చిక్కావు చేతిలో చిలకమ్మా | Chikkavu Chetilo Chilakamma | Song Lyrics | Vichitra Bandham (1972)

చిక్కావు చేతిలో చిలకమ్మా

చిత్రం :  విచిత్ర బంధం (1972)

సంగీతం :  కె.వి. మహదేవన్

గీతరచయిత :  కొసరాజు

నేపధ్య గానం :  రామకృష్ణ 

పల్లవి :

చిక్కావు చేతిలో చిలకమ్మా.. 

నీవు  ఎక్కడికీ పోలేవు 

ఆగవమ్మా.. హా.. హా..

చిక్కావు చేతిలో చిలకమ్మా.. 

నీవు ఎక్కడికీ పోలేవు 

ఆగవమ్మా.. హా.. హా..

చిక్కావు చేతిలో చిలకమ్మా.. 

చరణం 1 :

నీ కోరచూపు చూచి.. 

బెదిరి పోదునా

కస్సు బుస్సు మనగానే.. 

అదిరిపోదునా 

పొగరంతా అణిగిందా.. 

పొగరంతా.. అణిగిందా 

బిగువంతా తగ్గిందా

తప్పు ఒప్పుకుంటావా.. 

చెంపలేసుకుంటావా 

చిక్కావు చేతిలో చిలకమ్మా.. 

నీవు ఎక్కడికీ పోలేవు ఆగవమ్మా

ఆ.. ఆ.. ఆ.. 

చిక్కావు చేతిలో చిలకమ్మా... 

చరణం 2 :

కల్లబొల్లి మాటలతో 

కైపెక్కిస్తావా

హొయలు వగలు చూపించీ 

వల్లో వేస్తావా

నాటకాలు ఆడేవా 

నాటకాలు ఆడేవా.. 

నవ్వులపాలు చేసేవా...

నీ టక్కులు సాగవమ్మా.. 

నీ పప్పులు ఉడకవమ్మా 

చిక్కావు చేతిలో చిలకమ్మా.. 

నీవు ఎక్కడికీ పోలేవు ఆగవమ్మా

ఆ... ఆ... ఆ... 

చిక్కావు చేతిలో చిలకమ్మా...

చరణం 3 :

మోసాన్ని మోసంతోటే 

పందె మేసి గెలిచాను

వేషానికి వేషం వేసీ 

ఎదురుదెబ్బ తీశాను

మోసాన్ని మోసం తోటే 

పందె మేసి గెలిచాను

వేషానికి వేషం వేసీ 

ఎదురుదెబ్బ తీశాను

గర్వాన్ని వదిలించీ.. 

గర్వాన్ని వదిలించీ

కళ్ళు బాగా తెరిపించీ.. 

కాళ్ళ బేరానికి నిన్నూ 

రప్పించాను 

చిక్కావు చేతిలో చిలకమ్మా.. 

నీవు ఎక్కడికీ పోలేవు ఆగవమ్మా

ఆ.. ఆ.. ఆ.. 

చిక్కావు చేతిలో చిలకమ్మా...

- పాటల ధనుస్సు 

చల్లని బాబూ నా అల్లరి బాబూ | Challani Babu Naa Allari Babu | Song Lyrics | Vichitra Bandham (1972)

చల్లని బాబూ నా అల్లరి బాబూ 

చిత్రం :  విచిత్ర బంధం (1972)

సంగీతం :  కె.వి. మహదేవన్

గీతరచయిత :  దాశరథి

నేపధ్య గానం :  ఘంటసాల, సుశీల

పల్లవి :

చల్లని బాబూ... నా అల్లరి బాబూ

నా కంటి పాపవు నీవే

మా ఇంటి దీపం నీవే

చల్లని బాబూ... నా అల్లరి బాబూ 

చరణం 1 :

పంచవన్నెల రామచిలకను... 

పలకరించబోయేవు

పంచవన్నెల రామచిలకను... 

పలకరించబోయేవు

వింతచేష్టల కోతుల చూసి 

గంతులెన్నో వేసేవు

నీ పలుకులు వింటూ పరుగులు 

చూస్తూ పరవశమైపోతాను 

బాబూ...

