ఈ జీవన తరంగాలలో
చిత్రం: జీవనతరంగాలు (1973)
సంగీతం: జె.వి. రాఘవులు
గీతరచయిత: ఆచార్య ఆత్రేయ
నేపధ్య గానం: ఘంటసాల
సాకి :
పది మాసాలు మోశావు పిల్లలను
బ్రతులంతా మోశావు బాధలను
ఇన్ని మోసిన నిన్ను
మోసే వాళ్ళు లేక వెళుతున్నావు
పల్లవి:
ఈ జీవన తరంగాలలో
ఆ దేవుని చదరంగం లో
ఎవరికి ఎవరు సొంతము
ఎంతవరకీ బంధము
చరణం 1:
కడుపుచించుకు పుట్టిందొకరు..
కాటికి నిన్ను మోసేదొకరు..
తలకు కొరివి పెట్టేదొకరు..
ఆపై నీతో వచ్చేదెవరు....
ఆపై నీతో వచ్చేదెవరు
ఈ జీవన తరంగాలలో
ఆ దేవుని చదరంగం లో
ఎవరికి ఎవరు సొంతము
ఎంతవరకీ బంధము
చరణం 2:
మమతే మనిషికి బందిఖానా..
భయపడి తెంచుకు పారిపొ్యినా
తెలియని పాశం వెంటపడి..
రుణం తీర్చుకోమంటుందీ..
తెలియని పాశం వెంటపడి..
రుణం తీర్చుకోమంటుందీ
నీ భుజం మార్చుకోమంటుంది!
ఈ జీవన తరంగాలలో
ఆ దేవుని చదరంగం లో
ఎవరికి ఎవరు సొంతము
ఎంతవరకీ బంధము
చరణం 3:
తాళి కట్టిన మగడు లేడని..
తరలించుకుపోయే మృత్యువాగదు
ఈకట్టెను కట్టెలు కాల్చక మానవు..
ఆ కన్నీళ్ళకు చితి మంటలారవు...
ఈ మంటలు ఆ గుండెను
అంటక మానవు!
ఈ జీవన తరంగాలలో
ఆ దేవుని చదరంగం లో
ఎవరికి ఎవరు సొంతము
ఎంతవరకీ బంధము
- పాటల ధనుస్సు
