వస్తాడు నా రాజు ఈ రోజు | Vastadu Naa Raju | Song Lyrics | Alluri Seetharamaraju (1974)

వస్తాడు నా రాజు ఈ రోజు 

చిత్రం :  అల్లూరి సీతారామరాజు (1974)

సంగీతం :  ఆదినారాయణరావు

గీతరచయిత :  సి.నారాయణరెడ్డి

నేపథ్య గానం :  పి. సుశీల 

పల్లవి :

వస్తాడు నా రాజు ఈ రోజు.. 

రానే వస్తాడు నెలరాజు ఈ రోజు

కార్తీకపున్నమి వేళలోన.. 

కలికి వెన్నెల కెరటాలపైన

కార్తీకపున్నమి వేళలోన.. 

కలికి వెన్నెల కెరటాలపైన

తేలివస్తాడు నా రాజు ఈ రోజు

చరణం 1 :

వేలతారకల నయనాలతో.. 

నీలాకాశం తిలకించేను

వేలతారకల నయనాలతో.. 

నీలాకాశం తిలకించేను

అతని చల్లని అడుగుల సవ్వడి 

వీచే గాలి వినిపించేను

ఆతని పావన పాదధూళికై.. 

అవని అణువణువు కలవరించేను

అతని రాకకై అంతరంగమే.. 

పాలసంద్రమై పరవశించేను...  

పాలసంద్రమై పరవశించేను

వస్తాడు నా రాజు ఈ రోజు.. 

రానే వస్తాడు నెలరాజు ఈ రోజు

చరణం 2 :

వెన్నెలలెంతగా విరిసినగానీ 

చంద్రుణ్ణీ విడిపోలేవు

కెరటాలెంతగా పొంగినగానీ 

కడలిని విడిపోలేవు

కలసిన ఆత్మల అనుబంధాలు.. 

ఏ జన్మకు విడిపోలేవులే

తనువులు వేరైనా.. 

దారులు వేరైనా

తనువులు వేరైనా.. 

దారులు వేరైనా

ఆ బంధాలే నిలిచేనులే.. 

ఆ బంధాలే నిలిచేనులే

వస్తాడు నా రాజు ఈ రోజు.. 

రానే వస్తాడు నెలరాజు ఈ రోజు

కార్తీకపున్నమి వేళలోన.. 

కలికి వెన్నెల కెరటాలపైన

వస్తాడు నా రాజు ఈ రోజు

- పాటల ధనుస్సు