దాచాలంటే దాగదులే | Dachalante Dagadule | P Susheela | Song Lyrics | Lakshadhikari (1963)

దాచాలంటే దాగదులే

చిత్రం : లక్షాధికారి (1963)

సంగీతం : టి.చలపతిరావు

గీతరచయిత : సి.నారాయణరెడ్డి 

నేపధ్య గానం : పి.సుశీల  

పల్లవి :

దాచాలంటే దాగదులే..

దాగుడు మూతలు సాగవులే

వలపుల సంకెల బిగిసే దాక 

వదలను.. వదలను.. వదలనులే

దాచాలంటే దాగదులే..

దాగుడు మూతలు సాగవులే

వలపుల సంకెల బిగిసే దాక 

వదలను.. వదలను.. వదలనులే

చరణం 1 :

నీ సన్నని మీసంలో విలాసం 

వన్నెలు చిలికింది

నీ నున్నని బుగ్గలపై పున్నమి 

వెన్నెల మెరిసింది

నీ ఓర చూపులను గని.. 

బంగారు తూపులనుకొని

నీ ఓర చూపులను గని..  

తూపులనుకొని మురిసిపోతానూ.. 

పరవసించేనూ

 నీ కన్నులు రమ్మని పిలిచేదాక 

కదలను..కదలను..కదలనులే

దాచాలంటే దాగదులే..

దాగుడు మూతలు సాగవులే

వలపుల సంకెల బిగిసే దాక 

వదలను..వదలను..వదలనులే 

చరణం 2 :

పొదలలోన వున్నా 

పూల గంధాలు దాగలేవు

మట్టిలోన వున్నా.. 

మణుల అందాలు మాసిపోవు

నీలోని రూపమును గని.. 

రతనాల దీపమనుకొని

నీలోని రూపమును గని.. 

దీపమనుకొని

మదిని నిలిపేను.. 

జగము మరచేనూ

నీ పెదవుల నవ్వులు విరిసే దాక 

విడువను..విడువను..విడువనులే

దాచాలంటే దాగదులే..

దాగుడు మూతలు సాగవులే

వలపుల సంకెల బిగిసే దాక..

వదలను..వదలను..వదలనులే

- పాటల ధనుస్సు