ఈ ఉదయం నా హృదయం | Ee Udayam Naa Hrudayam | Song Lyrics | Kanne Manasulu (1966)

ఈ ఉదయం నా హృదయం

చిత్రం: కన్నెమనసులు (1966)

సంగీతం: కె.వి. మహదేవన్

గీతరచయిత: ఆచార్య ఆత్రేయ

నేపధ్య గానం: ఘంటసాల

పల్లవి :

ఈ ఉదయం...నా హృదయం

పురులు విరిసి ఆడింది..

పులకరించి పాడింది

పురులు విరిసి ఆడింది..

పులకరించి పాడింది

ఈ ఉదయం..ఊ...ఊ...ఊ...ఊ...

చరణం 1:

పడుచు పిల్ల పయ్యెదలా...

పలుచని వెలుగు పరచినది

పడుచు పిల్ల పయ్యెదలా...

పలుచని వెలుగు పరచినది

కొండల కోనల మలుపుల్లో...

కొత్త వంపులు చూపినది

ఈ ఉదయం...ఊ...ఊ....ఊ...ఊ..

చరణం 2:

చిగురాకులతో చిరుగాలీ...

సరసాలాడి వచ్చినది

చక్కలిగింతలు పెట్టినదీ...

వేసవికే చలి వేసినదీ

ఓ..ఓ..ఓహో...ఓ...ఓ...ఓహో...

ఈ ఉదయం....ఊ...ఊ...ఊ...ఊ...

చరణం 3:

సరస్సున జలకాలాడేదెవరో...

తేటిని వెంట తిప్పేదెవరో

సరస్సున జలకాలాడేదెవరో...

తేటిని వెంట తిప్పేదెవరో

రేయికి సింగారించే కలువో...

పగలే వగలు రగిలే కమలమో...

ఈ ఉదయం...నా హృదయం..

పురులు విరిసి ఆడింది...

పులకరించి పాడింది

ఈ ఉదయం...ఊ...ఊ...ఊ...ఊ

- పాటల ధనుస్సు 

ఓ హృదయం లేని ప్రియురాలా | O Hrudayam Leni Priyurala | Song Lyrics | Kanne Manasulu (1966)

ఓ హృదయం లేని ప్రియురాలా

చిత్రం: కన్నెమనసులు (1966)

సంగీతం: కె.వి. మహదేవన్

గీతరచయిత: ఆచార్య ఆత్రేయ

నేపధ్య గానం: ఘంటసాల

పల్లవి:

ఓ హృదయం లేని ప్రియురాలా

ఓ హృదయం లేని ప్రియురాలా

వలపును రగిలించావు

పలుకక ఊర్కున్నావు

ఏంకావాలనుకున్నావు

వీడేం కావాలనుకున్నావు

ఓ.. ఓ ఓ హృదయం లేని ప్రియురాలా

చరణం 1:

చిరుజల్లు వలే చిలికావు.. 

పెను వెల్లువగా ఉరికావు

చిరుజల్లు వలే చిలికావు..

పెను వెల్లువగా ఉరికావు

సుడిగుండముగా వెలిశావు

అసలెందుకు కలిసావు...

నన్నెందుకు కలిసావు..

ఓ.. ఓ ఓ హృదయం లేని ప్రియురాలా

చరణం 2:

అగ్గి వంటి వలపంటించి 

హాయిగ వుందామనుకోకు

అగ్గి వంటి వలపంటించి 

హాయిగ వుందామనుకోకు

మనసు నుంచి మనసుకు పాకి

ఆరని గాయం చేస్తుంది...

అది తీరని తాపం ఔతుంది

ఓ.. ఓ ఓ హృదయం లేని ప్రియురాలా

చరణం 3:

నీ మనసుకు తెలుసు నా మనసు.. 

నీ వయసుకు తెలియదు నీ మనసు

నీ మనసుకు తెలుసు నా మనసు..

నీ వయసుకు తెలియదు నీ మనసు

రాయి మీటితే రాగం పలుకును

రాయి కన్న రాయివి నీవు...

కసాయివి నీవు

ఓ.. ఓ ఓ హృదయం లేని ప్రియురాలా

- పాటల ధనుస్సు 

ఓహో తమరేనా చూడవచ్చారు | Ohu Thamarena | Ghantasala Song Lyrics | Kanne Manasulu (1966)

ఓహో తమరేనా చూడ వచ్చారు చూసే ఏం చేస్తారు

చిత్రం : కన్నెమనసులు (1966)

సంగీతం : కె.వి. మహదేవన్

గీతరచయిత :  ఆచార్య ఆత్రేయ

నేపధ్య గానం :  ఘంటసాల

పల్లవి :

ఓహో తమరేనా చూడ వచ్చారు.. 

చూసే ఏం చేస్తారు

ఓహో తమరేనా చూడ వచ్చారు.. 

