రాముడు లోకాభిరాముడు | Ramudu Lokabhiramudu | Song Lyrics | Annamacharya Keerthana

రాముడు లోకాభిరాముడు

సాహిత్యం : శ్రీ తాళ్ళపాక అన్నమాచార్య 

ఆల్బం : శ్రీరామ గానామృతం 

గానం : ఎస్ పి బాలసుబ్రహ్మణ్యం 

పల్లవి :

రాముడు లోకాభిరాముడు ఆముక

విజయనగరమందునున్న వాడు

చరణం 1 :

చక్కదనముల వాడు, జానకీవల్లభుడు

గక్కున శబరి పూజ గైకొన్న వాడు

వెక్కసమైన పైడి విల్లమ్ముల వాడు

రక్కసుల వైరి దశరథనందనుడు

చరణం 2 :

సరథి గట్టిన వాడు చాయ నల్లని వాడు

యిరవుయై సుగ్రీవాదులనేలినవాడు

సరి భరత శతృఘ్న సౌముత్రి సేవితుడు

అరిది మునులకు అభయమిచ్చిన వాడు

చరణం 3 :

అట్టి కౌసల్యాత్మజుడు ,అయోధ్యాపతైన వాడు

వట్టి తారక బ్రహ్మమై ఉండేటి వాడు

గుట్టుతో వరములిచ్చె కోనేటి దండ వాడు

పట్టపు శ్రీవేంకటాద్రి పై వరగినవాడు

- పాటల ధనుస్సు 

జయ జయ రామా సమరవిజయ రామా | Jaya Jaya Rama | Song Lyrics | Annamacharya Keerthana

జయ జయ రామా సమరవిజయ రామా

సాహిత్యం : శ్రీ తాళ్ళపాక అన్నమాచార్య 

ఆల్బం : శ్రీరామ గానామృతం 

గానం : ఎస్ పి బాలసుబ్రహ్మణ్యం 

పల్లవి :

జయ జయ రామా సమరవిజయ రామా

భయహర నిజభక్తపారీణ రామా

చరణం 1 :

జలధి బంధించిన సౌమిత్రిరామా

సెలవిల్లు విరిచిన సీతారామా

అలసుగ్రీవునేలిన అయోధ్యరామా

కలగి యజ్ఞముగాచే కౌసల్యరామా

చరణం 2 :

అరిరావణాంతక ఆదిత్యకులరామా

గురుమౌనులను గాచే కోదండరామా

ధర నహల్యపాలిటి దశరథరామా

హరురాణినుతుల లోకాభిరామా

చరణం 3 :

అతిప్రతాపముల మాయామృగాంతక రామా

సుతకుశలవప్రియ సుగుణ రామా

వితత మహిమల శ్రీవేంకటాద్రిరామా

మతిలోన బాయని మనువంశ రామా

- పాటల ధనుస్సు 

రామా దయాపర సీమా | Rama Dayapara seema | Song Lyrics | Annmacharya Keerthana

రామా దయాపర సీమా 

సాహిత్యం : శ్రీ తాళ్ళపాక అన్నమాచార్య 

రాగం: బౌళి 

ఆల్బం : శ్రీరామ గానామృతం 

గానం : పి సుశీల 

పల్లవి :

రామా దయాపరసీమా అయోధ్యపుర

ధామా మావంటివారితప్పులు లోగొనవే

చరణం 1 :

అపరాధియైనట్టియాతనితమ్మునినే

కృపజూపితివి నీవు కింకలు మాని

తపియించి యమ్ము మొన దారకుజిక్కినవాని

నెపాన గాచి నిడిచి నీవాదరించితివి

చరణం 2 :

సేయరాని ద్రోహము సేసినపక్షికి నీవి

పాయక అప్పటి నభయమిచ్చితి

చాయసేసుకొని వుండి స్వామి ద్రోహి జెప్పనట్టి

తోయపుటేటెని మంచితోవనే పెట్టితివి

చరణం 3 :

నేరము లెంచవు నీవు నీదయే చూపుదుగాని

బీరపు శరణాగరబిరుద నీవు

చేరి నేడు నిలుచుండి శ్రీవేంకటాద్రిమీద

గోరినవరములెల్లా కొల్ల లొసగితివి

- పాటల ధనుస్సు 

రామచంద్రుడితడు రఘువీరుడు | Ramachandrudithadu | Song Lyrics | Annamacharya Keerthana

రామచంద్రుడితడు రఘువీరుడు

సాహిత్యం : శ్రీ తాళ్ళపాక అన్నమాచార్య 

రాగం: ద్విజావంతి

తాళం: ఆది త్రిశ్ర గతి

ఆల్బం : శ్రీరామ గానామృతం 

గానం : పి సుశీల 

పల్లవి :

రామచంద్రుడితడు రఘువీరుడు

కామిత ఫలములీయ గలిగెనిందరికి

చరణం 1 :

గౌతము భార్యపాలిటి కామధేనువితడు

ఘాతల కౌశికుపాలి కల్పవృక్షము

సీతాదేవి పాలిటి చింతామణి యితడు

యీతడు దాసుల పాలిటి యిహపర దైవము

చరణం 2 :

పరగసుగ్రీవుపాలి పరమ బంధువితడు

సరిహనుమంతుపాలి సామ్రాజ్యము

నిరతి విభీషణునిపాలి నిధానము యీతడు

గరిమజనకు పాలి ఘనపారిజాతము

చరణం 3 :

తలప శబరిపాలి తత్వపు రహస్యము

అలరిగుహునిపాలి ఆదిమూలము

కలడన్నవారిపాలి కన్నులెదుటి మూరితి

వెలయ శ్రీవేంకటాద్రి విభుడితడు

- పాటల ధనుస్సు 

శరణువేడెద యజ్ఞ సంభవ రామ | Sharanu Vededa | Song Lyrics | Annamacharya Keerthana

శరణువేడెద యజ్ఞ సంభవ రామ 

సాహిత్యం : శ్రీ తాళ్ళపాక అన్నమాచార్య 

రాగం : మోహన 

ఆల్బం : శ్రీరామ గానామృతం 

గానం : పి సుశీల 

పల్లవి :

శరణువేడెద యజ్ఞసంభవ శ్రీరామ 

అరసి రక్షించుమమ్ము అయోధ్యారామ ||

చరణం 1 :

ధారుణిలో దశరథ తనయ రామ |

చేరిన యహల్యను రక్షించినరామ 

వారిధి బంధన కపి వల్లభ రామ | 

తారక బ్రహ్మమైన సీతారామ ||

శరణువేడెద యజ్ఞసంభవ శ్రీరామ 

అరసి రక్షించుమమ్ము అయోధ్యారామ ||

చరణం 2 :

ఆదిత్య కులాంబుధి మృగాంతక రామ 

హర కోదండ భంజనము చేకొనినరామ 

వేద శాస్త్ర పురాణాదివినుతరామ  

ఆది గొన్నతాటకా సంహార రామ ||

శరణువేడెద యజ్ఞసంభవ శ్రీరామ 

అరసి రక్షించుమమ్ము అయోధ్యారామ ||

చరణం 3 :

రావణుని భంజించినరాఘవరామ

వావిరి విభీషణ వరద రామ 

సేవలనలమేల్మంగతో శ్రీవేంకటేశుడవై

ఈవల దాసులెల్ల ఏలినట్టిరామ..

శరణువేడెద యజ్ఞసంభవ శ్రీరామ 

అరసి రక్షించుమమ్ము అయోధ్యారామ ||

- పాటల ధనుస్సు