ఓ బాటసారి ఇది జీవిత రహదారి | O Batasari Idi Jeevitha Rahadari | Song Lyrics | Illalu (1981)

ఓ బాటసారి ఇది జీవిత రహదారి

చిత్రం :  ఇల్లాలు (1981)

సంగీతం :  చక్రవర్తి

గీతరచయిత  : ఆచార్య ఆత్రేయ,

నేపధ్య గానం  : కె.జె.యేసుదాస్, ఎస్ పి శైలజ 

పల్లవి :

ఓ బాటసారి...ఇది జీవిత రహదారి

ఓ బాటసారి...ఇది జీవిత రహదారి 

ఎంత దూరమో... ఏది అంతమో

ఎవరు ఎరుగని దారి ఇది

ఒకరికె సొంతం కాదు ఇది 

ఓ బాటసారి... ఇది జీవిత రహదారి..

చరణం 1 :

ఎవరు ఎవరికి తోడౌతారో.... 

ఎప్పుడెందుకు విడిపోతారో

మమతను కాదని వెళతారో... 

మనసే చాలని ఉంటారు

ఎవ్వరి పయనం ఎందాకో...

అడగదు ఎవ్వరిని... 

బదులే దొరకదని

అడగదు ఎవ్వరిని... 

బదులే దొరకదని

చరణం 2 :

కడుపుతీపికి రుజువేముందీ... 

అంతకు మించిన నిజమేముందీ...

కాయే చెట్టుకు బరువైతే.... 

చెట్టును భూమి మోస్తుందా..

ఇప్పుడు తప్పులు తెలుసుకొనీ... 

జరిగేదేమిటనీ..క్షమించదెవ్వరినీ

చరణం 3 :

తెంచుకుంటివి అనుబంధాన్ని... 

పెంచుకున్నదొక హృదయం దాన్ని..

అమ్మలిద్దరు వుంటారని 

అనుకోలేని పసివాడ్ని

బలవంతాన తెచ్చుకొని... 

తల్లివి కాగలవా? ... 

తనయుడు కాగలడా?

చరణం 4 :

అడ్డ దారిలో వచ్చావమ్మా... 

అనుకోకుండా కలిసావమ్మ

నెత్తురు పంచి ఇచ్చావూ... 

నిప్పును నీవే మింగావూ

ఆడదాని ఐశ్వర్యమేమిటో...

ఇప్పుడు తెలిసింది..

కథ ముగిసేపొయింది

ఇప్పుడు తెలిసింది..

కథ ముగిసేపొయింది 

ఓ..బాటసారీ ఇది జీవిత రహదారీ

- పాటల ధనుస్సు