చూసే ఏం చేస్తారు

ఓ భామా...  అయ్యో రామా

ఓహో తమరేనా చూడ వచ్చారు.. 

చూసే ఏం చేస్తారు

చరణం 1 :

ఆకతాయి రాలుగాయి అమ్మాయి

అంతకన్న గడుగ్గాయి అబ్బాయి

ఆకతాయి రాలుగాయి అమ్మాయి

అంతకన్న గడుగ్గాయి అబ్బాయి

మండేన ఒళ్ళు...  కొరికేవ పళ్ళు

ఎరుపెక్కె కళ్ళు...  అరికాళ్ళ ముళ్ళు

కోపాల తాపాల...  శాపాన రూపాన.. 

తొక్కేవు పరవళ్ళు..

ఓ భామా...  అయ్యో రామా

ఓహో తమరేనా చూడ వచ్చారు.. 

చూసే ఏం చేస్తారు

చరణం 2 :

మూతిని ముడవకే ముద్దులగుమ్మా

ఆ..  ఆ...  ఆ..  ముచ్చటలాడితినే వలపుల రెమ్మా

ముసిముసి నవ్వులతో మోడీ చేతునే

ముసిముసి నవ్వులతో మోడీ చేతునే

కసిదీరా గుణపాఠం నేర్పిస్తానే

ఓ భామా...  అయ్యో రామా

ఓహో తమరేనా చూడ వచ్చారు.. 

చూసే ఏం చేస్తారు

చరణం 3 :

కుక్కకాటు చెప్పుదెబ్బ సామెతకు

చక్కనైన మచ్చుతునక నీ బ్రతుకు

కుక్కకాటు చెప్పుదెబ్బ సామెతకు

చక్కనైన మచ్చుతునక నీ బ్రతుకు

అమ్మాయిగారు ముయ్యాలి నోరు

మాతోను మీరు సరిసాటి కారు

కన్నీరు మున్నీరు కాదండి పన్నీరు... 

తగ్గాలి మీ జోరు

ఓ భామా...  అయ్యో రామా

ఓహో తమరేనా చూడ వచ్చారు.. 

చూసే ఏం చేస్తారు

ఓహో తమరేనా చూడ వచ్చారు.. 

చూసే ఏం చేస్తారు

- పాటల ధనుస్సు

ఓహో తమరేనా చూడవచ్చారు | Ohu Thamarena | Susheela Song Lyrics | Kanne Manasulu (1966)

ఓహో తమరేనా చూడవచ్చారు

చిత్రం : కన్నెమనసులు (1966)

సంగీతం : కె.వి. మహదేవన్

గీతరచయిత : ఆచార్య ఆత్రేయ

నేపధ్య గానం : సుశీల 

పల్లవి :

ఓహో తమరేనా చూడవచ్చారు... 

చూసీ ఏం చేస్తారు

ఓహో తమరేనా చూడవచ్చారు... 

చూసీ ఏం చేస్తారు

అమ్మమ్మ... అమ్మమ్మా ... 

అయ్యో రామా

ఓహో తమరేనా చూడవచ్చారు... 

చూసీ ఏం చేస్తారు

చరణం 1 :

సంతలోని జంతువును కాను సుమా

వంట యింటి కుందేలును అవను సుమా

సంతలోని జంతువును కాను సుమా

వంట యింటి కుందేలును అవను సుమా

ఎవరేమిటన్నా మగవాళ్ళకన్నా

మా వాళ్ళె మిన్నా నీ డాబు సున్నా..

వెళ్ళండి వెళ్ళండి మీ దారి మళ్ళండి...  

డూ డూ డూ బసవన్నా

ఓ మామా....  అయ్యో రామా

ఓహో తమరేనా చూడవచ్చారు... 

చూసీ ఏం చేస్తారు

చరణం 2 :

అలుగుట తగదురా పెళ్ళి కుమారా

హాస్యములాడితిరా వలపుల చోరా

చెమటలు పోసినవా చెంగున వీతురా

చెమటలు పోసినవా చెంగున వీతురా

చెలరేగి నీ భరతం పట్టిస్తారా

ఓ మామా....  అయ్యో రామా

ఓహో తమరేనా చూడవచ్చారు... 

చూసీ ఏం చేస్తారు

చరణం 3 :

మూడునాళ్ళ ముచ్చటకే మురిసినచో

ఆడపిల్ల బ్రతుకంతా హరోంహరా

మూడునాళ్ళ ముచ్చటకే మురిసినచో

ఆడపిల్ల బ్రతుకంతా హరోంహరా

పెళ్ళాడు రోజు ఉంటుంది మోజు

ఆపైన క్లోజు పడుతుంది బూజు

ఆనాడు ఈనాడు ఏనాడు మనువాడు 

ఇంతే రివాజు

ఓ మామా....  అయ్యో రామా

ఓహో తమరేనా చూడవచ్చారు... 

చూసీ ఏం చేస్తారు

- పాటల ధనుస్సు