చల్లని బాబూ... నా అల్లరి బాబూ

నా కంటిపాపవు నీవే... 

మా ఇంటి దీపం నీవే 

చరణం 2 :

ఎన్నెన్నో ఆశలతోటి 

ఎదురు చూస్తూ ఉన్నాను

వెచ్చని ఒడిలో నిన్ను దాచి 

ముచ్చటలెన్నో చెబుతాను

ఎన్నెన్నో ఆశలతోటి 

ఎదురు చూస్తూ ఉన్నాను

వెచ్చని ఒడిలో నిన్ను దాచి 

ముచ్చటలెన్నో చెబుతాను

అమ్మా నాన్నల అనురాగంలో 

అపురూపంగా పెరిగేవు 

చల్లని బాబూ... నా అల్లరి బాబూ

నా కంటి పాపవు నీవే 

మా ఇంటి దీపం నీవే

చరణం 3 :

నీ బాబును తల్లి ఆదరించునని 

భ్రమపడుతున్నావా

చితికిపోయిన మగువ మనసులో 

మమతలు వెతికేవా 

నీవు చేసిన అన్యాయాన్ని 

మరచిందనుకున్నవా

నీ ఆలోచనలు అనుబంధాలు 

అడియాసలుకావా

- పాటల ధనుస్సు 

భాగ్యనగర గాథా | Bhagyanagara Gadha | Burrakatha Lyrics | Vichitra Bandham (1972)

భాగ్యనగర గాథా

చిత్రం :  విచిత్ర బంధం (1972)

సంగీతం :  కె.వి. మహదేవన్

గీతరచయిత :  ఆచార్య ఆత్రేయ 

నేపధ్య గానం :  ఘంటసాల, సుశీల

పల్లవి :

భళి భళి వినరా ఆంధ్ర కుమారా 

భాగ్యనగర గాథా మన రాజధాని గాథా

వలపులవంతెన మూసీ నదిపై 

వెలసినట్టి గాథా

మన రాజధాని గాథా 

గోలుకొండను ఏలుచుండెను 

గొప్పగ మల్కిభరాం

ఓయ్...గొప్పగ మల్కిభరాం

ఆతని కొడుకు అందాల రాజు...  

కులీ కుతుబ్ షా

కులీ కుతుబ్ షా

చంచలపల్లెను వసించుచుండెను

నర్తకి భాగమతి... నర్తకి భాగమతి

సరసుడు యువరాజామెను చూసి

మనసునిచ్చినాడు...  

తందాన తాన తానతందనాన

చరణం 1 :

కలల జల్లుల కారుమబ్బులు 

కాటుకలద్దిన కన్నులు

మబ్బు విడిచిన చంద్రబింబము 

మగువ చక్కని వదనము

మెల్లమెల్లగ హృదయ వీణను 

మీటగలవీ లేతవేళ్ళు

ఘల్లుఘల్లున గుండె ఝల్లన 

కదలి ఆడును కన్నెకాళ్ళు

అందరి కన్నులు నా మీద...  

నా కన్నులు మాత్రం నీ మీద...  

శభాష్ 

అందరి కన్నులు నా మీద...  

నా కన్నులు మాత్రం నీ మీద

కాసులు విసిరే చేతులకన్నా...  

కలసీ నడిచే కాళ్ళేమిన్నా

మనుగడకోసం పాడుతువున్న... 

ఆ..ఆ..ఆ..ఆ

మనసున నిన్నే పూజిస్తున్నా

అందరి కన్నులు నా మీద...  

నా కన్నులు మాత్రం నీ మీద..

నీ మీద..నీ మీద..నీ మీద

నింగివి నీవు రంగుల హరివిల్లు నీవు

పూర్ణిమ నీవు...  పొంగే కడలివి నీవు

నీ మువ్వలలో...  నీ నవ్వులలో

నీ మువ్వలలో...  నీ నవ్వులలో

మురిసింది మూసీ...  

విరిసింది నీ ప్రణయదాసి

ఆహాహా..ఆహాహా .... ఆహాహా..ఆహాహా...

