వెన్నెలైనా చీకటైనా | Vennelaina Cheekataina | Song Lyrics | Pachani Kapuram (1985)

 వెన్నెలైనా చీకటైనా

చిత్రం:  పచ్చని కాపురం (1985)

సంగీతం:  చక్రవర్తి

గీతరచయిత:  సినారె

నేపధ్య గానం:  ఏసుదాస్, జానకి

పల్లవి:

    ఆ..ఆ..ఆ..

    వెన్నెలైనా.. చీకటైనా.. చేరువైనా.. దూరమైనా

    నీతోనే జీవితము.. నీ ప్రేమే శాశ్వతము

    ఏ జన్మదో ఈ బంధము.. ఏ జన్మదో ఈ బంధము

    నింగి నేల సాక్ష్యాలు.. నింగి నేల సాక్ష్యాలు

    ప్రేమకు మనమే తీరాలు

    వెన్నెలైనా.. చీకటైనా.. చేరువైనా.. దూరమైనా

    నీతోనే జీవితము.. నీ ప్రేమే శాశ్వతము

చరణం 1:

    జ్ఞాపకమేదో.. నీడల్లె తారాడే.. 

స్వప్నాలేవో.. నీ కళ్ళ దోగాడే

    కౌగిలింతలోన గాలి ఆడకూడదు.. 

చుక్కలైన నిన్ను నన్ను చూడకూడదు

    నీ సర్వమూ.. నాదైనదీ..

    నేను దేహమల్లె.. నీవు ప్రాణమల్లె 

ఏకమైన రాసలీలలోనా..

    వెన్నెలైనా.. చీకటైనా.. 

చేరువైనా.. దూరమైనా

చరణం 2:

    అంతంలేనీ.. నీ రాగ బంధంలో.. 

అంచున నిలిచీ.. నీ వైపే చూస్తున్నా

    పున్నమింత కట్టుకున్న పూలడోలలు.. 

ఎన్నడింక చెప్పవమ్మ బాలసారలు

    ఆ ముద్దులే.. మూడైనవీ..

    బాలచంద్రుడొస్తే.. నూలుపోగులిస్తా.. 

ఇంటి దీపమయ్యేదింకా ప్రేమా

    వెన్నెలైనా.. చీకటైనా.. చేరువైనా.. దూరమైనా

    నీతోనే జీవితము.. నీ ప్రేమే శాశ్వతము

    ఏ జన్మదో ఈ బంధము.. ఏ జన్మదో ఈ బంధము

    నింగి నేల సాక్ష్యాలు.. నింగి నేల సాక్ష్యాలు

    ప్రేమకు మనమే తీరాలు..

- పాటల ధనుస్సు