కలువపూల చెంత చేరి | Kaluva Poola Chentha Cheri | Song Lyrics | Ekaveera (1969)

కలువపూల చెంత చేరి 

చిత్రం : ఏకవీర (1969)

సంగీతం : కె.వి. మహదేవన్

గీతరచయిత : సి.నారాయణరెడ్డి 

నేపథ్య గానం : ఎస్ పి బాలు 

పల్లవి : 

కలువపూల చెంత చేరి 

కైమోడుపు సేతును

నా కలికి మిన్న కన్నులలో 

కలకలమని విరియాలని

మబ్బులతో ఒక్కమారు 

మనవి చేసికొందును

నా అంగన ఫాలాంగణమున 

ముంగురులై కదలాలని

చరణం 1:

చుక్కలతో ఒక్కసారి 

సూచింతును

నా ప్రేయసి నల్లని వాల్జడ 

సందుల మల్లియలై మొలవాలని

పూర్ణ సుధాకర బింబమ్మునకు 

వినతి సేతును

నా పొలతికి ముఖబింబమై 

కళలు దిద్దుకోవాలని

చరణం 2:

ప్రకృతి ముందు చేతులెత్తి 

ప్రార్థింతును కడసారిగా...

నా రమణికి బదులుగ 

ఆకారం ధరియించాలని 

- పాటల ధనుస్సు