నీ మనసు నా మనసు ఏకమై | Nee Manasu Naa Manasu Ekamai | Song Lyrics | Ida Lokam (1973)

నీ మనసు నా మనసు ఏకమై

చిత్రం :  ఇదా లోకం (1973)

సంగీతం :  చక్రవర్తి

గీతరచయిత: సి నారాయణ రెడ్డి   

నేపధ్య గానం :  రామకృష్ణ, సుశీల

పల్లవి :

నీ మనసు నా మనసు ఏకమై

నీ నీడ అనురాగ లోకమై

ప్రతి జన్మలోన జతగానే 

ఉందాములే..ఏ ఏ ఏ

ఓ ఓ ఓ..హో..

ఆ ఆ ఆ 

నీ మనసు నా మనసు ఏకమై ఈ ఈ....

చరణం 1 :

చలిగాలి తొలిమబ్బు పులకించి కలిసే

మనసైన చిరుజల్లు మనపైన కురిసే

దూరాన గగనాల తీరాలు మెరిసే

మదిలోన శతకోటి ఉదయాలు విరిసే

ఆ..ఆ..పరువాల బంగారు కిరణాలలో

ఆ..ఆ..కిరణాల జలతారు కెరటాలలో

నీవే నేనై ఉందాములే..

ఆ ఆ..ఓ ఓ..ఆ ఆ ఆ ఆ...

నీ మనసు నా మనసు ఏకమై...

చరణం 2 :

ఆ..ఆ...

ఏనోములో నిను నా చెంత నిలిపే

ఏ దైవమో నేడు నిను నన్ను కలిపే

నీ పొందులో ప్రేమ నిధులెన్నో దొరికే

నీతోనే నా పంచ ప్రాణాలు పలికే

ఈ..ఈ..జగమంత పగబూని ఎదిరించినా

ఆ..ఆ విధి ఎంత విషమించి వేధించినా

నీవే నేనై ఉందాములే ..

ఆ ఆ..ఓ ఓ..ఆ ఆ ఆ ఆ...

నీ మనసు నా మనసు ఏకమై

నీ నీడ అనురాగ లోకమై

ప్రతి జన్మలోన జతగానే ఉందాములే...

- పాటల ధనుస్సు