చెక్కిలి మీద కెంపులు మెరిసే | Chekkilimeeda Kempulu merise | Song Lyrics | Bangaru Kalalu (1974)

చెక్కిలి మీద కెంపులు మెరిసే చిలకమ్మా

చిత్రం :  బంగారు కలలు (1974)

సంగీతం :  ఎస్. రాజేశ్వరరావు

గీతరచయిత :  ఆరుద్ర

నేపధ్య గానం :  సుశీల, రామకృష్ణ

పల్లవి:

చెక్కిలి మీద కెంపులు మెరిసే చిలకమ్మా

చక్కదనాల ముక్కున కోపం ఏలమ్మా

చెలికానిపై అలకెందుకే.. 

నీ జతగానితో తగవెందుకే..

చిలకను చూసి సిగ్గుపడే ఓ గోరింకా...

వలపే కానీ నీపై అలక లేదింకా

అనురాగమే గెలిచిందిలే.. 

నీ మనసేమిటో తెలిసిందిలే..

చరణం 1:

గగనాన మేఘం తొలగిందిలే...

రవి మోము నేడు వెలిగిందిలే..

గగనాన మేఘం తొలగిందిలే...

రవి మోము నేడు వెలిగిందిలే..

అనుమానాలు తీరాలి.. 

అభిమానాలు పెరిగాయి..

అనురాగమే గెలిచిందిలే.. 

నీ మనసేమిటో తెలిసిందిలే..

చెక్కిలి మీద కెంపులు మెరిసే చిలకమ్మా

చక్కదనాల ముక్కున కోపం ఏలమ్మా

చెలికానిపై అలకెందుకే..

చరణం 2:

నా ప్రేమగీతం.. నీవేలే

ఆపాతభావం.. నీవేలే...

నా ప్రేమగీతం.. నీవేలే

ఆపాతభావం.. నీవేలే...

కమ్మని రాగం నీవైతే.. 

కలిసిన తాళం నీవైతే...

ఆ గానమే.. మన ప్రాణము..

నీ మీదనే... నా ధ్యానము..

చెక్కిలి మీద కెంపులు మెరిసే చిలకమ్మా

చక్కదనాల ముక్కున కోపం ఏలమ్మా

చెలికానిపై అలకెందుకే..

చరణం 3:

నీ బుగ్గ మీద నే చుక్కనే..

పాదాల పైనా పారాణినే...

నీ బుగ్గ మీద నే చుక్కనే..

పాదాల పైనా పారాణినే...

పచ్చని పెళ్ళిపందిరిలో.. 

ముచ్చట గొలిపే సుందరినే...

ఈనాటితో నవజీవనం... 

మన జీవితం బృందావనం...

చెక్కిలి మీద కెంపులు మెరిసే చిలకమ్మా

చక్కదనాల ముక్కున కోపం ఏలమ్మా

అనురాగమే గెలిచిందిలే..

నీ మనసేమిటో తెలిసిందిలే..

- పాటల ధనుస్సు

నీ కన్నులలో నే చూశానులే | Nee Kannulalo Ne Chusanule | Song Lyrics | Bangaru Kalalu (1974)

నీ కన్నులలో నే చూశానులే

చిత్రం :  బంగారు కలలు (1974)

సంగీతం :  ఎస్. రాజేశ్వరరావు

గీతరచయిత :  దాశరథి

నేపధ్య గానం :  సుశీల, రామకృష్ణ

పల్లవి :

నీ కన్నులలో నే చూశానులే.. 

నీ కన్నులలో నే చూశానులే..  

అది నా రూపమే

అందుకనే యిద్దరిదీ వీడని బంధం..  

ఈ అనుబంధం

నా హృదయంలో నే దాచానులే.. 

అది నీ రూపమే

అందుకనే యిద్దరిదీ వీడని బంధం.. 

ఈ అనుబంధం  

చరణం 1 :

పున్నమి వెన్నెలలో కన్నులు కలిపావూ..

చిటపట చినుకులలో  చెంతకు చేరావూ

పున్నమి వెన్నెలలో కన్నులు కలిపావూ..

చిటపట చినుకులలో  చెంతకు చేరావూ

చలి చలి గాలులలో వలపులు రేపావు

అందుకనే తొందరగా మెడలో తాళి.. 

మెరిపించాలి

నా హృదయంలో నే దాచానులే..  

అది నీ రూపమే

అందుకనే యిద్దరిదీ వీడని బంధం..  

ఈ అనుబంధం 

చరణం 2 :

అల్లరి చూపులతో ఆశలు పెంచావూ.. 

చల్లని మాటలతో మల్లెలు చల్లావూ

అల్లరి చూపులతో ఆశలు పెంచావూ..  

చల్లని మాటలతో మల్లెలు చల్లావూ

తీయని నవ్వులతో తేనెలు చిందావూ

అందుకనే తొందరగా.. ఆలూ మగలం..  

అయితే అందం     

నీ కన్నులలో నే చూశానులే.. 

అది నా రూపమే

అందుకనే యిద్దరిదీ వీడని బంధం.. 

ఈ అనుబంధం 

నా హృదయంలో నే దాచానులే.. 

అది నీ రూపమే

అందుకనే యిద్దరిదీ వీడని బంధం..  

ఈ అనుబంధం

- పాటల ధనుస్సు