నీవుండే దా కొండపై | Neevundedaakondapai | Song Lyrics | Bhagya Rekha (1957)

నీవుండే దా కొండపై

చిత్రం :  భాగ్యరేఖ (1957)

సంగీతం :  పెండ్యాల

గీతరచయిత :  దేవులపల్లి

నేపథ్య గానం :  సుశీల

పల్లవి :

నీవుండే దా కొండపై

నా స్వామి.. నేనుండే దీ నేలపై

ఏ లీల సేవింతునో ..ఓ... ఓ.. ఓ..

ఏ పూల పూజింతునో... ఓ.. ఓ...

చరణం 1 :

శ్రీ పారిజాత సుమాలెన్నో పూచే

ఈ పేదరాలి మనస్సెంతో వేచే

శ్రీ పారిజాత సుమాలెన్నో పూచే

ఈ పేదరాలి మనస్సెంతో వేచే

నీ పాదసేవా మహాభాగ్యమీవా

నాపైనే దయజూపవా నా స్వామీ

నీవుండే దా కొండపై

నా స్వామి.. నేనుండే దీ నేలపై

ఏ లీల సేవింతునో ..ఓ... ఓ.. ఓ..

ఏ పూల పూజింతునో... ఓ.. ఓ...

చరణం 2:

దూరాన నైనా కనే భాగ్య మీవా

నీ రూపు నాలో సదా నిల్పనీవా

దూరాన నైనా కనే భాగ్య మీవా

నీ రూపు నాలో సదా నిల్పనీవా

ఏడు కొండలపైనా వీడైన స్వామి

నా పైనే దయజూపవా నా స్వామీ...

నీవుండే దా కొండపై

నా స్వామి.. నేనుండే దీ నేలపై

ఏ లీల సేవింతునో ..ఓ... ఓ.. ఓ..

ఏ పూల పూజింతునో... ఓ.. ఓ...

- పాటల ధనుస్సు 

కథ విందువా నా కథ విందువా | Katha vinduva | Song Lyrics | Kode Nagu (1974)

కథ విందువా

చిత్రం : కోడెనాగు (1974)

సంగీతం : పెండ్యాల

గీతరచయిత : ఆత్రేయ

నేపధ్య గానం : సుశీల 

పల్లవి :

కథ విందువా...నా కథ విందువా

విథికి బదులుగ నువ్వు 

నా నుదుట వ్రాసిన కథ విందువా...

నా కథ విందువా

చరణం 1 :

బ్రతుకంత నీవన్న బంధాన్ని పెంచావు

బ్రతుకంత నీవన్న బంధాన్ని పెంచావు

అన్న అనుమాటతో అన్ని తుంచేశావు

పసుపు కుంకుమ తెచ్చి పెళ్ళి కానుకగ యిచ్చి

ఉరితాడు నా మెడకు వేయించినావు

కథ విందువా...నా కథ విందువా

చరణం 2 :

తొలిరేయి విరిపానుపు ముళ్ళనే పరిచింది

తొలిరేయి విరిపానుపు ముళ్ళనే పరిచింది

కసటు కోరిక మగని రూపాన నిలిచింది

నీ పేరు మెదలిన మధురాధరము పైన

చిరు చేదు చిలికింది... జీవితమె మారింది

చిరుచేదు చిలికింది... జీవితమె మారింది 

కథ విందువా...నా కథ విందువా

విథికి బదులుగ నువ్వు 

నా నుదుట వ్రాసిన కథ విందువా...

నా కథ విందువా

చరణం 3 :

శీలాన్ని ఏలమున పెట్టింది స్వార్థము

శీలాన్ని ఏలమున పెట్టింది స్వార్థము

తాళినే ఎగతాళి చేసింది ధనము

కాముకుల కాహుతైపోయింది మానము

నా పాలి నరకమై మిగిలింది ప్రాణము

నా పాలి నరకమై మిగిలింది ప్రాణము

కథ విందువా... నా కథ విందువా

విథికి బదులుగ నువ్వు 

నా నుదుట వ్రాసిన కథ విందువా...

నా కథ విందువా

పాటల ధనుస్సు 

 

సంగమం సంగమం | Sangamam Sangamam | Song Lyrics | Kode Nagu (1974)

సంగమం....సంగమం

చిత్రం  :  కోడెనాగు (1974)

సంగీతం  :  పెండ్యాల

గీతరచయిత  :  మల్లెమాల

నేపధ్య గానం  :  ఘంటసాల, సుశీల 

పల్లవి :

సంగమం... సంగమం....

అనురాగ సంగమం.. 

