నీలాలు కారేనా కాలాలు మారేనా | Neelalu Marena | Song Lyrics | Mudda Mandaram (1981)

నీలాలు కారేనా కాలాలు మారేనా

చిత్రం :  ముద్దమందారం (1981)

సంగీతం :  రమేశ్ నాయుడు

గీతరచయిత : వేటూరి 

నేపధ్య గానం :  బాలు 

పల్లవి:

నీలాలు కారేనా కాలాలు మారేనా

నీ జాలి నే పంచుకోనా నీ లాలి నే పాడలేనా

జాజి పూసే వేళ జాబిల్లి వేళ

పూల డోల నేను కానా

నీలాలు కారేనా కాలాలు మారేనా

నీ జాలి నే పంచుకోనా నీ లాలి నే పాడలేనా

జాజి పూసే వేళ జాబిల్లి వేళ

పూల డోల నేను కానా

చరణం 1:

సూరీడు నెలరేడు సిరిగల దొరలే కారు లే

పూరి గుడిసెల్లో పేద మనసుల్లో వెలిగేటి దీపాలులే

ఆ నింగి ఈ నేల కొనగల సిరులే లేవులే

కలిమి లేముల్లొ కరిగే ప్రేమల్లొ నిరుపేద లోగిళ్ళులే

నీలాలు కారేనా కాలాలు మారేనా

నీ జాలి నే పంచుకోనా నీ లాలి నే పాడలేనా

జాజి పూసే వేళ జాబిల్లి వేళ

పూల డోల నేను కానా

చరణం 2:

ఈ గాలిలో తేలి వెతలను మరిచే వేళలో

కలికి వెన్నెల్లు కలల కన్నుల్లో కల పారి పోవాలి లే

ఆ తారలే తేరి తళ తళ మెరిసే రేయిలో

ఒడిలో నువ్వుంటె ఒదిగీ పోకుంటె కడతేరి పోవాలిలే..

నీలాలు కారేనా కాలాలు మారేనా

నీ జాలి నే పంచుకోనా నీ లాలి నే పాడలేనా

జాజి పూసే వేళ జాబిల్లి వేళ

పూల డోల నేను కానా

పాటల ధనుస్సు