అందరి కన్నులు నా మీద...  

నా కన్నులు మాత్రం నీ మీద..

నీ మీద..నీ మీద..నీ మీద

 

చరణం 2 :

రారా నా ప్రియతమా...  

రారా నా హృదయమా

నా వలపే నిజమైతే...  

ఈ పిలుపు నీవు వినాలి

రారా నా ప్రియతమా...

నేనీ ఇలలోన...  నువ్వా గగనాన

మూసీనది చేసినది ప్రళయ గర్జన

పెను తుఫాను వీచినా...  

ఈ ప్రమిద ఆరిపోదురా

వరద వచ్చి ముంచినా...  

ఈ బ్రతుకు నీది నీదిరా

రా  రా రా ప్రియతమా... 

రా రా రా ప్రియతమా... 

రా రా రా ప్రియతమా 

పిలుపును విన్న యువరాజు... సై

పెటపెటలాడుచు లేచెను... సై

ఎదురైన పహరావారిని... సై

ఎక్కడికక్కడకూల్చెను...  సై

ఉరుముల మెరుపుల వానల్లో... సై

ఉరికెను మూసీ నదివైపు...

ఆవలి ఒడ్డున బాగమతి... 

ఈవల ప్రేమ సుధామూర్తి

ప్రియా... ఓ ప్రియా... ప్రియా... ప్రియా

ఓ ప్రియా ప్రియా...  

అను పిలుపులు దద్దరిల

వరదనెదిర్చి వలపు జయించి... 

ఒదిగిరి కౌగిలిలో

మల్కిభరామా పవిత్రప్రేమకు 

మనసు మారిపోయి

చార్మినారూ పురానపూలు... 

చరితగ నిర్మించె

భాగమతి పేరిట వెలసెను 

భాగ్యనగరమపుడు

భాగమతి పేరిట వెలసెను 

భాగ్యనగరమపుడు

మన రాజథాని ఇపుడు...

మన రాజథాని ఇపుడు

- పాటల ధనుస్సు 

చీకటి వెలుగుల రంగేళీ | Cheekati Velugula Rangeli | Song Lyrics | Vichitra Bandham (1972)

చీకటి వెలుగుల రంగేళీ

చిత్రం :  విచిత్ర బంధం (1972)

సంగీతం :  కె.వి. మహదేవన్

గీతరచయిత :  ఆచార్య ఆత్రేయ

నేపధ్య గానం :  ఘంటసాల,  సుశీల

పల్లవి :

చీకటి వెలుగుల రంగేళీ.. 

జీవితమే ఒక దీపావళి

చీకటి వెలుగుల రంగేళీ.. 

జీవితమే ఒక దీపావళి

మన జీవితమే ఒక దీపావళి..

అందాల ప్రమిదల ఆనంద జ్యోతుల

ఆశల వెలిగించు దీపాల వెల్లి

చీకటి వెలుగుల రంగేళీ.. 

జీవితమే ఒక దీపావళి

మన జీవితమే ఒక దీపావళి

చరణం 1 :

అక్కయ్య కన్నుల్లో మతాబులు.. 

ఏ చక్కన్ని బావకో జవాబులు

మాటల్లో వినిపించు చిటపటలు.. 

మాటల్లో వినిపించు చిటపటలు

ఏ మనసునో కవ్వించు గుసగుసలు..

లలలా ఆహహహా ఆ.. ఆ.. ఆ..

చీకటి వెలుగుల రంగేళీ.. 

జీవితమే ఒక దీపావళి

మన జీవితమే ఒక దీపావళి

చరణం 2 :

అల్లుళ్ళు వస్తారు అత్తవారిళ్ళకు.. 

మరదళ్ళు చేస్తారు మర్యాద వాళ్ళకు

బావా బావా పన్నీరు.. 

బావను పట్టుక తన్నేరు

బావా బావా పన్నీరు.. 

బావను పట్టుక తన్నేరు

వీధి వీధి తిప్పేరు .. 

వీసెడు గుద్దులు గుద్దేరు

అహహహహ

చీకటి వెలుగుల రంగేళీ.. 

