అల్లారు ముద్దుగా పెరిగింది మాలక్ష్మి | Allarumudduga Perigindi | Song Lyrics | Joodagadu (1979)

అల్లారు ముద్దుగా పెరిగింది మాలక్ష్మి

చిత్రం: జూదగాడు (1979)

సంగీతం: చక్రవర్తి

గీతరచయిత: ఆచార్య ఆత్రేయ

నేపధ్య గానం: బాలు, సుశీల

పల్లవి:

అల్లారు ముద్దుగా పెరిగింది మాలక్ష్మి

అల్లారు ముద్దుగా పెరిగింది మాలక్ష్మి

అత్తవారింటికి తరలింది

మా చెల్లి బంగారు తల్లీ ...

మా అక్కా చక్కనీ చుక్కా ...

పోయిరావమ్మా... పేరు తేవమ్మా... 

బంగారు తల్లీ

అల్లారు ముద్దుగా పెరిగింది మాలక్ష్మి

అత్తవారింటికి తరలింది

చరణం 1:

పూజ చేసి.. ఏరి కోరీ.. 

నిన్ను చేసుకుంది

పూజ చేసి.. ఏరి కోరీ.. 

నిన్ను చేసుకుంది

పువ్వుల్లో పెట్టుకో... 

చిరునవ్వుల్లో దాచుకో

మనసారా కాపురాన్ని మలుచుకో...

మా లక్ష్మికి అండగా 

మేమున్నాం తెలుసుకో

బావా.. ఓ .. మా మంచి బావా

బావా.. ఓ .. మా మంచి బావా

అల్లారు ముద్దుగా పెరిగింది మాలక్ష్మి

అత్తవారింటికి తరలింది

చరణం 2:

బావగారూ.. మహా గడుసువారూ.. 

మంచి చేసుకో

బావగారూ.. మహా గడుసువారూ.. 

మంచి చేసుకో

చిలిపి పనులు చేశాడో... 

ఆ చెవులు పుచ్చుకో

కట్టుకున్నవాడు కలకాలం 

నీ మదిలోనే ఉన్నా...

తోడబుట్టినాము మమ్ము 

క్షణ కాలం తలుచుకో

చెల్లీ.. ఓ.. బంగారు తల్లీ..

అక్కా.. ఓ.. చక్కని చుక్కా

అల్లారు ముద్దుగా పెరిగింది మాలక్ష్మి

అత్తవారింటికి తరలింది

మా చెల్లి బంగారు తల్లీ ...

మా అక్కా చక్కనీ చుక్కా ...

పోయిరావమ్మా... పేరు తేవమ్మా...

బంగారు తల్లీ... బంగారు తల్లీ ...

- పాటల ధనుస్సు  

మల్లెల వేళ అల్లరి వేళ | Mallela Vela Allarivela | Song Lyrics | Joodagadu (1979)

మల్లెల వేళ అల్లరి వేళ

చిత్రం: జూదగాడు (1979)

సంగీతం: చక్రవర్తి

గీతరచయిత: ఆచార్య ఆత్రేయ

నేపధ్య గానం: జి. ఆనంద్, సుశీల

పల్లవి:

మల్లెల వేళ అల్లరి వేళ

మల్లెల వేళ అల్లరి వేళ

మదిలో మన్మధ లీల

నీవు నేనైన వేళ

వుండిపోవాలి ఇలా ఇలా

మల్లెల వేళ అల్లరి వేళ

మదిలో మన్మధ లీల

నీవు నేనైన వేళ

వుండిపోవాలి ఇలా ఇలా

చరణం 1:

ఒక మధుర మురళి మ్రోగింది

యమునా తటిలో మురళీ రవళి

ఒక రాగమేదొ జుమ్మంది

ఒక రాధ మనసు జల్లంది

బృందావనిలో అందాలొలికే

ఆ రాధా మాధవ రాస క్రీడలే

రసడోలలూగించు వేళ

మల్లెల వేళ అల్లరి వేళ

మదిలో మన్మధ లీల

చరణం 2:

ఒక నింగి వలచి చేరింది

ఒక నేల ముద్దులాడింది

నింగీ నేల ఉరిసీ మెరిసీ

ఒక మబ్బు ఉబ్బి ఉరిమింది

అది పెళ్ళి మేళమయ్యింది

దివిలో మేళం భువిలో తాళం

ఆ మేళ తాళాల మేళవింపులో

జగమెల్ల దీవించు వేళ

మల్లెల వేళ అల్లరి వేళ

మదిలో మన్మధ లీల

నీవు నేనైన వేళ

వుండిపోవాలి ఇలా ఇలా

మల్లెల వేళ అల్లరి వేళ

మదిలో మన్మధ లీల

- పాటల ధనుస్సు