గట్టుకాడ ఎవరో చెట్టునీడ ఎవరో
చిత్రం : బంగారు పంజరం (1969)
సంగీతం : ఎస్. రాజేశ్వరరావు
గీతరచయిత : దేవులపల్లి
నేపధ్య గానం : జానకి
పల్లవి :
గట్టుకాడ... ఎవరో... చెట్టునీడ... ఎవరో
నల్లకనుల నాగసొరము ఊదేరు... ఎవరో
గట్టుకాడ ఎవరో... చెట్టునీడ ఎవరో
నల్లకనుల నాగసొరము ఊదేరు.. ఎవరో
చరణం 1 :
ఓ...ఓ...
పోటుపాటు సూసుకొని ఏరు దాటి రావాలా
ముళ్ళు రాళ్ళు ఏరుకోని మందతోవ నడవాలా
ఆగలేక రాచకొడక సైగ చేసెవెందుకో... సైగెందుకూ...
ఏటిగట్టుకాడ... మావిచెట్టునీడ... ఎవరో... ఎవరో
నల్లకనుల నాగసొరము ఊదేరు.. ఎవరో
చరణం 2 :
ఓ...ఓ..
పైరుగాలి పడుచుపైటా... పడగలేసి ఆడేను
గుండె పైనీ గుళ్ళ పేరు ఉండలేక ఊగేను
తోపు ఎనక రాచకొడక తొంగి చూసేవెందుకో...
నీవెందుకూ... సైగెందుకూ...
ఏటిగట్టుకాడ... మావిచెట్టునీడ... ఎవరో... ఎవరో
నల్లకనుల నాగసొరము ఊదేరు.. ఎవరో..
పాటల ధనుస్సు