జీవితమే ఒక దీపావళి

మన జీవితమే ఒక దీపావళి

చరణం 3 :

అమ్మాయి పుట్టింది అమాసనాడు..

అసలైన గజదొంగ అవుతుంది చూడు..

పుట్టినరోజున దొరికాడు తోడు..

పున్నమి నాటికి అవుతాడు జోడు..

అహహహా ఆహహహా ఆ.. ఆ.. ఆ..

చీకటి వెలుగుల రంగేళీ.. 

జీవితమే ఒక దీపావళి

మన జీవితమే ఒక దీపావళి

- పాటల ధనుస్సు 

వయసే ఒక పూలతోట | Vayase Oka Poola thota | Song Lyrics | Vichitra Bandham (1972)

వయసే ఒక పూలతోట..

చిత్రం : విచిత్ర బంధం (1972)

సంగీతం : కె.వి. మహదేవన్

సాహిత్యం : దాశరథి

గానం : రామకృష్ణ, సుశీల 

పల్లవి :

వయసే ఒక పూలతోట..

వలపే ఒక పూలబాట

ఆ తోటలో ఆ బాటలో..

పాడాలి తియ్యని పాట..

పాడాలి తియ్యని పాట

వయసే ఒక పూలతోట..

వలపే ఒక పూలబాట

ఆ తోటలో ఆ బాటలో..

పాడాలి తియ్యని పాట..

పాడాలి తియ్యని పాట   

చరణం 1 :

పాల బుగ్గలు ఎరుపైతే హ..

లేత సిగ్గులు ఎదురైతే హహ..

పాల బుగ్గలు ఎరుపైతే హా..

లేత సిగ్గులు ఎదురైతే

రెండు మనసులు ఒకటైతే..

పండు వెన్నెల తోడైతే

రెండు మనసులు ఒకటైతే..

పండు వెన్నెల తోడైతే

కోరికలే తీరేనులే..

పండాలి వలపుల పంట..

పండాలి వలపుల పంట

చరణం 2 :

నీ కంటి కాటుక చీకటిలో.. 

పగలు రేయిగ మారెనులే

నీ కంటి కాటుక చీకటిలో..

పగలు రేయిగ మారెనులే

నీ కొంటెనవ్వుల కాంతులలో..

రేయి పగలైపొయెనులే

నీ కొంటెనవ్వుల కాంతులలో..

రేయి పగలైపొయెనులే

నీ అందము నా కోసమే..

నీ మాట.. ముద్దుల మూట..

నీ మాట.. ముద్దుల మూట

చరణం 3 :

పొంగిపొయే పరువాలు హ.

నింగినంటే కెరటాలు హహ..

పొంగిపొయే పరువాలు హా..

నింగినంటే కెరటాలు

చేరుకున్నవి తీరాలు..

లేవులే ఇక దూరాలు

చేరుకున్నవి తీరాలు..

లేవులే ఇక దూరాలు

ఏనాటికి మన మొక్కటే

ఒక మాట ఇద్దరి నోట..

ఒక మాట ఇద్దరి నోట

వయసే ఒక పూలతోట..

వలపే ఒక పూలబాట..

ఆ తోటలో ఆ బాటలో

పాడాలి తియ్యని పాట..

పాడాలి తియ్యని పాట

పాటల ధనుస్సు  

అందమైన జీవితము అద్దాల సౌధము | Andamaina Jeevithamu | Song Lyrics | Vichitra Bandham (1972)

అందమైన జీవితము.. అద్దాల సౌధము

చిత్రం :  విచిత్ర బంధం (1972)

సంగీతం :  కె.వి. మహదేవన్

గీతరచయిత :  ఆచార్య ఆత్రేయ

నేపధ్య గానం :  సుశీల, ఘంటసాల 

పల్లవి :

అందమైన జీవితము.. అద్దాల సౌధము..

