గోదారి గట్టంట వయ్యారి పిట్టంట | Godari gattanta | Song Lyrics | Gopalakrishnudu (1982)

గోదారి గట్టంట వయ్యారి పిట్టంట

చిత్రం :  గోపాల కృష్ణుడు  (1982)

సంగీతం :  చక్రవర్తి

సాహిత్యం: వేటూరి సుందరరామ్మూర్తి

నేపధ్య గానం :  బాలు, సుశీల 

పల్లవి :

అరే...గోదారి గట్టంట.. వయ్యారి పిట్టంట

రివ్వుమంటే జివ్వుమంది నాకు మక్కువ

గోదారి గట్టంట వయ్యారి పిట్టంట

రివ్వుమంటే జివ్వుమంది నాకు మక్కువ

ఉయ్యాల జంపాల ఊగేటి వన్నెల్లో

చీరకొక్క మూర తప్ప ఏమి తక్కువ

అబ్బ.. ఏం వయసో... ఏం సొగసో..

అహ..ఏం సొగసో.. ఏం వయసో..  

గోదారి గట్టంట నా దారినెళుతుంటే

పూల బేరమాడేనమ్మ పూలరంగడు

గోదారి గట్టంట నా దారినెళుతుంటే

పూల బేరమాడేనమ్మ పూలరంగడు

రాదారి పడవల్లో రాగాలు తీస్తుంటే

దొండపండు దోచెనమ్మ దొంగరాముడు

అబ్బ... ఏం మడిసో.. ఎంత గడుసో..

అహా.. ఎంత గడుసో..ఏం మడిసో.. 

చరణం : 1

బేరమాడ వచ్చానే ఓలమ్మీ.. 

బెంగపడిపోయానే ఓలమ్మీ

బేరమాడ వచ్చానే ఓలమ్మీ.. 

బెంగపడిపోయానే ఓలమ్మీ

ముద్దు నాకు ముదిరెనే... 

నిద్దరంత కరిగెనే...

రాత కొద్ది దొరికినాడే.. 

రాతి గుండె కదిపినాడే

పూటపూటకు పూతకొచ్చిన 

పులకరింత గిల్లినాడే 

అబ్బ... ఏం మడిసో... ఏం వరసో..

అహా.. ఏం వరసో...ఏం మడిసో.. 

అహ..గోదారి గట్టంట వయ్యారి పిట్టంట

రివ్వుమంటే జివ్వుమంది నాకు మక్కువ

రాదారి పడవల్లో రాగాలు తీస్తుంటే

దొండపండు దోచెనమ్మ దొంగరాముడు

అబ్బ.. ఏం వయసో... ఏం సొగసో..

అహ.. ఎంత గడుసో..ఏం మడిసో.. 

చరణం : 2

పుట్టుమచ్చలాంటివోడే నా సామీ

పచ్చబొట్టులాంటి వోడె నా సామీ..

పుట్టుమచ్చలాంటివోడే నా సామీ

పచ్చబొట్టులాంటి వోడె నా సామీ..

పట్టుకుంటే వదలడే... 

చెరుపుకుంటే చెదరడే..

వయసులాగా వచ్చినోన్నే.. 

వన్నెలెన్నో తెచ్చినోన్నే

ఈల వేసిన గోల పాపల 

కోలకళ్ళకు మొక్కినాన్నే...

అబ్బ.. ఏం వయసో... ఏం సొగసో..

అహా...ఏం సొగసో..ఏం వయసో..

గోదారి గట్టంట నా దారినెళుతుంటే

పూల బేరమాడేనమ్మ పూలరంగడు

రాదారి పడవల్లో రాగాలు తీస్తుంటే

దొండపండు దోచెనమ్మ దొంగరాముడు

అబ్బ... ఏం మడిసో.. ఎంత గడుసో..

అబ్బ.. ఎంత గడుసో..ఏం మడిసో..

గోదారి గట్టంట వయ్యారి పిట్టంట

రివ్వుమంటే జివ్వుమంది నాకు మక్కువ

ఉయ్యాల జంపాల ఊగేటి వన్నెల్లో

చీరకొక్క మూర తప్ప ఏమి తక్కువ

అబ్బ.. ఏం వయసో... ఏం సొగసో..

అహా..ఏం సొగసో.. ఏం వయసో..

పాటల ధనుస్సు  

జ్ఞాపకం ఉన్నదా | Jnapakam vunnada | Song Lyrics | Gopalakrishnudu (1982)

జ్ఞాపకం ఉన్నదా

చిత్రం :  గోపాల కృష్ణుడు  (1982)

సంగీతం :  చక్రవర్తి

గీతరచయిత : వేటూరి ,

నేపధ్య గానం :  బాలు, సుశీల 

పల్లవి  :

జ్ఞాపకం ఉన్నదా... ఆ తీయని తొలి రేయి

జ్ఞాపకం ఉన్నదా...

జ్ఞాపకం ఉన్నదా...

ఆ తీయని తొలి రేయి... 

తొలి జాముకు తరువాయి

మల్లెని పిల్లని మాయనే చేసినా సంగతి... 

జ్ఞాపకం ఉందిలే...

