నను మరువని దొరవని తెలుసు | Nanu Maruvani Doravani | Song Lyrics | Rajakota Rahashyam (1971)

నను మరువని దొరవని తెలుసు

చిత్రం : రాజకోట రహస్యం (1971)

సంగీతం :  విజయా కృష్ణమూర్తి

గీతరచయిత :  సి నారాయణ రెడ్డి 

నేపధ్య గానం :  ఘంటసాల, సుశీల 

సాకి : 

తొలి సిగ్గుల తొలకరిలో 

తలవాల్చిన చంద్రముఖి

తెరలెందుకు నీకు నాకు 

దరి జేరవె ప్రియసఖి

పల్లవి : 

నను మరువని దొరవని తెలుసు

నను మరువని దొరవని తెలుసు

నా మదిలోన ఏముందొ 

అది నీకు తెలుసు

నను వలచిన చెలివని తెలుసు

నను వలచిన చెలివని తెలుసు

నా ఎదలోన ఏముందొ 

అది నీకు తెలుసు

నను వలచిన చెలివని తెలుసు 

చరణం 1:

చెంపల కెంపులు దోచాలని .. 

సంపంగి నవ్వులు దూయాలని

ఆ .. ఆ .. ఆ

చెంపల కెంపులు దోచాలని .. 

సంపంగి నవ్వులు దూయాలని

నడుమున చేయి వేసి నడవాలని...

నా .. నడుమున చేయి వేసి నడవాలని

అంటుంది అంటుంది 

నీ కొంటె వయసు ...

నను వలచిన చెలివని తెలుసు

నా ఎదలోన ఏముందొ 

అది నీకు తెలుసు

నను వలచిన చెలివని తెలుసు...  

చరణం 2:

నీ రాజు తోడుగ నిలవాలని ... 

ఈ ఏడు లోకాల గెలవాలని

ఆ .. ఆ .. ఆ

నీ రాజు తోడుగ నిలవాలని ... 

ఈ ఏడు లోకాల గెలవాలని

బ్రతుకే పున్నమి కావాలని....

నీ ...బ్రతుకే పున్నమి కావాలని

కోరింది కోరింది నీ లేత వయసు ...

నను మరువని దొరవని తెలుసు

నా మదిలోన ఏముందొ 

అది నీకు తెలుసు

నను వలచిన చెలివని తెలుసు

- పాటల ధనుస్సు 

నెలవంక తొంగి చూసింది | Nelavanka Tongi Chusindi | Song Lyrics | Rajakota Rahashyam (1971)

నెలవంక తొంగి చూసింది 

చిత్రం : రాజకోట రహస్యం (1971)

సంగీతం :  విజయా కృష్ణమూర్తి

గీతరచయిత :  సినారె

నేపధ్య గానం :  ఘంటసాల, సుశీల 

పల్లవి :

నెలవంక తొంగి చూసింది.. 

చలిగాలి మేను సోకింది

మనసైన చెలువ కనులందు నిలువ.. 

తనువెల్ల పొంగి పూచింది

నెలవంక తొంగి చూసింది.. 

చలిగాలి మేను సోకింది

చిరునవ్వులొలుక చెలికాడు పలుక.. 

నిలువెల్ల వెల్లి విరిసింది

నెలవంక తొంగి చూసింది... 

చరణం 1:

ఏ జన్మలోని వరమో .. 

ఈ జన్మలోన దొరికె

ఏ జన్మలోని వరమో .. 

ఈ జన్మలోన దొరికె

ఏ పూలనోము ఫలమో .. 

నీ రూపమందు నిలిచె

సుడిగాలులైన ..జడివానలైన.. 

విడిపోని బంధమే వెలసె

నెలవంక తొంగి చూసింది .. 

చలిగాలి మేను సోకింది 

చరణం 2:

ఆనాటి వలపు పాట .. 

ఈనాటి బ్రతుకు బాట

ఆనాటి వలపు పాట .. 

ఈనాటి బ్రతుకు బాట

ఆనాటి కలవరింత .. 

ఈనాటి కౌగిలింత

ఏనాటికైన .. ఏ చోటనైన 

విడిపోనిదోయి మన జంట

నెలవంక తొంగి చూసింది .. 

చలిగాలి మేను సోకింది

చిరునవ్వులొలుక చెలికాడు పలుక .. 

నిలువెల్ల వెల్లి విరిసింది

నెలవంక తొంగి చూసింది .. 

చలిగాలి మేను సోకింది

పాటల ధనుస్సు 

ఈశ్వరీ జయము నీవే | Eswaree Jayamuneeve | Song Lyrics | Rajakota Rahashyam (1971)

ఈశ్వరీ జయము నీవే

చిత్రం : రాజకోట రహస్యం  (1971)

రచన : డా॥ సి.నారాయణరెడ్డి

సంగీతం : విజయా కృష్ణమూర్తి

గానం : ఘంటసాల, బృందం

శ్లోకం :

సర్వమంగళమాంగల్యే శివే సర్వార్థ సాధికే

శరణ్యే త్రయంబికే దేవి నారాయణి నమోస్తుతే

పల్లవి :

ఈశ్వరీ జయము నీవే 

పరమేశ్వరీ అభయమీవే 

ఈశ్వరీ జయము నీవే 

పరమేశ్వరీ అభయమీవే

చరణం : 1

సూర్యులు కోటిగ చంద్రులు కోటిగ

మెరసిన తేజము నీవే దేవి

శక్తి వర్ధనివి వరదాయినివే 

శక్తి వర్ధనివి వరదాయినివే 

ఇహమూ పరమూ నాకిక నీవే

చరణం : 2

మంత్రతంత్రముల మాయల ప్రబలిన

క్షుద్రుల పీడకు బలియగుటేనా

దుష్టశక్తులను రూపుమాపగ... 

దుష్టశక్తులను రూపుమాపగ... 

మహా మహిమనే నాకిడ లేవా

చరణం : 3

నిరపరాధులగు తల్లిదండ్రులు సతి

క్రూరుని హింసకు గురియగుటేనా

దుర్మార్గులనిక నాశము చేసి 

దుర్మార్గులనిక నాశము చేసి

తరించు వరమిడి దయగనరావా

ఓం నారాయణి... ఓం నారాయణి

చరణం : 4

ప్రాణము లైదుగ వేదనలైదుగ

పరిపరి విధముల నినువేడితినే

అమోఘ మహిమల ఆదిశక్తివే

ఓం నారాయణి... ఓం నారాయణి

అమోఘ మహిమల ఆదిశక్తివే

చలమూ బలమూ నాకికనీవే దేవి... దేవి...

ఓం నారాయణి... ఓం నారాయణి 

ఓం నారాయణి... ఓం నారాయణి 

పాటల ధనుస్సు