చిన్నరాయి విసిరినా.. చెదరిపోవును

ఒక్క తప్పు చేసినా.. ముక్కలే మిగులును 

అందమైన జీవితము అద్దాల సౌధము

చిన్నరాయి విసిరినా.. చెదరిపోవును

ఒక్క తప్పు చేసినా ముక్కలే మిగులును

అందమైన జీవితము.. అద్దాల సౌధము

చరణం 1 :

నిప్పువంటి వాడవు తప్పు చేసినావు.. 

ఎంత తప్పు చేసినావు

క్షణికమైన ఆవేశం మనసునే చంపింది.. 

నిన్ను పశువుగా మార్చింది

నీ పడుచుదనం దుడుకుతనం 

పంతాలకి పోయింది

పచ్చనైన నీ బ్రతుకుని పతనానికి లాగింది.. 

నిన్ను బలిపశువును చేసింది 

అందమైన జీవితము.. అద్దాల సౌధము

చరణం 2 :

ఎవరిది ఈ నేరమని ఎంచి చూడదు..

లోకం ఎంచి చూడదు 

ఏదో పొరపాటని మన్నించదు.. 

నిన్ను మన్నించదు

అరిటాకు వంటిది ఆడదాని శీలము.. 

అరిటాకు వంటిది ఆడదాని శీలము 

ముల్లు వచ్చి వాలినా.. తాను కాలు జారినా..

ముప్పు తనకే తప్పదు.. 

ముందు బ్రతుకె వుండదు 

అందమైన జీవితము.. అద్దాల సౌధము

చిన్నరాయి విసిరినా చెదరిపోవును

ఒక్క తప్పు చేసినా ముక్కలే మిగులును

అందమైన జీవితము.. అద్దాల సౌధము

పాటల ధనుస్సు 

అమ్మా అమ్మా అని పిలిచావు Amma Amma ani | Song Lyrics | Vichitra Bandham (1972)

 అమ్మా.. అమ్మా అని పిలిచావు

చిత్రం :  విచిత్ర బంధం (1972)

సంగీతం :  కె.వి. మహదేవన్

గీతరచయిత :  ఆచార్య ఆత్రేయ

నేపధ్య గానం :  సుశీల  

పల్లవి :

అమ్మా.. అమ్మా.. అని పిలిచావు.. ఆ కమ్మనైన పిలుపుతో కట్టేశావు

ఏ తల్లి కన్న బాబువో.. నా కాళ్ళకు బంధం అయినావు

అమ్మా.. అమ్మా.. అని పిలిచావు.. ఆ కమ్మనైన పిలుపుతో కట్టేశావు

ఏ తల్లి కన్న బాబువో.. నా కాళ్ళకు బంధం అయినావు     

చరణం 1 :

ఎవరికీ మనసివ్వని దానను..  ఏ మమతకూ నోచుకోని బీడును

ఎవరికీ మనసివ్వని దానను..  ఏ మమతకూ నోచుకోని బీడును 

మోడులా యీ బ్రతుకును మోశాను..

మోడులా ఈ బ్రతుకును మోశాను..

నీ ముద్దుమోము చూచి మరల మొలకెత్తాను  

అమ్మా..  అమ్మా అని పిలిచావు.. ఆ కమ్మనైన పిలుపుతో కట్టేశావు

ఏ తల్లి కన్న బాబువో.. నా కాళ్ళకు బంధం అయినావు 

చరణం 2 :

కన్నతల్లి ఎవ్వరో ఎరుగవు నువ్వు.. కడుపు తీపి తీరని తల్లిని నేను

కన్నతల్లి ఎవ్వరో ఎరుగవు నువ్వు.. కడుపు తీపి తీరని తల్లిని నేను 

కాలమే ఇద్దరినీ కలిపింది ఎందుకో..

కాలమే ఇద్దరినీ కలిపింది ఎందుకో..

ఒకరి కొరత నింకొకరు తీర్చుకునేటందుకో 

అమ్మా.. అమ్మా అని పిలిచావు.. ఆ కమ్మనైన పిలుపుతో కట్టేశావు

ఏ తల్లి కన్న బాబువో... నా కాళ్ళకు బంధం అయినావు

అమ్మా.. అమ్మా అని పిలిచావు .. 

- పాటల ధనుస్సు