వయ్యారి కళ్ళల్లోనా దాచాడేమో తారల్ని | Vayyari Kallallona | Song Lyrics | RKSS Creations

 వయ్యారి కళ్ళల్లోనా దాచాడేమో తారల్ని

రచన : రామకృష్ణ దువ్వు 

 

పల్లవి:

 

వయ్యారి కళ్ళల్లోనా 

దాచాడేమో తారల్ని

బెమ్మయ్య కేమయ్యిందో 

కొమ్మకిచ్చే వరాల్ని

ఆ కళ్ళల్లో చూశామంటే 

పోలేమమ్మ మాదార్ని

గుండెల్ని పిండేస్తాది 

మాపై విసిరి చూపుల్ని

బతుకే వెలుగును భామను 

చేసుకుంటే సొంతాన్ని

 

చరణం 1:

 

నెలవంక నవ్వుల్లోనా 

వెలిగించాడేమో కాంతుల్ని

చిలకమ్మ పలుకుల్లోనా 

కురిపించాడేమో రాగాల్ని

ఆ నవ్వుల్లో తేలియాడితే 

మరిచేము ఈ లోకాన్ని

మాటలతో మాయ చేస్తాది 

మాపై చూపే ప్రేమల్ని

బ్రతుకంతా వెన్నెలౌను 

చెలియ చేరితే సరసన్ని

 

చరణం 2:

 

తొలిసారి చూపుల్లోనా 

కలిపాడేమో ఊహల్ని

తొలి పరిచయ క్షణాల్లోనా 

నింపాడేమో ఆశల్ని

ఆ ఊహల్లో విహరిస్తే 

మరిచేము ఇల తలపుల్ని

నడకలతో గిలిగింత పెడతది 

చిలికించి వలపుల్ని

స్వర్గమే చేరువౌను 

సతిగ పొందితే ఈ కోమల్ని

- RKSS Creations...