కనరాని దేవుడే కనిపించినాడే | Kanarani Devude | Song Lyrics | Rangula Ratnam (1966)

కనరాని దేవుడే కనిపించినాడే

చిత్రం :  రంగులరాట్నం (1966)

సంగీతం :  ఎస్. రాజేశ్వరరావు

గీతరచయిత : దాశరథి

నేపధ్య గానం :  సుశీల

పల్లవి :

ఆ..ఆ..ఆ..ఆ..ఆ..ఆ

కనరాని దేవుడే కనిపించినాడే...

కనిపించి అంతలో...

కన్ను మరుగాయే...కన్ను మరుగాయే..

కనరాని దేవుడే కనిపించినాడే...

ఆ..ఆ..ఆ..ఆ 

చరణం 1:

అల నీలీగగనాన వెలిగే నీ రూపూ..

అల నీలీగగనాన వెలిగే నీ రూపూ

ఆనంద బాష్పాల మునిగే నా చూపూ...

మనసారా నిను చూడలేనైతి స్వామీ...

కరుణించి ఒకసారి కనిపించవేమీ... 

చరణం 2:

అందాల కన్నయ్య కనిపించగానే...

బృందావనమెల్ల పులకించిపొయే...

యమునమ్మ కెరటాల నెలరాజు నవ్వే...

నవ్వులో రాధమ్మ స్నానాలు చేసే...

ఆ..ఆ..ఆ..ఆ 

చరణం 3:

వలపుతో పెనవేయు పారిజాతమునై... 

ఎదమీద నిదురించు అడియాశ లేదూ

గడ్డిలో విరబూయు కన్నె కుసుమమునై... 

నీ చరణకమలాల నలిగి పోనీయవా...

ఆ..ఆ..ఆ..ఆ..

కనరాని దేవుడే కనిపించినాడే...

కనిపించి అంతలో కన్ను మరుగాయే ... 

కన్ను మరుగాయే..

- పాటల ధనుస్సు