గోవుల్లు తెల్లన గోపయ్య నల్లనా
చిత్రం : సప్తపది (1981)
సంగీతం : కె.వి. మహదేవన్
గీతరచయిత : వేటూరి
నేపథ్య గానం : ఎస్ పి బాలు, ఎస్ జానకి
పల్లవి :
గోవుల్లు తెల్లన... గోపయ్య నల్లనా...
గోధూళి ఎర్రనా... ఎందువలనా...
గోవుల్లు తెల్లన... గోపయ్య నల్లనా...
గోధూళి ఎర్రనా... ఎందువలనా...
గోధూళి ఎర్రనా ఎందువలనా...
చరణం 1 :
తెల్లావు కడుపుల్లో కర్రావులుండవా...
ఎందుకుండవ్
కర్రావు కడుపునా ఎర్రావు పుట్టదా...
ఏమో
తెల్లావు కడుపుల్లో కర్రావులుండవా
కర్రావు కడుపునా ఎర్రావు పుట్టదా
గోపయ్య ఆడున్నా గోపెమ్మ ఈడున్నా
గోధూళి కుంకుమై గోపెమ్మకంటదా
ఆ పొద్దు పొడిచేనా....
ఈ పొద్దు గడిచేనా....
ఎందువలనా అంటే అందువలనా
ఎందువలనా అంటే దైవఘటనా
గోవుల్లు తెల్లన... గోపయ్య నల్లనా
గోధూళి ఎర్రనా... ఎందువలనా
హొయ్ ఒయ్ గోధూళి ఎర్రనా
ఎందువలనా
చరణం 2 :
పిల్లనగ్రోవికీ నిలువెల్ల గాయాలూ...
పాపం
అల్లన మోవికీ తాకితే గేయాలూ...
హా హా హా...
పిల్లనగ్రోవికీ నిలువెల్ల గాయాలూ
అల్లన మోవికీ తాకితే గేయాలూ
ఆ మురళి మూగైనా...
ఆ పెదవి మోడైనా
ఆ గుండె గొంతులో...
ఈ పాట నిండదా
ఈ కడిమీ పూసేనా...
ఆ కలిమీ చూసేనా....
ఎందువలనా అంటే
అందువలనా
ఎందువలనా అంటే
దైవఘటనా
గోవుల్లు తెల్లన గోపయ్య నల్లనా
గోధూళి ఎల్లనా ఎందువలనా
గోధూళి ఎర్రనా ఎందువలనా
లలాల లాలలా లల్లల...
- పాటల ధనుస్సు
కామెంట్లు లేవు:
కామెంట్ను పోస్ట్ చేయండి