వెలుగుకు ఉదయం | Veluguku Udayam | Song Lyrics | Trishulam (1982)

వెలుగుకు ఉదయం చెలిమికి హృదయం

చిత్రం : త్రిశూలం (1982)

సంగీతం : కె.వి. మహదేవన్

గీతరచయిత : ఆచార్య ఆత్రేయ

నేపధ్య గానం :  బాలు, సుశీల

పల్లవి :

వెలుగుకు ఉదయం.. 

చెలిమికి హృదయం

నొసటికి తిలకం.. 

కురులకు కుసుమం

జతపడి ఉన్నవి అనాదిగా..  

జన్మజన్మల ఋణాలుగా

జతపడి ఉన్నవి అనాదిగా.. 

జన్మజన్మల ఋణాలుగా

వెలుగుకు ఉదయం.. 

చెలిమికి హృదయం

నొసటికి తిలకం.. 

కురులకు కుసుమం

జతపడి ఉన్నవి అనాదిగా..  

జన్మజన్మల ఋణాలుగా

జతపడి ఉన్నవి అనాదిగా.. 

జన్మజన్మల ఋణాలుగా 

చరణం 1 :

చేయి చేయి చేసిన బాసకు 

ఊపిరి నీవైనావు

చెలిమి కలిమి అల్లిన తీగకు 

పందిరి నీవైనావు

చేయి చేయి చేసిన బాసకు 

ఊపిరి నీవైనావు

చెలిమి కలిమి అల్లిన తీగకు 

పందిరి నీవైనావు

నా ఆశకు రూపం నీవై.. 

నా ఆశయదీపం నీవై

నా ఆశకు రూపం నీవై.. 

నా ఆశయదీపం నీవై

నీవు నేను మనమౌదాం.. 

నీవు నేను మనమౌదాం

మనమే మనకొక మతమౌదాం

వెలుగుకు ఉదయం.. 

చెలిమికి హృదయం

నొసటికి తిలకం.. 

కురులకు కుసుమం

జతపడి ఉన్నవి అనాదిగా..  

జన్మజన్మల ఋణాలుగా

జతపడి ఉన్నవి అనాదిగా.. 

జన్మజన్మల ఋణాలుగా 

చరణం 2 :

జీవంపోసే రాగంకోసం 

వేచిన పల్లవి నేను

భావం తెలిసిన గీతం కోసం 

వెతికిన రాగం నేను

జీవం పోసే రాగం కోసం 

వేచిన పల్లవి నేను

భావం తెలిసిన గీతం కోసం 

వెతికిన రాగం నేను

ఈ మమతకు శృతినే నేను.. 

ఈ నడతకు లయనే నేను

ఈ మమతకు శృతినే నేను.. 

ఈ నడతకు లయనే నేను

నేను నేనను ఇద్దరము..  

నేను నేనను ఇద్దరము

నిన్న రేపటి సంగమము 

వెలుగుకు ఉదయం.. 

చెలిమికి హృదయం

నొసటికి తిలకం.. 

కురులకు కుసుమం

జతపడి ఉన్నవి అనాదిగా..  

జన్మజన్మల ఋణాలుగా

జతపడి ఉన్నవి అనాదిగా.. 

జన్మజన్మల ఋణాలుగా 

- పాటల ధనుస్సు