సకల శుభదాయని శ్రీ మహాలక్ష్మి దేవి
శ్రీ మహాలక్ష్మి స్తుతి గీతం
రచన : రామకృష్ణ దువ్వు
పల్లవి:
సకల శుభదాయని శ్రీ మహాలక్ష్మి దేవి
పద్మాసని చిద్విలాసిని కల్పవల్లి మాత
మా ఇంట వెలసిన సౌభాగ్య ప్రదాయిని
నిత్య పూజలంది ప్రీతినొంది కొలువుదీరి
కోరకయేకూర్చు అష్ట ఐశ్వర్యాలు తల్లీ …
అభయంకరీ జయ జయ మహా లక్ష్మీ …
చరణం 1:
అమ్మల గన్న యమ్మ మాయమ్మ శ్రీ లక్ష్మీ
భక్తుల పాలిటి కల్పతరువు నీవమ్మ
ధనధాన్య వృద్ధి సిరిసంపదల తల్లి
మహా విష్ణు వక్ష స్థలిని విడువలేకున్న
అయ్యతోనే మాయింట కొలువుతీరమ్మా
అభయంకరీ జయ జయ మహా లక్ష్మీ …
చరణం 2:
క్షీరసాగర పుత్రి గజవాహిని ఇందిరా
కమలనేత్రి చంద్ర సహోదరి వైష్ణవీ
పశుపు కుంకుమల సౌభాగ్య ప్రదాయనీ
కొనచూపుతోనే కనకంబు కురిపించు
వైకుంఠ వాసిని కారుణ్య స్వరూపిణి
అభయంకరీ జయ జయ మహా లక్ష్మీ …
- RKSS Creations...