జన్మ జన్మ ఋణానుబంధ సంగమం...

సంగమం... సంగమం

ఆనంద సంగమం 

భావ రాగ తాళ మధుర సంగమం...

సంగమం... సంగమం...

అనురాగ సంగమం.. ఆనంద సంగమం

చరణం 1 :

పాలు తేనె కలసి మెలసి జాలువారు సంగమం.... 

పాలు తేనె కలసి మెలసి జాలువారు సంగమం.... 

సాగిపోవు ఏరులన్నీ  

ఆగి చూచు సంగమం  ఆగి చూచు సంగమం.. 

ఆ...ఆ...ఆ...ఆ...ఆ...ఆ...ఆ...ఆ...ఆ...

ఆ...ఆ...ఆ...ఆ...ఆ...ఆ...ఆ...

సాగిపోవు ఏరులన్నీ  

ఆగి చూచు సంగమం..  ఆగి చూచు సంగమం

సంగమం... సంగమం.... 

అనురాగ సంగమం... ఆనంద సంగమం

చరణం 2 :

నింగి నేల.. నింగి నేల 

ఏకమైన నిరుపమాన సంగమం  

నిత్యమై సత్యమై నిలిచిపోవు సంగమం.. 

ఆ...ఆ...ఆ... ఆ...ఆ...ఆ...ఆ...ఆ...ఆ...

ఆ...ఆ...ఆ...ఆ...ఆ...ఆ...ఆ...ఆ...ఆ...ఆ..

నిత్యమై సత్యమై నిలిచిపోవు సంగమం.. 

నిలిచిపోవు సంగమం 

.

సంగమం....సంగమం....

అనురాగ సంగమం.. ఆనంద సంగమం

చరణం 3 :

జాతికన్న నీతి గొప్పది.. 

మతము కన్న మమత గొప్పది.

జాతికన్న నీతి గొప్పది.. 

మతము కన్న మమత గొప్పది...

మమతలు.. మనసులు ఐక్యమైనవి...

ఆ ఐక్యతే మానవతకు అద్దమన్నవీ...  

అద్దమన్నవీ...

సంగమం... సంగమం....

అనురాగ సంగమం.. ఆనంద సంగమం

పాటల ధనుస్సు  

పాడవోయి భారతీయుడా | Padavoyi Bharateeyuda | Song Lyrics | Velugu Needalu (1961)

పాడవోయి భారతీయుడా

చిత్రం :  వెలుగు నీడలు (1961)

సంగీతం :  పెండ్యాల

గీతరచయిత : శ్రీశ్రీ

నేపథ్య గానం :  ఘంటసాల, సుశీల 

పల్లవి :

పాడవోయి భారతీయుడా.. 

ఆడిపాడవోయి విజయగీతికా..ఆ..ఆ..

పాడవోయి భారతీయుడా.. 

ఆడిపాడవోయి విజయగీతికా..ఆ..ఆ..ఆ

పాడవోయి భారతీయుడా...

నేడే స్వాతంత్య్ర దినం.. వీరుల త్యాగఫలం..

నేడే స్వాతంత్య్ర దినం.. వీరుల త్యాగఫలం

నేడే నవోదయం...  నీదే ఆనందం..  

పాడవోయి భారతీయుడా.. 

ఆడిపాడవోయి విజయగీతికా..ఆ..ఆ..

పాడవోయి భారతీయుడా.... 

చరణం 1 :

ఓ..ఓ..ఓ...స్వాతంత్య్రం వచ్చెననీ సభలే చేసి 

సంబరపడగానే సరిపోదోయి..

స్వాతంత్య్రం వచ్చెననీ సభలే చేసి 

సంబరపడగానే సరిపోదోయి...

సాధించినదానికి సంతృప్తిని పొంది... 

అదే విజయమనుకుంటే పొరపాటోయి...

ఆగకోయి భారతీయుడా.. 

కదిలి సాగవోయి ప్రగతిదారులా..ఆ..ఆ..ఆ

ఆగకోయి భారతీయుడా.. 

కదిలి సాగవోయి ప్రగతిదారులా..ఆ..ఆ...

ఆగకోయి భారతీయుడా... 

చరణం 2 :

ఆకాశం అందుకొనే  ధరలొకవైపు.. 

అదుపులేని నిరుద్యోగమింకొకవైపూ..

ఆకాశం అందుకొనే  ధరలొకవైపు.. 

అదుపులేని నిరుద్యోగమింకొకవైపూ..

అవినీతి.. బంధుప్రీతి.. చీకటి బజారూ..

అలముకున్న నీ దేశమెటు దిగజారూ..