జ్ఞాపకం ఉందిలే...

ఆ తీయని తొలి రేయి... 

తొలి జాముకు తరువాయి

తప్పని అన్ననీ ... తప్పని చెప్పనీ శ్రీమతి

చరణం 1 :

కిటికీలో చందమామా...  

చిటికడంత నవ్వుతు ఉంటే

గదిలో వయ్యారి భామ...  

పులకరింత రువ్వుతు ఉంటే

పంచుకునే పాల మీద... 

వణికే మురిపాల మీద

మిసిమి మీగడలు కొసరి అడిగితే... 

కసరు చూపుతో కానుకలిచ్చిన నా చెలి

నీ చలి నా గిలి తీరినా తీరనీ కౌగిలీ....

జ్ఞాపకం ఉన్నదా...

జ్ఞాపకం ఉందిలే...

ఆ తీయని తొలి రేయి... 

తొలి జాముకు తరువాయి

చరణం 2 :

లేత నడుము చేతికి తగిలి... 

ఉన్న కథను చల్లగ చెబితే

ఉలికి పడ్డ ఉలిపిరి కోక 

ఉండి కూడా లేనంటుంటే

పంచుకునే పానుపు మీద...  

పరిచే పరువాల మీద

అగరు పొగలలో..  పొగరు వగలతో...  

సగము సగముగా జతకు చేరినా రాతిరీ...

ఇద్దరి సందడి...  వినబడి నవ్వినా జాబిలీ...

జ్ఞాపకం ఉన్నదా...

జ్ఞాపకం ఉన్నదా...

ఆ తీయని తొలి రేయి... 

తొలి జాముకు తరువాయి

మల్లెని పిల్లని మాయనే చేసినా సంగతి

జ్ఞాపకం ఉందిలే...

జ్ఞాపకం ఉందిలే...

ఆ తీయని తొలి రేయి... 

తొలి జాముకు తరువాయి

తప్పని అన్ననీ ... తప్పని చెప్పనీ శ్రీమతి

పాటల ధనుస్సు  

అందాల రాధికా నా కంటి దీపికా | Andala Radhika | Song Lyrics | Gopalakrishnudu (1982)

అందాల రాధికా.. నా కంటి దీపికా

చిత్రం :  గోపాల కృష్ణుడు  (1982)

సంగీతం :  చక్రవర్తి

గీతరచయిత :  వేటూరి

నేపధ్య గానం :  బాలు, సుశీల 

పల్లవి :

అందాల రాధికా.. నా కంటి దీపికా

నాకున్న కోరికా.. నువ్వేనే బాలికా

చందామామ పోలికా.. అందమివ్వు కానుకా

చందామామ పోలికా.. అందమివ్వు కానుకా 

గోపాలకృష్ణుడా.. గోపెమ్మకిష్టుడా

వ్రేపల్లే వీధిలో వెంటాడే కిష్టుడా

వెన్నెలమ్మ చాటుగా.. వేణూవైన బాలుడా

వెన్నెలమ్మ చాటుగా.. వేణూవైన బాలుడా

చరణం 1 :

వయసు వేయదు వాయిదాలను.. 

వలపు కలపక తప్పదులే

అసలు తీరదు ఇతర పనులకు.. 

ముసురుకున్నది మనసేలే

కనులకు మాటొచ్చి కౌగిలి ఇమ్మంటే..

కౌగిలిలో గాలి.. వడగాలౌతోంటే

కలవమన్నవి.. కలవరింతలు

విచ్చలవిడిగా వెచ్చని ఒడిలో.. 

ఈ ప్రేమ గుడిలో.. పరువాల సడిలో...

అందాల రాధికా..అహహ..హా

నా కంటి దీపికా..అహహ..హా

వ్రేపల్లే వీధిలో వెంటాడే కిషుడా

వెన్నెలమ్మ చాటుగా.. వేణూవైన బాలుడా 

చందామామ పోలికా.. అందమివ్వు కానుకా

చరణం 2 :

ఎండ వెన్నెల దండలల్లెను... 

గుబురేగిన గుండెలలో..

అక్కడక్కడ చుక్క పొడిచెను... 

మసక కమ్మిన మనసులలో

సనసన జాజులలో.. సణిగిన మోజులలో

కలబడు చూపులలో... వినబడు ఊసులలో

పలుకుతున్నవి చిలక పాపలు

చిక్కని చలిలో చక్కిలిగిలిగా.. 

ఈ తీపి సొదలే.. ఈనాటి కథగా

గోపాలకృష్ణుడా.. గోపెమ్మకిష్టుడా

వ్రేపల్లే వీధిలో.. వెంటాడే కిష్టుడా

వెన్నెలమ్మ చాటుగా.. వేణూవైన బాలుడా

వెన్నెలమ్మ చాటుగా.. వేణూవైన బాలుడా

అందాల రాధికా.. నా కంటి దీపికా

నాకున్న కోరికా.. నువ్వేనే బాలికా

చందామామ పోలికా.. అందమివ్వు కానుకా

చందామామ పోలికా.. అందమివ్వు కానుకా

పాటల ధనుస్సు