అమ్మోరి పండగని అయ్యింటికి పోతివి
జానపద గీతం
రచన : రామకృష్ణ దువ్వు
పల్లవి:
అమ్మోరి పండగని
అయ్యింటికి పోతివి
శంకరయ్య తోడుగ
అమ్మోరు కొలువాయె
తోడులేక ఇరహం లో
ఏగిపోయి వున్నాను
పరువాలను బిగకట్టి
బేగిరాయె కొండమ్మా
చరణం 1:
కొండమ్మా … ఓ కొండమ్మా..
గుండెలోన దిగులాయె
మెతుకు గొంతు దిగదాయె
అగ్గేసిన బొగ్గులారె
కుండలోన కూడు తరగదాయె
దాపుగ గాచిన సంపెంగలు
పడతేదని సంపుతుండె
గదిలోపల దీపాలారె మదిలోన
నీ ఊసె కవుకుతున్నాదే
అమ్మోరి పండగని
అయ్యింటికి పోతివి
శంకరయ్య తోడుగ
అమ్మోరు కొలువాయె
తోడులేక ఇరహం లో
ఏగిపోయి వున్నాను
పరువాలను బిగకట్టి
బేగిరాయె కొండమ్మా
చరణం 2:
మావా… నా మావా…
అయ్యింటిలో నేనున్నా
దేసంతా నీమీదే
నోటిలోన ముద్ద పెడితే
గొంతులోన ఆగిపోయె
నీ సూపులేక నా సొగసు
అమావాస్య కలువనాయె
ముద్దులన్ని మూటకట్టి
నీ కోసమె ఎలుపొచ్చా..
అమ్మోరి పండగని
అయ్యింటికి పోతిని
ఈ శంకరయ్య తోడుంటే
అమ్మోరిగ కొలువుంటా
నీవు నేను కలసుంటే
ఇరహాలే ఎగిరిపోవు
పరువాల విందులు
నా మామతో పొందులు
- రామకృష్ణ దువ్వు
కామెంట్లు లేవు:
కామెంట్ను పోస్ట్ చేయండి