దేవీ క్షేమమా | Devi Kshemama | Song Lyrics | Santhi Nilayam (1972)

 దేవీ క్షేమమా

చిత్రం : శాంతి నిలయం (1972)

సంగీతం : ఎస్. పి. కోదండపాణి

గీతరచయిత : ఆచార్య ఆత్రేయ

నేపధ్య గానం : వసంత, బాలు 

పల్లవి :

దేవీ క్షేమమా.. దేవరవారూ క్షేమమా

దేవీ క్షేమమా..  దేవరవారూ క్షేమమా

తమ కడగంటి చూపే కరువైనాదీ..

తమ కరుణా కటాక్షమే అరుదైనాదీ.. 

దేవీ క్షేమమా..   

చరణం 1 :

నులి సిగ్గుల లేబుగ్గలు ఎలాగున్నవీ?

నులి వెచ్చని తొలి ముద్దులు పంపమన్నవీ

అల్లరల్లరీ కళ్ళు చల్లగా వున్నవా?

అల్లరల్లరీ కళ్ళు చల్లగా వున్నవా?

తెల్లవార్లు నిదుర రాక ఎర్రబారుతున్నవీ..  

దేవీ క్షేమమా..  

చరణం 2 :

జడలోన మల్లెపూలు ఇమడకున్నవి

జత లేక పట్టుపరుపు కుదరకున్నది

తలగడతో చెప్పుకునే కబురులే మిగిలినవి

తలగడతో చెప్పుకునే కబురులే మిగిలినవి

అవి కూడ నలిగిపోయి జాలివేస్తున్నది..  

దేవీ క్షేమమా.. 

చరణం 3 :

నీ బడిలో చదవాలి క్రొత్త క్రొత్త చదువులూ

నేనపుడు అడగాలి చిలిపి చిలిపి ప్రశ్నలూ

నీ పెదవులపై వ్రాయాలి నీవుమెచ్చు జవాబులూ

పెదవులపై వ్రాయాలి నీవుమెచ్చు జవాబులూ

నీ మగసిరి గెలవాలి అసలైన పరీక్షలూ 

దేవీ క్షేమమా . .  దేవరవారూ క్షేమమా . . 

దేవీ క్షేమమా . .

- పాటల ధనుస్సు