా

జననంలోన కలదు వేదన ..

మరణంలోనూ కలదు వేదనా

ఆ వేదనలోన ఉదయించే 

నవవేదాలెన్నో నాదాలెన్నెన్నో .. 

నాదాలెన్నెన్నో

చరణం 2:

నేటికి రేపొక తీరని ప్రశ్న ..

రేపటికి మరునాడొక ప్రశ్న

కాలమనే గాలానికి చిక్కీ ఆ ..ఆ

కాలమనే గాలానికి చిక్కి 

తేలని ప్రశ్నలు ఎన్నెన్నో.. 

ఎన్నెన్నో

చరణం 3:

కనులున్నందుకు 

కలలు తప్పవు .. 

కలలున్నపుడు 

పీడకలలు తప్పవు

కనులున్నందుకు 

కలలు తప్పవు .. 

కలలున్నపుడు 

పీడకలలు తప్పవు

కలల వెలుగులో కన్నీరొలికే ..

కలల వెలుగులో కన్నీరొలికే 

కలత నీడలు ఎన్నెన్నో 

- పాటల ధనుస్సు