ఏమండోయ్ నిదుర లేవండోయ్
చిత్రం: చదువుకున్న అమ్మాయిలు (1963)
సంగీతం: ఎస్. రాజేశ్వరరావు
గీతరచయిత: దాశరథి
నేపధ్య గానం: ఆశాలత కులకర్ణి
పల్లవి:
ఏమండోయ్.. నిదుర లేవండోయ్
ఏమండోయ్.. నిదుర లేవండోయ్
ఎందుకు కలలో కలవరింత
ఎవరిని తలచి పలవరింత
ఎదుటకురాగా ఏల ఈ మగత
ఏమండోయ్.. నిదుర లేవండోయ్
చరణం 1:
ప్రేయసి నిద్దుర లేపుట..
మోము చూపుట
పెళ్ళికి తదుపరి ముచ్చట..
ముందు జరుగుట..
చాలా అరుదట
కమ్మని యోగం కలిసిరాగా
కన్నులు మూసి కపటమేల
బిగువు బింకం ఇంక చాలండోయ్
ఏమండోయ్..నిదుర లేవండోయ్
చరణం 2:
యువతులు దగ్గర చేరినచో
యువకులు ఉరకలు వేసెదరే
కోరిన కోమలి చేరగనే
కులుకులు అలుసైపోయినవా
కోరిన కోమలి చేరగనే
కులుకులు అలుసైపోయినవా
గురకలు తీసే కుంభకర్ణ
నటన మానండోయ్
ఏమండోయ్..నిదుర లేవండోయ్
చరణం 3:
నేనే వలచి రానిచో చెంత లేనిచో
నిదురే రాదని అంటిరి
బ్రతుకనంటిరి మోసగించిరి
నిద్రాదేవిని వీడకుంటే
ఉద్యోగాలు ఊడునండోయ్
నిద్రాదేవిని వీడకుంటే
ఉద్యోగాలు ఊడునండోయ్
ఇద్దరి ఆశలు ఇంక క్లోజండోయ్
ఏమండోయ్..నిదుర లేవండోయ్
ఏమండోయ్..నిదుర లేవండోయ్
- పాటల ధనుస్సు