కాంచవోయి నేటి దుస్థితి..

ఎదిరించవోయి ఈ పరిస్థితి..ఈ..ఈ..ఈ

కాంచవోయి నేటి దుస్థితి..

ఎదిరించవోయి ఈ పరిస్థితి..ఈ..ఈ..ఈ

కాంచవోయి నేటి దుస్థితి... 

చరణం 3 :

పదవీవ్యామోహాలూ కులమతభేదాలూ.. 

భాషాద్వేషాలూ చెలరేగే నేడూ..

పదవీవ్యామోహాలూ కులమతభేదాలూ.. 

భాషాద్వేషాలూ చెలరేగే నేడూ..

ప్రతి మనిషి మరియొకని దోచుకునేవాడే..

ప్రతి మనిషి మరియొకని దోచుకునేవాడే.....

తన సౌఖ్యం తన భాగ్యం చూచుకునేవాడే..

స్వార్థమే అనర్థ కారణం..

అది చంపుకొనుటే క్షేమదాయకం..

స్వార్థమే అనర్థ కారణం..

అది చంపుకొనుటే క్షేమదాయకం..

స్వార్థమే అనర్థ కారణం...

సమసమాజనిర్మాణమే నీ ధ్యేయం..

నీ ధ్యేయం

సకలజనుల సౌభాగ్యమే నీ లక్ష్యం..

నీ లక్ష్యం

సమసమాజనిర్మాణమే నీ ధ్యేయం...

\సకల జనుల సౌభాగ్యమే నీ లక్ష్యం..

సమసమాజనిర్మాణమే నీ ధ్యేయం...

సకల జనుల సౌభాగ్యమే నీ లక్ష్యం..

ఏకదీక్షతో గమ్యం చేరిననాడే.. 

లోకానికి మన భారతదేశం 

అందించునులే శుభ సందేశం..

లోకానికి మన భారతదేశం 

అందించునులే శుభ సందేశం

లోకానికి మన భారతదేశం 

అందించునులే శుభ సందేశం

పాటల ధనుస్సు 

చిరునవ్వుల తొలకరిలో | Chiru Navvula | Song Lyrics | Chanakya Chandragupta (1977)

చిరునవ్వుల తొలకరిలో

చిత్రం: చాణక్య-చంద్రగుప్త (1977)

సంగీతం: పెండ్యాల

గీతరచయిత: సినారె

నేపథ్య గానం: బాలు, సుశీల

పల్లవి:

హ..హ..హ..హ..హ

చిరునవ్వుల తొలకరిలో..

గిరి మల్లెల చినుకులలో

చిరునవ్వుల తొలకరిలో..

గిరి మల్లెల చినుకులలో

పలికెనులే.. హృదయాలే..

పలికెనులే.. హృదయాలే..

తొలివలుపుల కలయికలో

చిరునవ్వుల తొలకరిలో..

గిరి మల్లెల చినుకులలో

చరణం 1:

వసంతాలు దోసిట దూసి..

విసిరేను నీ ముంగిలిలో

తారలనే దివ్వెలు చేసి..

వెలిగింతు నీ కన్నులలో

నీవే నా జీవనాడిగా...ఆ..ఆ

నీవే నా జీవనాడిగా..

ఎగిసేను గగనాల అంచులలో..

ఓ..ఓ.. విరియునులే ఆ గగనాలే..

నీ వెన్నెల కౌగిలిలో.. ఓ..ఓ..ఓ

చిరునవ్వుల తొలకరిలో..

గిరి మల్లెల చినుకులలో..ఓ

చరణం 2:

ఉరికే సెలయేరులన్నీ...

వొదిగిపోవు నీ నడకలలో

ఉరిమే మేఘా..ఆ.ఆ లన్నీ..

ఉలికి పడును నీ పలుకులలో

నీవే నా పుణ్యమూర్తిగా..ఆ..ఆ

నీవే నా పుణ్యమూర్తిగా..ఆ..

ధ్యానించు నా మధుర భావనలో..

ఓ..ఓ.. మెరియునులే ఆ భావనలే..

ఇరు మేనుల అల్లికలో..ఓ..ఓ

చిరునవ్వుల తొలకరిలో..

సిరిమల్లెల చినుకులలో..ఓ

ఆ..ఆ.. పలికెనులే.. హృదయాలే..

తొలివలుపుల కలయికలో.. ఓ..ఓ..ఓ..

చిరునవ్వుల తొలకరిలో..

గిరి మల్లెల చినుకులలో..

చిరునవ్వుల తొలకరిలో..

గిరి మల్లెల చినుకులలో..ఓ

పాటల ధనుస్సు