వేషము మార్చెను భాషను మార్చెను
చిత్రం : గుండమ్మ కథ (1962)
సంగీతం : ఘంటసాల,
గీతరచయిత : పింగళి నాగేంద్రరావు
నేపధ్య గానం : ఘంటసాల, పి లీల
పల్లవి:
వేషము మార్చెను... హోయ్..
భాషను మార్చెను... హోయ్..
మోసము నేర్చెనూ..ఉ..ఉ....
అసలు తానే మారెను...
అయినా మనిషి మారలేదు
ఆతని మమత తీరలేదు..
మనిషి మారలేదు
ఆతని మమత తీరలేదు..
చరణం 1:
కృరమృగమ్ముల కోరలు తీసెను
ఘోరారణ్యములాక్రమించెను
కృరమృగమ్ముల కోరలు తీసెను
ఘోరారణ్యములాక్రమించెను
హిమాలయముపై జండా పాతెను
హిమాలయముపై జండా పాతెను
ఆకాశంలో షికారు చేసెను
అయినా మనిషి మారలేదు
ఆతని కాంక్ష తీరలేదు...
చరణం 2:
పిడికిలి మించని హృదయములో
కడలిని మించిన ఆశలు దాచెను
కడలిని మించిన ఆశలు దాచెను
వేదికలెక్కెను..వాదము చేసెను..
వేదికలెక్కెను..వాదము చేసెను..
త్యాగమె మేలని బోధలు చేసెను
అయినా మనిషి మారలేదు
ఆతని బాధ తీరలేదు..
చరణం 3:
వేషమూ మార్చెను..
భాషనూ మార్చెను,
మోసము నేర్చెను..
తలలే మార్చెను...
అయినా మనిషి మారలేదు...
ఆతని మమత తీరలేదు..
ఆ...ఆహహాహాహ ఆహాహహా...
ఓ... ఓహొహోహోహో
ఓహోహొహో...
- పాటల ధనుస్సు
6 దశాబ్దాలు దాటినా, ఈ పాటలోని అంతరార్థం నేటికి కూడా వర్తిస్తుంది. మనిషి తన విలువలను పోగొట్టుకొని, అహంకారుడై, అవినీతిపరుడై, అరిషడ్వర్గాలను పెంచి పోషిస్తూ, అంతులేని నేరాలకు, మోసాలకూ పాల్పడుతూ సమాజాన్ని భ్రష్టు పట్టిస్తున్నాడు. పాత చిత్రాలలో పాటలు, ఆ రచయితలు, సంగీత దర్శకులు, గాయనీ గాయకులు మన తెలుగు సాహిత్యానికి, కళలకు మహా పెన్నిధి. పింగళి నాగేంద్ర రావు, ఘంటసాల, లీల, సుశీల...అక్కినేని నాగేశ్వర రావు, నందమూరి తారకరామారావు...మున్నగువారు ఎందరో...మనకు నిత్య స్ఫూర్తిదాతలు. ఈ పాటను అందజేసిన మీకు ధన్యవాదాలు.
రిప్లయితొలగించండి