ఇది చల్లని వేళైనా
చిత్రం : పూజాఫలం (1964)
సంగీతం : ఎస్. రాజేశ్వరరావు
గీతరచయిత : దేవులపల్లి
నేపధ్య గానం : పి. సుశీల
పల్లవి :
నేరుతునో లేదో ప్రభూ...
నీ పాటలు పాడా...
ఇది చల్లని వేళైనా...
ఇది వెన్నెల రేయైనా
నిదుర రాదు కనులకు...
శాంతి లేదు మనసుకు
మదిలో వేదన ఏదో...
కదలే రాధకు
ఇది చల్లని వేళైనా...
చరణం 1:
నీ దయలాగున వెన్నెల...
జగమంతా ముంచే
నీ మధుర ప్రేమా..
యమున కడలంతా నించే
మరి మరి ముల్లోకములను...
మురిపించే స్వామీ
మనసు చల్లబడ...
కనిపించవేమీ
ఇది చల్లని వేళైనా
చరణం 2 :
నీ వేణువు కోసం...
బ్రతుకంతా వీనులాయే
నీ దర్శనమునకై...
ఒడలంతా కనులాయే
బడలే బ్రతుకున ఆశలు...
వెలిగించే దేవా
కదలే వీణియ తీగలు...
సవరించి పోవా
ఇది చల్లని వేళైనా...
ఇది వెన్నెల రేయైనా
- పాటల ధనుస్సు
