నీ చూపులోనా విరజాజివానా
చిత్రం: పిల్ల జమిందార్ (1980)
సంగీతం: చక్రవర్తి
నేపధ్య గానం: బాలు, సుశీల, ఎస్. పి. శైలజ
రచన : వడ్డేపల్లి కృష్ణ ,
పల్లవి:
నీ చూపులోనా.. విరజాజివానా
ఆ వానలోనా నేను తడిసేనా.. హాయిగా
నీ నవ్వులోనా.. రతనాల వానా
ఆ వానలోనా నేను మరిచేనా... తీయగా
చరణం 1:
ఆ వెన్నెలేమో.. పరదాలు వేసే
నీ వన్నెలేమో.. సరదాలు చేసే
ఆ వెన్నెలేమో.. పరదాలు వేసే
నీ వన్నెలేమో.. సరదాలు చేసే
వయసేమో పొంగిందీ... వలపేమొ రేగిందీ
వయసేమో పొంగిందీ... వలపేమొ రేగిందీ
కనివిని ఎరుగని తలపులు చిగురించే...
నీ చూపులోనా.. విరజాజివానా
ఆ వానలోనా నేను తడిసేనా.. హాయిగా
నీ నవ్వులోనా.. వడగళ్ల వానా
ఆ వానలోనా నేను మునిగేనా... తేలనా
చరణం 2:
చిరుగాలిలోనా... చిగురాకు ఊగే
చెలి కులుకులోనా... పరువాలు ఊగే
ఈ పాల రేయీ... మురిపించె నన్ను...
మురిపాలలోనా... ఇరికించె నన్ను...
గిలిగింత కలిగించే... మనసంత పులకించే...
జాబిల్లి కవ్వించే... నిలువెల్ల దహియించే...
చెరగని.. తరగని.. వలపులు కురిపించే...
నీ చూపులోనా... విరజాజివానా
ఆ వానలోనా నేను తడిసేనా... హాయిగా
నీ నవ్వులోనా... రతనాల వానా
ఆ వానలోనా నేను మరిచేనా... తీయగా
- పాటల ధనుస్సు
కామెంట్‌లు లేవు:
కామెంట్‌ను పోస్ట్ చేయండి