దాచాలంటే దాగదులే | Dachalante Dagadule | Ghantasala | Song Lyrics | Lakshadhikari (1963)

దాచాలంటే దాగదులే 

చిత్రం : లక్షాధికారి (1963)

సంగీతం : టి.చలపతిరావు

గీతరచయిత : సి.నారాయణరెడ్డి 

నేపధ్య గానం : ఘంటసాల, 

సాకీ :

హాయ్.. హాయ్.. హాయ్

నా చెంప తాకగానే... చెలీ.. 

నీ చేయి కందెనేమో

నా చూపు సోకగానే... అరెరె.. 

నాజూకు తగ్గెనేమో

నా చెంప తాకగానే... చెలీ.. 

నీ చేయి కందెనేమో

నా చూపు సోకగానే... అరెరె.. 

నాజూకు తగ్గెనేమో

నాపైన నీకు కోపమా.. 

కాదేమి విరహతాపమా

నాపైన నీకు కోపమా విరహతాపమా

పలుకగా రాదా... 

అలుక మరియాదా

నీ పదునౌ చూపుల 

అదిరింపులకే బెదరను 

బెదరను బెదరనులే  

పల్లవి :

దాచాలంటే దాగదులే.. 

దాగుడుమూతలు సాగవులే

వలపుల సంకెల బిగిసేదాకా.. 

వదలను వదలను వదలనులే

చరణం 1 : 

నీ కులుకు నడక చూచి.. 

రాజహంసలకు సిగ్గు కలిగె

నీ తళుకు మోము చూచి.. 

నింగి జాబిలికి నిగ్గు తరిగె

నీ కులుకు నడక చూచి.. 

రాజహంసలకు సిగ్గు కలిగె

నీ తళుకు మోము చూచి.. 

నింగి జాబిలికి నిగ్గు తరిగె 

అయ్యారే మేని అందము.. 

బంగారు తీగ చందము

అయ్యారే మేని అందము.. 

తీగ చందము

మరులుగొలిపేనూ.. 

మనసు దోచేనూ

ఈ కమ్మని రాతిరి కరిగేదాకా.. 

కదలను కదలను కదలనులే

దాచాలంటే దాగదులే.. 

దాగుడుమూతలు సాగవులే

వలపుల సంకెల బిగిసేదాకా.. 

వదలను వదలను వదలనులే 

చరణం 2 :

నీ నల్లని వాల్జడలో.. 

విరిసిన మల్లెలు రమ్మనెను

నీ ఎర్రని బుగ్గలపై సిగ్గులు.. 

ఎదురై పొమ్మనెను

నీ నల్లని వాల్జడలో.. 

విరిసిన మల్లెలు రమ్మనెను

నీ ఎర్రని బుగ్గలపై సిగ్గులు.. 

ఎదురై పొమ్మనెను 

నువు లేకపోతే ఓ చెలీ.. 

ఈ లోకమంతా చలి చలి

నువు లేకపోతే ఓ చెలీ.. లోకమే చలి

ఏమి చేసేనే..  ఎటుల సైచేనే

నీ వెచ్చని కౌగిట ఒదిగేదాకా.. 

విడువను విడువను విడువనులే 

దాచాలంటే దాగదులే.. 

దాగుడుమూతలు సాగవులే

వలపుల సంకెల బిగిసేదాకా.. 

వదలను వదలను వదలనులే

- పాటల ధనుస్సు